agriculture news in marathi, Cotton Farmers affected by ballworm, Aurangabad | Agrowon

औरंगाबादला आढावा बैठकीतच शेतकऱ्यांचा हल्लाबोल
टीम अॅग्रोवन
शनिवार, 25 नोव्हेंबर 2017

औरंगाबाद : औरंगाबाद शहरातील रामेतीच्या सभागृहात कृषी विभागाच्या अधिकाऱ्यांची विभागीय आढावा बैठक सुरू असताना बोंडअळीमुळे नुकसान झालेल्या गंगापूर तालुक्‍यातील शेतकऱ्यांनी मागण्यांच्या निवेदनासह रामेतीवर धडक दिली. सुरवातीला निवेदन व त्यानंतर ठोस उत्तर मिळत नसल्याचे पाहून आक्रमक झालेल्या शेतकऱ्यांनी अचानक चक्‍क अंगावर रॉकेल ओतून घेतल्याने चांगलीच खळबळ उडाली. उपस्थित अधिकाऱ्यांनी शेतकऱ्यांची समजूत काढली. त्यांना त्यांची मागणी कृषी आयुक्‍तांकडे तत्काळ कळविल्याचे लेखी दिल्यानंतरच शेतकऱ्यांचे समाधान झाले.

औरंगाबाद : औरंगाबाद शहरातील रामेतीच्या सभागृहात कृषी विभागाच्या अधिकाऱ्यांची विभागीय आढावा बैठक सुरू असताना बोंडअळीमुळे नुकसान झालेल्या गंगापूर तालुक्‍यातील शेतकऱ्यांनी मागण्यांच्या निवेदनासह रामेतीवर धडक दिली. सुरवातीला निवेदन व त्यानंतर ठोस उत्तर मिळत नसल्याचे पाहून आक्रमक झालेल्या शेतकऱ्यांनी अचानक चक्‍क अंगावर रॉकेल ओतून घेतल्याने चांगलीच खळबळ उडाली. उपस्थित अधिकाऱ्यांनी शेतकऱ्यांची समजूत काढली. त्यांना त्यांची मागणी कृषी आयुक्‍तांकडे तत्काळ कळविल्याचे लेखी दिल्यानंतरच शेतकऱ्यांचे समाधान झाले. या प्रकारामुळे बोंडअळीमुळे नुकसान झालेल्या कपाशी उत्पादक शेतकऱ्यांची मानसिकता किती गंभीर झाली आहे, हे अधोरेखित झाले आहे. 

औरंगाबादमधील रामेतीच्या सभागृहात शुक्रवारी (ता. २४) फलोत्पादन संचालक पी. एन. पोकळे यांच्या उपस्थितीत विभागीय आढावा बैठक सुरू होती. दुपारी १२.३० वाजताच्या सुमारास गंगापूर तालुक्‍यातील वजनापूर येथील शेंदरी बोंडअळीमुळे कपाशीचे नुकसान झालेल्या शेतकऱ्यांनी थेट या बैठकीच्या स्थळी आपल्या मागण्यांच्या निवेदनासह धडक दिली. औरंगाबाद जिल्ह्यातील बोंडअळी बाधित संपूर्ण कपाशी क्षेत्राचे सरसकट पंचनामे घेऊन हेक्‍टरी एक लाख रुपये नुकसानभरपाई देण्याची मागणी करत शेतकऱ्यांनी श्री. पोकळे यांच्यासह कृषी विभागाच्या अधीक्षक कृषी अधिकारी संजीव पडवळ, विभागीय कृषी सहसंचालक प्रतापसिंह कदम यांच्यासह सर्वच अधिकाऱ्यांवर प्रश्नांची सरबत्ती केली. 
 

शासनाच्या आदेशाचा दाखला देऊन जी नमुन्यामध्ये तक्रार अर्ज भरून घेण्याचा प्रकार म्हणजे शेतकरी व बीटी कंपन्यांमध्ये वाद लावण्याचा प्रकार असल्याचा आरोप शेतकऱ्यांनी निवेदनातून केला आहे. या सर्व प्रक्रियेमध्ये केवळ वेळ वाया जाणार असून, हाती काहीच पडणार नाही. या वेळकाढूपणामुळे शेतकऱ्यांमध्ये संतापाची लाट पसरली असून, औरंगाबाद जिल्ह्यातील शेतकऱ्यांच्या नुकसानाचे सरसकट पंचनामे करून हेक्‍टरी एक लाख रुपये नुकसानभरपाई देण्याची मागणी शेतकऱ्यांनी केली. त्यानंतर अचानक आक्रमक पवित्रा घेत शेतकऱ्यांनी अंगावर रॉकेल ओतून घेतले.

शेतकऱ्यांच्या या अचानक घेतलेल्या पवित्र्यामुळे एकच खळबळ उडाली. अधिकाऱ्यांनी कोणताही अनुचित प्रकार घडू नये यासाठी शेतकऱ्यांना समजावण्याचा प्रयत्न केला. जोवर आमच्या मागण्यासंदर्भात लेखी दिले जात नाही तोवर आंदोलन सुरूच ठेवण्याचा निर्णय शेतकऱ्यांनी अधिकाऱ्यांना सांगितला. त्यानंतर जिल्हा अधीक्षक कृषी अधिकाऱ्यांच्या स्वाक्षरीनिशी शेतकऱ्यांच्या मागण्या कृषी आयुक्‍तांकडे पुढील कार्यवाहिस्तव सादर केल्याचे लेखी देण्यात आल्यानंतर शेतकऱ्यांचे समाधान झाल्याने आंदोलन स्थगित झाले. 

दरम्यान पोलिसांनाही पाचारण करण्यात आले होते. आता कृषी विभागाने लेखी दिले असले तरी जोवर झालेल्या नुकसानासंदर्भात शासन धोरणात्मक निर्णय घेऊन न्याय देत नाही, तोवर प्रसंगानुरूप आंदोलनाची धार तीव्र करण्याचा इशारा जिल्हा परिषदेचे माजी सभापती संतोष पाटील जाधव यांनी दिला. शेतकरी पोपट चव्हाण, विठ्ठल चव्हाण, संजय चव्हाण, आबासाहेब चव्हाण, गोरखनाथ चव्हाण, अण्णासाहेब चव्हाण आदीं शेतकऱ्यांनी आंदोलनात सहभाग नोंदविला. 

रामेतीच्या प्रवेशद्वाराला बांधले बोंडांचे तोरण
आपल्या मागण्यांसाठी अधिकाऱ्यांच्या बैठकीवर धडक देणाऱ्या शेतकऱ्यांनी रामेतीच्या प्रवेशद्वाराला शेंदरी बोंडअळीने नुकसान केलेल्या बोंडांचे तोरण बांधले. या वेळी शेतकऱ्यांनी प्रचंड घोषणाबाजी केली. प्रवेशद्वारासोबतच अधिकाऱ्यांच्या बैठकीतही शेतकऱ्यांनी अधिकाऱ्यांसमोर शेंदरी बोंडअळीचा प्रादुर्भाव झालेली बोंडे आणून टाकली. 

साडेतीन एकरांत आजवर एकच वेचणी झाली. चार क्‍विंटलच कापूस निघाला. कपाशी चांगली दिसते, पण एकही बोंड शेंदरी बोंडअळीनं कामाचं ठेवलं नाही, काय करावं. 
- विठ्ठल चव्हाण, कपाशी उत्पादक शेतकरी, वजनापूर, ता. गंगापूर, जि. औरंगाबाद. 

शेतकऱ्यांच्या मागणीनुसार जी फॉर्म व इतर कापूस कायद्यातील फॉर्म न भरता तातडीने सरसगट पंचनामे व हेक्‍टरी एक लाख रुपये नुकसानभरपाईची मागणी पुढील कार्यवाहीस्तव कृषी आयुक्‍तांकडे पाठविली आहे.
- संजीव पडवळ, अधीक्षक कृषी अधिकारी, औरंगाबाद. 

इतर अॅग्रो विशेष
थंडीने काजू मोहोरला...!देवरूख, रत्नागिरी : जानेवारी महिना...
मैत्रीचा नवा अध्यायपंतप्रधान नरेंद्र मोदी यांची जुलै २०१७ मधील...
महागाई आणि ग्राहकांची मानसिकताअन्नधान्याचे दूध-फळे/भाजीपाल्याचे भाव थोडे वाढले...
‘कळमणा बाजार’ निवडणूक जुन्या पणन...नागपूर : येथील कळमणा बाजार समितीच्या निवडणुका...
वाशीममध्ये सोयाबीनची झेप ३४००...अकोला : गेल्या काही दिवसांपासून सोयाबीनच्या दरात...
‘निर्यात सुविधा केंद्रा’साठी प्रस्ताव...पुणे : राज्यातून अधिकाधिक शेतमाल निर्यात व्हावा,...
शेतकऱ्यांसाठी हक्‍काची बाजारपेठ- नागपूर...नागपूर येथील कृषी पर्यवेक्षक हेमंत चव्हाण यांनी...
दर्जेदार कांदा रोपे हवीत? चला...सांगली जिल्ह्यातील शेखरवाडी (ता. वाळवा) हे गाव...
कमी दाबाचे क्षेत्र अरबी समुद्राकडे सरकलेपुणे : उत्तर महाराष्ट्रात असलेले कमी दाबाचे...
सूक्ष्म सिंचन संच न बसविणाऱ्या...ऑनलाइन अर्जाला १५ मार्चपर्यंत मुदतवाढ पुणे :...
चला जालन्याला... ॲग्रोवनच्या कृषी...जालना : शेतकऱ्यांसह सर्वांचीच उत्सुकता लागून...
पीक विमा हप्त्याची रक्कम गेली कुठेअकोला : ‘शासकीय काम, सहा महिने थांब’ अशी एक...
देवगडचा हापूस महिनाभर उशिराने बाजारात...सिंधुदुर्ग : ओखी वादळाचा फटका आता देवगडच्या...
यवतमाळ जिल्ह्यात शंभर टक्के क्षेत्रावर...यवतमाळ : जिल्ह्यातील पाच लाख हेक्‍टरवर कपाशीची...
सल्ला हवा अचूकचभारतीय हवामानशास्त्र विभाग अद्ययावत झाले, असे...
शेती परिवाराची कामे हवी शेतकऱ्यांशी...आपल्या देशाला स्वातंत्र्य मिळण्यापूर्वी प्रगत...
उडीद खरेदीसाठी २० पर्यंत मुदतवाढ :...मुंबई : खरीप २०१७ मधील उडीदाच्या वाढीव प्रमाणातील...
मुंबईत २६ जानेवारीला संविधान बचाव आंदोलनमुंबई : सर्वपक्षीय आणि सामाजिक धुरिणांनी संविधान...
उत्तर महाराष्ट्रात ढगाळ हवामानपुणे : मालदीव ते उत्तर महाराष्ट्र या दरम्यान...
बीटी बियाण्यांची आगाऊ नोंदणी न करण्याचा...जळगाव : राज्यात यंदा कापसाच्या पिकावर गुलाबी बोंड...