agriculture news in marathi, cotton import of chin and Bangladesh will increased, Maharashtra | Agrowon

चीनसह बांगलादेशची कापूस आयात वाढणार
चंद्रकांत जाधव
शुक्रवार, 21 सप्टेंबर 2018

कापूस व्यापारासाठी नवा कापूस हंगाम अतिशय चांगला राहील. कारण चीन यंदा आयात कोटा वाढविल, याची खात्री वाटते. चीनचा संरक्षित साठा कमी झाला आहे. त्यांची गरज मोठी आहे. आजघडीला भारतीय रुई चीनला परवडणारी आहे. कारण अमेरिकेशी त्यांचे संबंध अजूनही सुधारलेले नाही. बांगलादेशातही मोठी कापूस निर्यात होईल. शिवाय भारतीय रुईचा दर्जा यंदा चांगला राहील. कारण पावसामुळे सध्या कुठेही नुकसान झालेले नाही. गुलाबी बोंड अळीही नियंत्रणातच आहे. 
- दिनेश हेगडे, कापूस निर्यातदार, मुंबई

जळगाव ः देशात आॅगस्टअखेर ११२ लाख हेक्‍टरवर कापसाची लागवड झाली आहे. महाराष्ट्रासह गुजरातेतही सद्यःस्थितीत बोंड अळी नसल्याने दर्जेदार रुईची निर्मिती दिवाळीला सुरू होईल. याच वेळी चीन यंदा आपली कापूस आयात २५ लाख गाठींवरून ८० ते ९० लाख गाठींपर्यंत करण्याच्या तयारीत आहे. बांगलादेशही जवळपास ४० ते ५० लाख लाख गाठी एकट्या भारतातून खरेदी करील, अशी स्थिती आहे. तर पुढील हंगामात जवळपास ८० लाख गाठींची निर्यात भारतातून होईल. अर्थातच मागील पाच वर्षांमधील सर्वात मोठी कापूस निर्यात भारतातून होईल, असे संकेत जाणकारांकडून मिळाले आहेत. 

चीनमध्ये जिझियांग प्रांतात कापसाचे क्षेत्र अधिक असते. नेमक्‍या याच भागात कापूस पिकाची स्थिती फारशी सकारात्मक नव्हती. चीनमध्ये ३१ लाख हेक्‍टरवर कापसाची लागवड झाली आहे. चीनकडे ६ कोटी (एक गाठ १७० किलो रुई) संरक्षित साठा होता. तर मागील हंगामात (२०१७-१८) तेथे जवळपास ३५३ लाख गाठींचे उत्पादन हाती आले. तेथे कापसाचा पुरवठा नोव्हेंबरमध्ये अपेक्षित आहे. परंतु उत्पादन कमी येईल, अशी स्थिती आहे.

चीनला दरवर्षी ७०० लाख गाठींची गरज आहे. कारण चीनमध्ये वस्त्रोद्योग मोठा असून, दरवर्षी जगात सर्वाधीक किमान सात हजार कोटी किलोग्रॅम सुताचे उत्पादन तेथे घेतले जाते. चीनच्या कापडाला युरोपात मोठी बाजारपेठ आहे. चीनमध्ये यंदाही सुमारे ३५० लाख गाठींपर्यंत उत्पादन येईल. उर्वरित गरज चीन आपल्या संरक्षित गाठींच्या साठ्यातून भागवेल. संरक्षित साठा कमी होत असल्याने चीन मागील वर्षाच्या तुलनेत जवळपास ६५ लाख गाठींची अधिक आयात करील. 

चीन व अमेरिकेतील संबंध ताणलेले असल्याने आणि डॉलरच्या तुलनेत रुपया फारसा मजबूत नसल्याने भारतीय रुईला चीन पुढील हंगामात (२०१८-१९) पसंती देईल. कारण भारतीय रुई दर्जेदार असेल. सोबतच ती ऑस्ट्रेलिया, अमेरिकेच्या कापसाच्या तुलनेत स्वस्त पडेल, अशी स्थिती आहे. चीनने २०१७-१८ मध्ये फक्त २५ लाख गाठींच्या आयातीचा निर्णय जाहीर केला होता. तेथे भारतातून जवळपास आठ लाख गाठींची निर्यात ऑगस्ट २०१८ अखेर झाली आहे. नंतर संरक्षित साठा कमी होत असतानाच अमेरिकेशी संबंध ताणले गेल्याने चीनने आयात वाढविली. २०१७-१८ चे कापूस व्यापाराचे वर्ष येत्या ३० सप्टेंबर रोजी संपणार आहे. नवा कापूस व्यापाराचा हंगाम १ ऑक्‍टोबर २०१८ ला सुरू होईल. अर्थातच ऑक्‍टोबरमध्ये चीन आपले कापूस आयात धोरण, गरज यासंबंधीची माहिती जाहीर करील, अशी माहिती मिळाली. 

बांगलादेशची भारतालाच पसंती
बांगलादेश जगातील सर्वात मोठा कापूस किंवा रुईचा आयातदार देश आहे. तेथे कापूस उत्पादन अत्यल्प किंवा अपवादानेच आहे. तर वस्त्रोद्योग मोठा आहे. तो आयातीवर निर्भर असून, बांगलादेशला भारतातून कापूस आयात रस्ते व समुद्रीमार्गे सुकर असल्याने आणि इतर देशांच्या तुलनेत स्वस्त पडत असल्याने बांगलादेश भारतीय रुईलाच यंदाही पसंती देईल. तेथे २०१७-१८ मध्ये जुलैअखेरपर्यंत जवळपास ४५ लाख गाठींची निर्यात भारतातून झाली आहे. बांगलादेश आयात वाढविणार आहे. तेथे भारताला पुढील हंगामातही जवळपास ५० लाख गाठींची निर्यात करायला यंदा संधी आहे.

जागतिक उत्पादन घटीची चिंता
२०१७-१८ मध्ये २६.८७ दशलक्ष टन कापसाचे जगभरात उत्पादन होण्याची शक्‍यता आहे. तर भारतातील कापसाखालील घटलेले क्षेत्र, चीनमधील कापूस उत्पादक प्रांतांमधील नकारात्मक स्थिती व लांबणीवर पडलेले उत्पादन आणि अमेरिकेतील टेक्‍सास, जॉर्जिया भागातील कापूस पिकावरील संकटे लक्षात घेता २०१८-१९ मध्ये कापसाचे उत्पादन २५.८९ दशलक्ष मेट्रिक टनांपर्यंत येऊ शकते. ही चिंता चीनला अधिक सतावत आहे. यामुळे चीन यंदा आयातीचे धोरण लवकर जाहीर करू शकतो, असे सांगितले जात आहे. तेथील काही सूत खरेदीदारांनी महाराष्ट्रातील निर्यातदारांशी मध्यंतरी संपर्क साधून आयातीसंबंधी चर्चाही केली. तर मध्यांचल (महाराष्ट्र, मध्य प्रदेश) व गुजरात भागातील काही जिनर्स व सूत उत्पादकांनी चीन, सिंगापुरात भेट देऊन काही बहुराष्ट्रीय कंपन्यांच्या प्रतिनिधींशी चर्चा केल्याची माहिती मिळाली. 

बोंड अळीचा धोका टळला
देशात कर्नाटकात वेचणी सुरू झाली. हरियाणा, पंजाब व राजस्थानात मागील वर्षाप्रमाणे वेचणी वेळेत सुरू झाली आहे. तेथे उत्पादन कमी येणार असले तरी कापसाचा दर्जा चांगला आहे. बोंड अळी तेथे नाही. गुजरातेतही बोंड अळीचे संकट नाही. तर महाराष्ट्रातही पूर्वहंगामी कापूस उत्पादन घेणाऱ्या खानदेश, मराठवाडा, विदर्भातील काही भागात येत्या १५ ते २० दिवसांत कापूस वेचणी काही प्रमाणात सुरू होईल. महाराष्ट्रातही पहिल्या वेचणीला गुलाबी बोंड अळीचे संकट दिसत नसल्याची स्थिती आहे. यामुळे रुईचा दर्जा चांगला असेल. पण या महिन्यात पाऊस आला तर महाराष्ट्रातील वेचणी लांबणीवर पडेल. उत्पादनही पुढे २० ते ३० दिवस उशिरा येईल, असा अंदाज आहे.

 

इतर अॅग्रो विशेष
अवीट  गोडीच्या मेहरुणी बोरांनी दिला...खानदेशची अवीट गोडीची व आरोग्यवर्धक मेहरुणी बोरे...
महाराष्ट्राने सिंचनासाठी अर्थसंकल्पात...औरंगाबाद  : सिंचन क्षेत्रवाढीसाठी प्रयत्न...
राज्यस्तरीय तांत्रिक समिती मूग गिळून...पुणे   : केंद्र शासनाच्या मूळ योजनेतून...
सहकाराचा ऱ्हास घातकचसहकार क्षेत्राचे राजकीयीकरण झाल्याने सहकाराचा...
कांदा कोंडीवर उपाय काय?कांद्याचे कोठार असलेल्या नाशिक जिल्ह्यात सध्या...
`कार्यक्षम पाणी वापरात शेतकऱ्यांचे...औरंगाबाद  : नवीन तंत्रज्ञानाचा वापर करून...
मुंबई बाजार समितीत सेवा शुल्कवसुली...मुंबई  : मुंबई बाजार समितीतील सेवा...
अल्पभूधारक शेतकऱ्यांचे ३८५ कोटींचे...मुंबई  : शेतकऱ्यांची कर्जमाफी करण्यासाठी...
राज्य सरकार दुष्काळग्रस्त शेतकऱ्यांना...मुंबई  : दुष्काळग्रस्त शेतकऱ्यांना मदत...
राज्यातील ७४ कारखान्यांनी पूर्ण एफआरपी...पुणे   : राज्यातील ७४ साखर कारखान्यांनी...
कांदा अनुदानाकरिता अर्ज दाखल करण्यासाठी...अकोला : या वर्षात कमी दराचा फटका बसलेल्या...
काळेवाडी झाली दर्जेदार फळांची वाडीकाही वर्षांपूर्वी पुणे जिल्ह्यातील काळेवाडी हे...
सेंद्रिय खत व्यवस्थापनासाठी...माझ्याप्रमाणे हरितक्रांतीमध्येही पहिली १५-२०...
बँकेच्या वसुली अधिकाऱ्यांना गावात...अकोला ः शेतकरी संघटनेच्या महिला अाघाडीचा मेेळावा...
कृषी स्वावलंबन योजनेत अल्पभूधारक शेतकरी...पुणे : डॉ. बाबासाहेब आंबेडकर कृषी स्वावलंबन...
सांगलीची `शिवाजी मंडई' शेतकऱ्यांसाठी...सांगली शहराच्या मध्यवर्ती भागातील शिवाजी...
राजकीयीकरणामुळे सहकाराचा ऱ्हासपुणे : देशात आठ लाखांपेक्षा अधिक सहकारी संस्था...
थंडीत चढउतार; धुळे ७ अंशांवरपुणे : मध्य महाराष्ट्राच्या दक्षिण भागात दोन...
इराणकडून मागणी वाढल्याने सोयाबीन दरात...पुणे : राज्यात सोयाबीनच्या दरात सुधारणा होऊन...
आंतरराष्ट्रीय सूक्ष्म सिंचन परिषदेस आज...औरंगाबाद : येथे आंतरराष्ट्रीय सूक्ष्म सिंचन...