Agriculture News in Marathi, Congress demand Amit shah`s resignation | Agrowon

अमित शहा यांनी पायउतार व्हावे : पृथ्वीराज चव्हाण
मारुती कंदले
मंगळवार, 10 ऑक्टोबर 2017

मुंबई : भाजपचे राष्ट्रीय अध्यक्ष अमित शहा यांच्या मुलावर कंपनीच्या कर्जाबाबत संशयास्पद व्यवहाराचे आरोप झाले अाहेत. या आरोपांची सीबीआय, ‘ईडी’मार्फत चौकशी करावी. संपूर्ण व्यवहारप्रकरणी निर्दोष सिद्ध होत नाहीत; तोपर्यंत भाजपचे सर्वेसर्वा अमित शहा यांनी पदाचा राजीनामा द्यावा, अशी मागणी माजी मुख्यमंत्री पृथ्वीराज चव्हाण यांनी सोमवारी (ता. ९) केली.

मुंबई : भाजपचे राष्ट्रीय अध्यक्ष अमित शहा यांच्या मुलावर कंपनीच्या कर्जाबाबत संशयास्पद व्यवहाराचे आरोप झाले अाहेत. या आरोपांची सीबीआय, ‘ईडी’मार्फत चौकशी करावी. संपूर्ण व्यवहारप्रकरणी निर्दोष सिद्ध होत नाहीत; तोपर्यंत भाजपचे सर्वेसर्वा अमित शहा यांनी पदाचा राजीनामा द्यावा, अशी मागणी माजी मुख्यमंत्री पृथ्वीराज चव्हाण यांनी सोमवारी (ता. ९) केली.

यशवंतराव चव्हाण प्रतिष्ठानमध्ये आयोजित पत्रकार परिषदेत श्री. चव्हाण यांनी अमित शहा व भाजपवर जोरदार हल्ला चढवला. या वेळी पृथ्वीराज चव्हाण म्हणाले, की वायर वृत्तसंस्थेच्या वृत्तात कुठेही आरोप करण्यात आलेला नाही. जय शहा यांच्या वकिलांचे मतही बातमीमध्ये दिले आहे. मात्र काँग्रेसचे या प्रकरणी काही आरोप आहेत.

जय शहा यांनी २००४ मध्ये टेंपल इंटरप्राईज प्रायव्हेट लिमिटेड ही कंपनी जितेंद्र शहा यांच्यासोबत सुरू केली. २००४ ते २००६ मध्ये कंपनीचा काहीही कारभार झाला नाही. २०१५-१६ मध्ये मात्र कंपनीची उलाढाल ८० कोटी ५० लाख रुपयांवर पोचली. ही वाढ १६००० पट इतकी आहे. केआयएफएस या राजेश खांडवाला यांच्या कंपनीने जय शहा यांना १५ कोटींचे कर्ज कोणतेही तारण न घेता दिले. सेबीने या कंपनीला बंद का करू नये, अशी नोटीसही बजावली होती.

मात्र, जय शहा म्हणताहेत, की हे कर्ज नव्हते तर डिपॉझिट होते. जय शहा यांची एक कुसुम किन्सर्व्ह प्रायव्हेट लिमिटेड ही कंपनी जुलै २०१६ मध्ये स्थापन झाली. यामध्ये जय शहा यांचा ६० टक्के हिस्सा आहे. कंपनीला २ कोटी ६ लाखांचे डिपॉझिट २०१४-१५ मध्ये मिळाले. तर ४ कोटी ९० लाखांचे कर्ज दुसऱ्या अनोळखी कंपनीकडून मिळाले. शहा यांनी रतलाममध्ये पवनऊर्जा प्रकल्प उभा केला आहे. हा १५ कोटी रूपयांचा प्रकल्प आहे.

निरमा कंपनीशी संबंधित बॅंकेने या प्रकल्पाला २५ कोटींचे कर्ज दिले. त्यापोटी कंपनीने फक्त ६ कोटी २० लाखांचे तारण दिले आहे. यात अमित शहा यांची ५ कोटींची मालमत्ता तर यशपाल चुडासामा यांची १ कोटी इतकी होती. या पवनऊर्जा कंपनीला केंद्राच्या कंपनीने तत्कालीन मंत्री पीयूष गोयल यांनी १० कोटी ३५ लाखांचे कर्ज दिले. यामध्ये स्पष्टपणे क्रोनिक कॅपिटलचा भाग आहे.

यात खूप मोठ्या प्रमाणावर संशयास्पद व्यवहार झाले आहेत. याची चौकशी ईडी, सीबीआयने केली पाहिजे. या सगळ्या प्रकाराचा पंतप्रधान नरेंद्र मोदी यांनी खुलासा करायला हवा. यापूर्वी जैन हवालामध्ये अडवाणी, तहलकाप्रकरणी बंगारू लक्ष्मण, तर ‘पूर्ती’मध्ये नितीन गडकरी यांनी राजीनामे दिले होते. तिघेही भाजपचे राष्ट्रीय अध्यक्ष होते. भाजप अध्यक्षांची अशी परंपरा अाहे, असा टोलाही श्री. चव्हाण यांनी या वेळी लगावला.

अमित शहा यांनीदेखील राजीनामा द्यावा. या व्यवहारांची संपूर्ण निष्पक्षपाती चौकशी व्हावी. अरुण जेटली यांनी लक्ष घालून सखोल चौकशी करावी, देशातील जनता सरकारकडे उत्तर मागत आहे, असेही श्री. चव्हाण यांनी स्पष्ट केले.

इतर ताज्या घडामोडी
केळी सल्लाकेळी पिकाची उत्तम वाढ व उत्पादनासाठी सरासरी किमान...
करडईवरील मावा किडीचे नियंत्रणकरडई हे रब्बी हंगामातील प्रमुख तेलबियापैकी...
रताळे उत्पादनवाढीसाठी ओडिशाचा...पेरू येथील आंतरराष्ट्रीय बटाटा केंद्राच्या...
सिंधुदुर्ग जिल्ह्यात गीर, साहिवाल...पुणे : सिंधुदुर्ग जिल्ह्यात दुग्ध आणि कुक्कुट...
औरंगाबाद जिल्ह्यात ४६९७ क्‍विंटल...औरंगाबाद : हमीभावाअंतर्गत औरंगाबाद जिल्ह्यात मका...
मराठवाड्यातील ५६९ गाव-वाड्यांना टॅंकरऔरंगाबाद : मराठवाड्यातील पाणीटंचाईचा सामना...
तुरीला ५००० पर्यंत दर, देशी वाणांना...जळगाव : खानदेशात तुरीची मळणी अनेक भागात सुरू झाली...
टँकरऐवजी पाइपलाइनने पाणीपुरवठा करा :...नागपूर : अपुऱ्या व अनियमित पावसामुळे जिल्ह्यातील...
दिल्लीतील व्यावसायिकांनी फळबागा...नगर : नगर जिल्ह्यामधील पाथर्डी तालुक्‍यातील तीव्र...
सातारा जिल्ह्यातील धरणांत अल्प साठासातारा : जिल्ह्यातील प्रमुख धरणांत गतवर्षीच्या...
नाशिक जिल्हा बँकेत खडखडाट तरी सचिवांना...नाशिक : एकीकडे सभासदांना पुरेशी रक्कम देण्यास...
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...