सोयाबीन खरेदीतील प्रमुख अटी शिथिल

मोडकसागर धरण, संग्रहित छायाचित्र
मोडकसागर धरण, संग्रहित छायाचित्र

सातारा : सोयाबीन खरेदीसाठी शासनाने लादलेल्या जाचक अटी शिथिल केल्या आहेत. सोयाबीन एकरी उत्पादनाची अट वाढण्यात आली असून, तुरीप्रमाणेच खरेदी केंद्रावर चाळण उपलब्ध करून देण्यात येणार आहे. त्यामुळे सोयाबीन खरेदीला लागलेला ब्रेक निघाला आहेत. आता सातारा, कऱ्हाडसह वाई व कोरेगाव येथे सोयाबीन खरेदी होणार आहे.

सातारा जिल्ह्यात मोठ्या प्रमाणात सोयाबीनची पेरणी झाल्यामुळे उत्पादनात भरीव वाढ झाली आहे. सोयाबीनची आतापर्यंत ६० टक्के काढणी उरकली आहे. सोयाबीनची हमीभावापेक्षा कमी दराने व्यापाऱ्याकडून खरेदी केली जात असल्याच्या तक्रारी झाल्यानंतर जिल्हा मार्केटिंग विभागाकडून सोयाबीन प्रतिक्विंटल ३०५० रुपयाने खरेदी व्हावी यासाठी सातारा व कऱ्हाड या दोन केंद्रे सुरू करण्यात आली होती. मात्र केंद्रावर सोयाबीन आणताना त्यात काडी कचरा, मातीमिश्रित नसावा, स्वच्छ चाळणी केलेला असावा.

सोयाबीनची आर्द्रता १२ टक्के किंवा त्यापेक्षा कमी असावी, एकरी ८ क्विटंल सोयाबीन खरेदी करता येईल. या घालण्यात आलेल्या अटी शेतकऱ्यांना जाचक ठरत होत्या. यामुळे शेतकऱ्यांची सोयाबीन इच्छा असतानाही खरेदी केंद्रावर सोयाबीन घालता येत नव्हते.

या संदर्भात ‘ॲग्रोवन’मध्ये २४ ऑक्‍टोबर ‘जाचक अटींमुळे सोयाबीन घरात ठेवण्याची वेळ’ या शीर्षकाखाली बातमी प्रसिद्ध करत शेतकऱ्यांना खरेदीतील येणाऱ्या अडचणी मांडण्यात आल्या होत्या. या बातमीची संबंधित जिल्हा मार्केटिंग विभागाने दखल घेत सोयाबीनची एकरी उत्पादनात वाढ करण्यात आली असून आता एकरी दहा क्विंटलपर्यंत वाढ करण्यात आली. तुरीप्रमाणे खरेदी केंद्रावर चाळण उपलब्ध करून देण्यास सुरवात करण्यात आली आहे.

कऱ्हाड केंद्रावर चाळण उपलब्ध झाली असून उर्वरित तीन केंद्रावर शनिवारपासून चाळणीची सुविधा करण्यात आली आहे. सातबारा व आठ अ उतारावरील सोयाबीनची नोंद असणे अट कायम करण्यात आली असली तरी जिल्ह्यातील सर्व तलाठ्यांना सोयाबीन पिकपेरा लावण्याचे आदेश जिल्हाधिकारी श्‍वेंता सिंघल यांनी दिले आहेत. आंतरपिक म्हणून सोयाबीन असले तरी त्यांचीही नोंद करण्याचे आदेश देण्यात आले आहेत.

सोयाबीन खरेदीतील प्रमुख अटी शिथिल करण्यात आल्यामुळे शेतकऱ्यांना खरेदी केंद्रावर विक्री करणे सोपे जाणार असून हमीभावही मिळणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com