agriculture news in marathi, Confusion at 'Siddheshwar' meeting from FRP | Agrowon

एफआरपीवरून ‘सिद्धेश्‍वर’च्या सभेत गोंधळ
टीम अॅग्रोवन
मंगळवार, 2 ऑक्टोबर 2018

सोलापूर : गेल्या वर्षीची एफआरपी थकवल्याच्या मुद्द्यावरून सिद्धेश्‍वर सहकारी साखर कारखान्याच्या वार्षिक सर्वसाधारण सभेत रविवारी (ता. ३०) मोठा गोंधळ झाला. कारखान्याचे अध्यक्ष धर्मराज काडादी हे बोलायला उभे राहताच, अनेक सदस्यांनी उभे राहून एफआरपीबाबत प्रश्‍न विचारायला सुरवात केली. जानेवारी ते मार्चअखेर १२०० रुपये दिले आहेत. उर्वरित १ हजार रुपये महिनाअखेर देऊ, असे ठोस आश्‍वासन दिल्यानंतर सभा सुरळीत सुरू झाली.

सोलापूर : गेल्या वर्षीची एफआरपी थकवल्याच्या मुद्द्यावरून सिद्धेश्‍वर सहकारी साखर कारखान्याच्या वार्षिक सर्वसाधारण सभेत रविवारी (ता. ३०) मोठा गोंधळ झाला. कारखान्याचे अध्यक्ष धर्मराज काडादी हे बोलायला उभे राहताच, अनेक सदस्यांनी उभे राहून एफआरपीबाबत प्रश्‍न विचारायला सुरवात केली. जानेवारी ते मार्चअखेर १२०० रुपये दिले आहेत. उर्वरित १ हजार रुपये महिनाअखेर देऊ, असे ठोस आश्‍वासन दिल्यानंतर सभा सुरळीत सुरू झाली.

कारखान्याची सर्वसाधारण सभा काडादी यांच्या अध्यक्षतेखाली झाली. पण केवळ एफआरपीच्या मुद्द्याभोवतीच ही सभा फिरली. या वेळी माजी आमदार सिद्रामप्पा पाटील, जिल्हा परिषदेच्या कृषी समितीचे सभापती मल्लिकार्जुन पाटील, बाजार समितीचे उपसभापती श्रीशैल नरोळे, सिद्धाराम चाकोते, अनिल सिंदगी, शशिकांत तळे, रेवणसिद्ध बनशेट्टी, राजशेखर पाटील, अंबण्णप्पा भंगे, लिंबराज पाटील, अरुण लातुरे, सिद्रामप्पा अब्दुलपूरकर, प्रकाश वानकर, गुरुसिद्ध म्हेत्रे, जाफरताज पटेल, शिवानंद दरेकर, विश्‍वनाथ बिराजदार, दीपक आलुरे उपस्थित होते. दरम्यान मृत सभासदांच्या वारसांना प्रत्येकी तीन लाखांच्या नुकसानभरपाईचे धनादेश काडादी यांच्या हस्ते देण्यात आले. कारखान्याचे कार्यकारी संचालक संतोष कुंभार यांनी विषयांचे वाचन केले.

गेल्या हंगामात सात लाख ४५ हजार ७७४ मेट्रिक टन उसाचे गाळप झाले, तर ९.४५ टक्के इतका उतारा मिळाला आणि सभासदांना २२०० रुपयांचा दर दिला. उशिराच्या उसाला ५० ते २०० रुपयांचा जादा दर दिल्याचे काडदी यांनी सांगितले. पण सभासद त्यांचे ऐकण्याच्या मनस्थितीत नव्हते. राहिलेल्या बिलाचे काय, असा त्यांचा प्रश्‍न होता. हळूहळू हा गोंधळ वाढतच गेला. शेवटी आश्‍वासन दिल्यानंतर सभा सुरळीत सुरू झाली.

अब्दुलपूरकर यांनी कारखान्याच्या संचालक मंडळावर जोरदार प्रहार केला. वेळच्या वेळी साखरेची विक्री केली नाही, सभासदांच्या ठेवी परत देण्याचे आश्‍वासन देऊनही मिळत नसल्याबाबत त्यांनी आक्षेप घेतला. त्यामुळेही काही काळ वातावरण तणावपूर्ण बनले. पण माजी आमदार पाटील, कृषी सभापती पाटील यांनी हस्तक्षेप करून सभासदांना शांत केल्याने पुढे कामकाज सुरळीत झाले.

इतर बातम्या
सातारा जिल्हा बॅंक देणार मध्यम मुदत...सातारा :  स्थापनेपासून गेल्या ६८ वर्षांत...
मराठवाड्यात भीषण जलसंकटऔरंगाबाद : मराठवाड्यातील ८२४ लघू मध्यम...
टंचाई निवारणाच्या उपाययोजना राबवा :...परभणी : टंचाई निवारणासाठी कृती आराखड्यातील...
द्राक्ष उत्पादकांना तज्ज्ञांचे बांधावर...नाशिक : द्राक्ष बागायतदारांना येणाऱ्या अडचणी...
औरंगाबादेत हिरवी मिरची ४००० ते ५०००...औरंगाबाद : येथील कृषी उत्पन्न बाजार...
जळगाव : खरिपाचा रासायनिक खतपुरवठा रखडलाजळगाव : रासायनिक खतांचा खरिपासंबंधीचा पुरवठा...
दुष्काळनिधीची कार्यवाही तत्काळ करा :...जळगाव : पालकमंत्री चंद्रकांत पाटील यांनी शनिवारी...
दुष्काळ निवारणार्थ समन्वयाने काम करा :...नाशिक : जिल्ह्यात दुष्काळी परिस्थितीमुळे...
सांगली : तेरा छावण्यांत पाच हजारांवर...सांगली : दुष्काळग्रस्त भागातील जनावरांच्या...
दुष्काळी मदतीची गावनिहाय माहिती जाहीर...मुंबई  : राज्यातील बहुतांश...
पाण्यासाठी भीमा नदीपात्रात ठिय्या आंदोलन मांडवगण फराटा, जि. पुणे  : घोड आणि...
निम्‍न दुधना धरणाच्या पाण्यासाठी...परभणी : दुष्काळामुळे मानवत तालुक्यातील दुधना...
‘उजनी’काठच्या शेतकऱ्यांची पिके...भिगवण, जि. पुणे   ः प्रशासनाच्या...
पुणे जिल्ह्यातील धरणे तळाशीपुणे  : जिल्ह्यातील धरणांमधील पाणीसाठा...
अकोल्यातील खरीप आढावा बैठक...अकोला  ः शेतकऱ्यांच्या दृष्टीने महत्त्वाच्या...
दुष्काळ निवारणासाठी सातारा जिल्हा...सातारा : जिल्ह्यातील दुष्काळी तालुक्‍...
मंडळ स्तरावरील अचूक हवामान अंदाजासाठी...परभणी ः महावेध प्रकल्पांतर्गत मंडळ स्तरावरील...
विदर्भासह, मध्य महाराष्ट्र, मराठवाड्यात...पुणे : विदर्भात उष्णतेची लाट आली आहे. यातच दोन...
राज्यातील सर्वांत मोठा सौरऊर्जा प्रकल्प...नाशिक: कृषिपंपांना दिवसा वीज मिळावी, या...
मॉन्सून मंगळवारपर्यंत उत्तर...पुणे: नैॡत्य मोसमी वारे (मॉन्सून) शनिवारी (ता. १८...