पंजाबमध्ये कापसाची अावक वाढली

संग्रहित छायाचित्र
संग्रहित छायाचित्र

चंडीगड ः पंजाबमधील बाजार समित्यांमध्ये कापसाची अावक वाढली अाहे. अातापर्यंत विविध ठिकाणच्या बाजार समित्यांमध्ये ३.१९ लाख क्विंटल कापसाची अावक झाली अाहे.

दरम्यान, राज्य सरकारने नवीन कापसाची खरेदी सुरू केली अाहे. या पार्श्वभूमीवर पंजाबचे मुख्यमंत्री कॅप्टन अमरिंदर सिंग यांनी कापूस खरेदीचा नुकताच अाढावा घेतला. राज्यातील बाजार समित्यांमध्ये शेतकऱ्यांकडून अावक होणाऱ्या संपूर्ण कापसाची प्रतिक्विंटल ४,२२० रुपये किमान अाधारभूत किमतीत (एमएसपी) खरेदी केली जाईल, असे अाश्वासन मुख्यमंत्री सिंग यांनी दिले अाहे.

त्यांनी कापूस खेरदीसंदर्भात कृषी विभाग तसेच बाजार समित्यांमधील अधिकाऱ्यांशीही चर्चा केली अाहे. कापूस खरेदीची प्रक्रिया सुरळीत पाडण्याचे निर्देश त्यांनी दिले अाहेत. विविध ठिकाणी असलेल्या बाजार समित्यांमध्ये कापसाची अावक वाढली अाहे. अातापर्यंत ३.१९ लाख क्विंटल कापसाची अावक झाली अाहे, अशी माहिती बाजार समिती सचिवांनी दिली अाहे.

यंदा राज्यातील कापूस उत्पादन वाढल्याचा अंदाज अाहे. यामुळे सध्या होणारी कापूस अावक गेल्या वर्षीच्या तुलनेत दुपटीने अधिक अाहे. सध्या बाजार समित्यांमध्ये प्रतिक्विंटल ४,२२०-४,३५० रुपये दराने कापसाची खरेदी केली जात अाहे, अशी माहिती बाजार समिती सचिवांनी मुख्यमंत्री सिंग यांना दिली अाहे. देशातील कापूस पीकक्षेत्रात वाढ देशात यंदा कापूस पीकक्षेत्रात वाढ झाली अाहे. यंदा १२२.५९ लाख हेक्टरवर कापूस पीक व्यापले अाहे. गेल्या वर्षी १०२.७९ लाख हेक्टरवर कापूस लागवड झाली होती. यंदा पीकक्षेत्र वाढल्याने उत्पादन वाढणार असल्याचा अंदाज अाहे. पंजाबमध्ये ३.८५ लाख हेक्टरवर कापूस लागवड झाली अाहे. गेल्या वर्षी २.५६ लाख हेक्टरवर कापूस पीकक्षेत्र होते, अशी माहिती कृषी मंत्रालयाने दिली अाहे.

पंजाबमधील कापूस क्षेत्र (लाख हेक्टरमध्ये)
वर्ष क्षेत्र
२०१७-१८ ३.८५
२०१६-१७ २.५६

स्रोत ः कापूस विकास संचालनालय, नागपूर

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com