agriculture news in marathi, Coordination to keep the collector in water level in Pune | Agrowon

पुण्यात पाणीवाटपात जिल्हाधिकारी ठेवणार समन्वय
टीम अॅग्रोवन
शुक्रवार, 26 ऑक्टोबर 2018

पुणे ः गेल्या दोन दिवसांपूर्वी राज्यासह, पुणे जिल्ह्यात शासनाने दुष्काळसदृश स्थिती जाहीर केली आहे. मात्र, जिल्ह्यातील धरणांमध्ये जवळपास ८० टक्के पाणीसाठा उपलब्ध आहे. त्यामुळे शहराला पिण्यासाठी, तर ग्रामीण भागात शेतीसाठी आवश्यक असलेले पाणीवाटपाबाबत जलसंपदा विभाग आणि महानगरपालिका यांच्यामध्ये समन्वय ठेवण्याची जबाबदारी जिल्हाधिकारी नवलकिशोर राम यांनी घेतली आहे.

चालू वर्षी पावसाळ्यात जिल्ह्याच्या पश्चिम पट्यातील काही भागात समाधानकारक पाऊस झाला आहे. त्यामुळे बहुतांशी धरणे भरली आहेत. मात्र, परतीचा पाऊस न झाल्याने पाणीटंचाईची स्थिती तयार झाली आहे.

पुणे ः गेल्या दोन दिवसांपूर्वी राज्यासह, पुणे जिल्ह्यात शासनाने दुष्काळसदृश स्थिती जाहीर केली आहे. मात्र, जिल्ह्यातील धरणांमध्ये जवळपास ८० टक्के पाणीसाठा उपलब्ध आहे. त्यामुळे शहराला पिण्यासाठी, तर ग्रामीण भागात शेतीसाठी आवश्यक असलेले पाणीवाटपाबाबत जलसंपदा विभाग आणि महानगरपालिका यांच्यामध्ये समन्वय ठेवण्याची जबाबदारी जिल्हाधिकारी नवलकिशोर राम यांनी घेतली आहे.

चालू वर्षी पावसाळ्यात जिल्ह्याच्या पश्चिम पट्यातील काही भागात समाधानकारक पाऊस झाला आहे. त्यामुळे बहुतांशी धरणे भरली आहेत. मात्र, परतीचा पाऊस न झाल्याने पाणीटंचाईची स्थिती तयार झाली आहे.

या परिस्थितीबद्दल जिल्हाधिकारी नवलकिशोर राम म्हणाले, ‘‘धरणांमध्ये असलेला पाणीसाठा समाधानकारक आहे. त्यामुळे पाणीवाटपाबाबत समन्वय असणे अत्यंत आवश्यक आहे. त्यासाठी जलसंपदा विभाग, महानगरपालिका यांच्यासोबत बैठक घेऊन आढावा घेतला जाणार आहे. या सर्व विभागाकडून जिल्हा प्रशासनाला रोज पाण्याची स्थिती प्राप्त होत आहे.’’

जिल्ह्याच्या पूर्व पट्यातील इंदापूर, बारामती, दौंड आणि शिरूर तालुक्यात ४५ ते ५० टक्केहून कमी पाऊस झाला आहे. जिल्हा प्रशासनाला ३३ टक्क्यांपेक्षा कमी पाऊस असल्यास तेथे दुष्काळ जाहीर करावा लागतो. अशा निकषानुसार अहवाल मागविला आहे. धरणसाठा ८० टक्के असून पाणी टंचाई निर्माण होणार नाही. परंतु हे पाणी पुढील मे महिन्यापर्यंत पुरविण्यााठी नियोजनात्मक पद्धतीने वापर करणे अत्यंत आवश्यक आहे. त्यासाठी महापालिका आणि जलसंपदा विभागाच्या अधिकाऱ्यासोबत लवकरच समन्वय साधून बैठक घेण्यात येईल. जुन्नर तालुक्यात यंदा १२७ टक्के पाऊस झाला असला, तरी पावसामध्ये सातत्य नसल्याने भातपिकांचे मोठे नुकसान झाले आहे. त्यामुळे जुन्नर तालुका दुष्काळसदृश्य नसला तरी नुकसान झालेल्या पिकांचा अहवाल मागविण्यात आला आहे.

साठ लाख टन चाऱ्यांचे नियोजन
जिल्ह्यातील बहुतांश तालुक्यामध्ये पावसाचे प्रमाण कमी आहे. इंदापूर, दौंड, बारामती आणि शिरूर तालुक्यांमध्ये मोठ्या प्रमाणात पाणीटंचाई आहे. कमी पाण्यामुळे अनेक पिकांना फटका बसला असून, पिण्याच्या पाण्यासाठी टँकरद्वारे पाणीपुरवठा सुरू आहे. त्या अनुषंगाने जिल्हा प्रशासनामार्फत संपूर्ण अहवाल तयार करण्याचे काम सुरू आहे. लवकर अंतिम अहवाल तयार होईल. तत्पूर्वी जिल्हा प्रशासनाने सुमारे ६० लाख टन चारा उपलब्ध होण्याचे नियोजन केले असून हा चारा पुढील जानेवारीपर्यंत टिकेल. त्यामुळे चारा टंचाई भासणार नाही.

 

इतर बातम्या
हॉर्सशू खेकडे हे कोळ्यांच्या अत्यंत...घोड्याच्या पायासारख्या दिसणाऱ्या खेकड्यांना...
प्राणघातक हृदयरोगाचे प्रमाण होतेय कमीगेल्या दोन वर्षामध्ये हृदयरोगाला प्रतिबंध आणि...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
देहूगाव-लोहगाव गटाच्या पोटनिवडणुकीत...पुणे : सदस्याचे जातपडताळणी प्रमाणपत्र फेटाळल्याने...
पुणे-मुळशी बाजार समितीच्या विलीनीकरणास...पुणे : पुणे कृषी उत्पन्न बाजार समितीची पाचव्यांदा...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
जलसंवर्धन आणि नियोजनासाठी संशोधनात्मक...औरंगाबाद : ज्याप्रमाणे अन्नधान्य टंचाईच्या काळात...
अन्नत्याग आंदोलनास प्रारंभ : अमर हबीब,...नवी दिल्ली : शेतकरी आत्महत्यांप्रती सहवेदना आणि...
खानदेशात तूर खरेदीबाबत ऑफलाइन नोंदणी...जळगाव ः खानदेशात तूर खरेदीसंबंधी शासकीय...
जत तालुक्यात द्राक्ष, डाळिंब बागा...सांगली : जत तालुक्यात पश्‍चिम भाग वगळता...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...
शेतकऱ्यांचे नाही, तर श्रीमंतांचे...प्रयागराज, उत्तर प्रदेश : "गेल्या काही...
नगरला चिंच प्रतिक्विंटल ८३०० ते ११९००...नगर ः नगर बाजार समितीत गेल्या आठवडाभरात भुसार...