विदर्भात पिकांची स्थिती बिकट

विदर्भातील पिकांची स्थिती बिकट
विदर्भातील पिकांची स्थिती बिकट

अकोला : गेल्या दोन दिवसांपासून विदर्भात मुसळधार, संततधार पावसाचा इशारा देण्यात आला. मात्र, केवळ ढगाळ वातावरण बनलेले असून पावसाचा पत्ता नाही. यामुळे पावसाबाबतचा अंदाज आता टिंगलटवाळीचा विषय होत आहे. पावसाचा खंड वाढत असल्याने पिकांची दरदिवसाला स्थिती बिकट होत असून, सिंचनाची सोय असलेल्या शेतकऱ्यांनी पिकांना पाणी देणे सुरू केले आहे.

जुलैच्या तिसऱ्या आठवड्यात पाऊस झाल्यानंतर खंड पडलेला आहे. सध्या सोयाबीन, उडीद फुलोरावस्थेत तर मुगाच्या शेंगा परिपक्व होण्याच्या स्थितीत आहेत. कोरडवाहू लागवड असलेले कपाशी, तुरीचे पीकवाढीच्या अवस्थेत आहे. या काळात पिकांना पावसाची नितांत गरज भासते. नेमका पाऊस सध्या येत नसल्याने शेतकरी चिंतेत आहेत.  

पावसाबाबत हवामान खात्याने अंदाज दिलेला असल्याने दिलासा वाटत होता. परंतु, या अंदाजानुसार पाऊस झालेला नाही. गेले दोन दिवस वऱ्हाडातील आकाशात केवळ ढगांची दाटी झालेली दिसून येत आहे. शेतकऱ्यांना पावसाची प्रतीक्षा आहे.   

वऱ्हाडात अकोला जिल्ह्यातील खारपाण पट्टा, संपूर्ण बुलडाणा जिल्हा या वर्षीच्या कमी पावसाच्या तडाख्यात सापडला आहे. खारपाण पट्‌ट्यात सिंचनाचा कुठलाही स्राेत नसून शेततळीदेखील कोरडी पडली आहेत. इतर भागात सिंचनाची सोय असलेल्या शेतकऱ्यांनी कपाशी, सोयाबीन या पिकांचे सिंचन सुरू केले आहे. त्यासाठी अनेक ठिकाणी वीजपुरवठा नसल्याने अडचणीचा सामना करावा लागत आहे. मजुरांकडून सिंचनासाठी एकरी ३०० रुपये मंजुरी घेतली जात आहे.     

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com