agriculture news in marathi, cotton crop removed from field | Agrowon

कपाशीच्या उभ्या पिकात नांगर
टीम अॅग्रोवन
शुक्रवार, 17 नोव्हेंबर 2017

औरंगाबाद/अकोला/नागपूर : कापूस पट्ट्यातील अनेक भागांत कपाशीवर रोग आणि कीडीचा मोठा प्रादुर्भाव झाला आहे. काही ठिकाणी तर कपाशीचे पीकच आलेले नाही. ज्या शेतकऱ्यांनी कृषी विभागाकडे याविषयी माहिती दिली त्यांची प्रत्यक्ष शहनिशा करण्याची तसदी अधिकाऱ्यांकडून घेतली गेली नसल्याचे शेतकऱ्यांचे म्हणणे आहे. या सर्व प्रकारानंतर कपाशीच्या उत्पादन खर्चाची भरपाईदेखील होणे शक्‍य नसल्याची जाणीव झाल्यामुळे आता शेतकऱ्यांद्वारे हे पीक काढून टाकले जात आहे. शेलूबोंडे (जि. अकोला) येथील शेतकऱ्यांनी कपाशीचे पीक न अाल्याने उभ्या पिकात नांगर घातला.

औरंगाबाद/अकोला/नागपूर : कापूस पट्ट्यातील अनेक भागांत कपाशीवर रोग आणि कीडीचा मोठा प्रादुर्भाव झाला आहे. काही ठिकाणी तर कपाशीचे पीकच आलेले नाही. ज्या शेतकऱ्यांनी कृषी विभागाकडे याविषयी माहिती दिली त्यांची प्रत्यक्ष शहनिशा करण्याची तसदी अधिकाऱ्यांकडून घेतली गेली नसल्याचे शेतकऱ्यांचे म्हणणे आहे. या सर्व प्रकारानंतर कपाशीच्या उत्पादन खर्चाची भरपाईदेखील होणे शक्‍य नसल्याची जाणीव झाल्यामुळे आता शेतकऱ्यांद्वारे हे पीक काढून टाकले जात आहे. शेलूबोंडे (जि. अकोला) येथील शेतकऱ्यांनी कपाशीचे पीक न अाल्याने उभ्या पिकात नांगर घातला. अमरावती, यवतमाळ जिल्ह्यात शेतकऱ्यांनी कपाशी उपटून टाकली, तर काहींनी पिकात जनावरे सोडली आहेत.

यंदा मराठवाड्यात गृहीत सरासरी 17 लाख 17 हजार 451 हेक्‍टरवर कपाशीचे क्षेत्राच्या तुलनेत 91 टक्‍के अर्थात 15 लाख 64 हजार 94 हेक्‍टरवर कपाशीची लागवड झाली. सुरवातीला ऐन कायीक वाढीच्या काळातच पाउस बेपत्ता झाल्याने कपाशीची वाढ निम्म्यापेक्षा जास्त प्रमाणात घटली. यंदा सोयाबीन, मूग, उडीद आदी पीक हातची गेल्याने प्रदीर्घ खंडानंतर आलेल्या परतीच्या पावसामुळे शेतकऱ्यांनी कपाशीची सोय केली. त्यामुळे काही अंशी उत्पादनाची आशा निर्माण झाली. परंतु, शेंदरी बोंडअळीने शेतकऱ्यांच्या या आशेवर पाणी फेरले आहे. शेंदरी बोंड अळीच्या प्रादूर्भावाविषयी प्रशासकीय यंत्रणा काय करायच याविषयी शासनाच्या आदेशाची वाट पाहते आहे. दुसरीकडे पीक गेले, पाणी आहे, त्यामुळे हे पीक काढून निदान दुसरं पीक घेता यावं कधी पंचनामे होतात यासाठी शेतकरीही पंचनाम्याची वाट पाहत असल्याचे चित्र आहे.

विदर्भातील अमरावती जिल्ह्यात 5 हजार हेक्‍टरपेक्षा अधिक शेतकऱ्यांनी आतापर्यंत कपाशीवर नांगर फिरविल्याचे सूत्रांनी सांगीतले आहे. अमरावती पाठोपाठ यवतमाळ जिल्ह्यातदेखील शेतकऱ्यांनी कपाशी काढून टाकली, काहींनी या पिकात जनावरे सोडली आहेत. या जिल्ह्यात साडेसात लाख हेक्‍टरपैकी साडेचार लाख हेक्‍टरवर कपाशी लागवड आहे.

मूर्तिजापूर तालुक्यातील शेलूबोंडे (जि. अकोला) येथील शेतकऱ्यांनी कपाशीचे पीक न अाल्याने कंपनीने बियाण्यामध्ये फसवणूक केल्याचा अारोप केला अाहे. शेलूबोंडे येथील ज्या शेतकऱ्यांनी कपाशी पेरली त्यांनी सामूहिकरित्या तपासणी केली असता, सर्वत्र गुलाबी बोंड अळीच दिसून अाली. मूर्तिजापूर तालुक्यातील विजय सरोदे, सुभाष सरोदे, दिलीप सरोदे, नामदेव सरोदे, अंबादास बोडे, गजानन बोंडे, प्रवीण बोंडे सह अनेक शेतकऱ्यांनी आपल्या शेतातील कपाशीचे पीक नष्ट केले आहे.

बोंडअळीच्या प्रादुर्भावामुळे राज्यातील कापूस उत्पादकांचे सुमारे 10 हजार कोटीपेक्षा अधिकचे नुकसान झाल्याचा दावा (कै.) वसंतराव नाईक शेती स्वावलंबन मिशनचे अध्यक्ष किशोर तिवारी यांनी केला आहे. पंतप्रधान कार्यालयाला त्यांनी या संदर्भाने अहवाल दिला आहे.

प्रतिक्रिया
बहूतांश शेतकऱ्यांच्या शेतात बोंड अळीचे प्रमाण 40 ते 90 टक्‍क्‍यांपर्यंत आहे. 45 दिवसांतच बोंड अळीचा अटॅक सुरू झाला. पर्यायी पीक नसल्याने तज्ञांनी पुढील हंगाम सुरक्षित होईल यासाठी उपाय योजावे.
- निवृत्ती घुले, अध्यक्ष कृषी विकास शेतकरी बचत गट, वखारी, जि. जालना.

बोंड अळीबाबत परिस्थिती हाताबाहेर गेल्यानंतरही केवळ कागदी घोडे नाचविण्यापलीकडे काही होतांना दिसत नाही.
- दीपक जोशी, अध्यक्ष जय जवान जय किसान शेतकरी मंडळ देवगाव, जि. औरंगाबाद.

आमचं न भरून निघणारं नुकसान झालयं. काय परीक्षण करायचं ते तातडीनं करून आमचा पुढील हंगाम सुरक्षित होईल असं शासन, प्रशासन, तज्ञांनी पहावं.
- धनंजय सोळंके, कापूस उत्पादक शेतकरी, नागापूर, ता. परळी, जि. बीड.

कृषी विभागाच्या गुणनियंत्रण विभागाने याकडे हेतुपुरस्सर दुर्लक्ष केल्याचे प्रथमदर्शनी दिसते. त्यामुळे या सर्व प्रकरणाची सीबीआय चौकशीची मागणी केली आहे.'
- सिकंदर शहा, शेतकरी वारकरी संघटना, यवतमाळ.

 

इतर अॅग्रो विशेष
होय, आम्हीच खरे लाभार्थी!राज्यभर झालेल्या मृद संधारणाच्या अनेक कामांवर...
शेतीमाल हमीभाव : एक सापळासरकारने शेतकऱ्यांपुढे लटकवलेले हमीभावाचे एक गाजरच...
थंडी पुन्हा परतण्याची चिन्हेपुणे : गेल्या दहा ते बारा दिवसांपासून गायब झालेली...
कापूस उत्पादकांना एकरी २५ हजारांची मदत...नागपूर : बोंडअळीमुळे कापूस पट्ट्यातील शेतकऱ्यांचे...
कारखान्यांपुढे शॉर्ट मार्जिनचे संकटकोल्हापूर ः गेल्या तीन महिन्यांपासून साखरेच्या...
मावळातील शेतकऱ्यांची इंद्रायणी भाताला...कामशेत, जि. पुणे ः मावळ तालुक्‍याची ओळख असलेला...
"स्वामिनाथन'बाबत पुन्हा सर्वोच्च...पुणे : शेतीमालाचा उत्पादन खर्च अधिक पन्नास टक्के...
अन्नसुरक्षा मुद्दाच भारतासाठी महत्वाचा ब्युनाॅर्स अायर्स, अर्जेंटिना : येथे होत असलेल्या...
कर्जमाफी, यवतमाळ विषबाधा,...नागपूर : ऑनलाइन कर्जमाफीतील घोळ, पाच...
अवघ्या ३०० रुपयांत बनविले हरभरा शेंडे...एक एकर हरभरा खुडणीसाठी पाच ते सहा मजुरांची...
सोयाबीनच्या दर्जेदार बीजोत्पादनासाठी...महाराष्ट्राचे प्रमुख पीक म्हणून कापूस व सोयाबीनचा...
कोणताही पक्ष, सरकार, शेतकऱ्यांना न्याय...शेतकरी प्रश्‍नांबाबत रघुनाथदादांची खंत आजपासून...
ट्रेलर्स ट्रॅक्‍टरला स्वयंचलित ब्रेक...सातारा : ॲग्रिकल्चरल ट्रेलर्स ट्रॅक्‍टर्सला...
कापूस उत्पादकांकडून बोनसची मागणीनागपूर : कापसावर गुलाबी बोंड अळीचा प्रकोप...
‘माफसू’ची कुलगरू निवड प्रक्रिया २४...नागपूर ः महाराष्ट्र पशु व मत्स्य विज्ञान...
विदर्भात काही ठिकाणी बुधवारी पावसाचा...पुणे  ः बंगालच्या उपसागरातील कमी दाबाचा...
कीटकनाशक प्रयोगशाळांमध्ये विश्लेषकांची...पुणे : कीटकनाशकांची विक्री वाढत असताना राज्यातील...
भडगावला अडतीच्या नावाखाली शेतकऱ्यांची...जळगाव ः बाजार समितीत अडत वसुली बंदचा निर्णय होऊन...
सीताफळाला फळमाशीचा डंखसोलापूर ः कोरडवाहू शेतकऱ्यांचा आधार ठरू पाहणाऱ्या...
शेतीमध्येही गिरविले आधुनिकतेचे धडेघाटकोपर (मुंबई) येथील तानाजी मोहिते यांनी...