agriculture news in marathi, confusion persisted about milk rate, nagar, maharashtra | Agrowon

दूधदराबाबत अजूनही संभ्रम कायम
टीम अॅग्रोवन
बुधवार, 8 ऑगस्ट 2018

२५ रुपये लिटर दराने दुधाची खरेदी सुरू केली आहे. मात्र, ८.३ पेक्षा कमी एसएनएफ, ३.२ पेक्षा कमी फॅट असलेल्या दुधाला अनुदान मिळणार नाही. त्यामुळे ते दूध घेण्याला अडचणी येत आहेत. असे दूध स्वीकारले तरी त्या शेतकऱ्यांना पावत्या दिल्या जात नाहीत. शासनाने सांगितलेल्या नियमाप्रमाणेच दूध स्वीकृती करावी लागणार आहे. मात्र, सध्या दुष्काळी परिस्थिती आहे. जनावरांना सकस चारा मिळत नाही, त्यामुळे अनेक शेतकऱ्यांकडील दूध ३.२ फॅट आणि ८.३ एसएनएफपर्यंतही बसत नाही.
- संदीप भापकर, दूध संकलक, गुंडेगाव, जि. नगर

नगर ः दूधदरवाढीच्या आंदोलनानंतर राज्य सरकारने २५ रुपये लिटर दराने दूध खरेदी करणार असल्याचे जाहीर केले. त्यानुसार १ ऑगस्टपासून दूध संकलन करणाऱ्या संस्थांनी २५ रुपये दर देणार असल्याचे सांगून खरेदीही सुरू केली. मात्र, अनुदान कसे मिळणार, ३.५ फॅट व ८.५ एसएनएफपेक्षा कमी दर्जाचे दूध खरेदी केल्यानंतर त्याला दर कसा द्यायचा याबाबत अजून काहीसा संभ्रम असल्याने बहुतांश ठिकाणी खरेदीच्या पावत्या देण्याऐवजी त्याची रजिस्टरवर नोंद केली जात आहे. ३.२ फॅट, ८.३ पेक्षा कमी एसएनएफ असलेल्या दुधाला अनुदान मिळणार नसल्याने असे दूध स्वीकारूच नका, असे सांगितले असल्याचे दूध संकलन केंद्र चालक सांगत आहेत.

दुधाला २७ रुपये प्रतिलिटर दर द्यावा किंवा प्रतिलिटर पाच रुपयांचे अनुदान मिळण्यासाठी झालेल्या आंदोलनानंतर सरकारने २५ रुपये प्रतिलिटर दराने दूध खरेदीचा निर्णय घेतला. त्याबाबत अध्यादेशही काढला. सुरवातीला २१ जुलैपासून व नंतर झालेल्या बैठकीत १ ऑगस्टपासून २५ रुपये दराने दूध खरेदी करणार असल्याचे जाहीर केले. त्यानुसार १ ऑगस्टपासून २५ रुपये दर देणार असल्याचे संकलन करणारे सांगत आहेत. आता ३.५ फॅट व ८.५ एसएनएफ असेल त्याच दुधाला २५ रुपये दर मिळणार आहे.

त्यानंतर प्रत्येक पॉइंटला एक रुपया कमी होईल, मात्र ३.२ फॅट व ८.३ एसएनएफपेक्षा कमी दर्जाच्या दुधाला अनुदान मिळणार नाही. त्यामुळे ३.२ फॅट व ८.३ एसएनएफपेक्षा कमी दर्जाचे दूध स्वीकारूच नये, असे सांगण्यात आले असल्याचे दूध संकलक सांगत आहेत. असे असले तरी अजून काही बाबतीत संभ्रम कायम आहे. त्यामुळे सध्या दूध खरेदीच्या संगणकीय पावत्या देण्याएवजी फक्त दुधातील फॅट व एसएनएफसह अन्य रजिस्टरवर नोंदी केल्या जात आहेत. सध्या बहुतांश ठिकाणी पावत्या देणे तात्पुरते बंद आहे. नगर जिल्ह्यात १६५ दूध संघ असून, त्यात १४५ खासगी, १२ सहकारी आणि १० मल्टिस्टेट दूध संघांचा समावेश आहे. ८७९ सहकारी संघांची संकलन केंद्रे असून, दर दिवसाला साधारण २४ लाख लिटर दूध संकलन केले जाते.
 

टॅग्स

इतर अॅग्रो विशेष
प्रथिनांचा उत्तम स्राेत ः गुणवंत चारापीकराहुरी येथील महात्मा फुले कृषी विद्यापीठाने...
मुंबईसह शेजारील शहरांत सेंद्रिय...मुंबईसह शेजारील शहरांमध्ये सेंद्रिय उत्पादनांना...
ऊसतोड मजूरांच्या मागण्यांबाबत लवादाची...मुंबई :  राज्यातील ऊसतोड मजूर व कामगारांच्या...
मॉन्सूनची माघार शनिवारपासूनपुणे : नैऋत्य मोसमी वाऱ्यांच्या (माॅन्सून)...
सेंद्रिय शेतीसाठी शासनाच्या विविध योजनासेंद्रिय शेती आणि पीक उत्पादनवाढीसाठी राज्य आणि...
‘जलयुक्त’ गैरव्यवहाराची फाइल पुन्हा...पुणे : जलयुक्त शिवार योजनेत बीड जिल्ह्यात...
महसूल उत्पन्न सूत्राचे ऊसदरामध्ये...पुणे : महसुली उत्पन्न विभागणीनुसार राज्यातील...
तुरळक ठिकाणी पावसाचा अंदाजपुणे : ‘दाये’ चक्रीवादळ निवळून गेल्यानंतर राज्यात...
मोदींनी सर्वात मोठी आरोग्य योजना '...रांची- पंतप्रधान नरेंद्र मोदी यांनी झारखंडची...
कृषिपंपासाठी बड्या कंपन्यांच्या निविदाबारामती - राज्यातील दोन लाख ९० हजार शेतकऱ्यांच्या...
मराठवाड्यातील ८६४ प्रकल्पांत ३३ टक्‍केच...औरंगाबाद : मराठवाड्यातील पाणीसाठ्यांमधील उपयुक्‍त...
ऊस ठिबक योजनेसाठी लेखापरीक्षकाची नेमणूक पुणे : राज्यात ऊस लागवडीसाठी ठिबक अनुदान...
इथेनॉलमधील फरक ओळखण्यासाठी यंत्रणानवी दिल्ली ः देशात तीन प्रकारच्या मोलॅसिसपासून...
‘ग्लायफोसेट’वर बंदी नाहीपुणे : मानवी आरोग्याला धोकादायक असल्याचा कोणताही...
विदर्भात पावसाची दमदार हजेरीपुणे : बंगालच्या उपसागरातील ‘दाये’ वादळाने बाष्प...
बचत गटांतून मिळाली विकासाला उभारीअस्तगाव (ता. राहाता, जि. नगर) हा तसा सधन परिसर....
कांदाचाळीसाठी सव्वाशे कोटींचा निधीनगर  ः एकात्मिक फलोत्पादन विकास...
शेती, आरोग्य अन्‌ शिक्षणाचा जागरगावाच्या शाश्वत विकासासाठी शेती, आरोग्य, शिक्षण...
महाराष्ट्राची सिंचनक्षमता आता 40 लाख...मुंबई - शेतीयोग्य जमिनीतील केवळ 18 टक्‍के...
देशात ऊस लागवड 51.9 लाख हेक्टरवरनवी दिल्ली ः मागील वर्षी अतिरिक्त साखर...