agriculture news in marathi, cotton prices moved up 5500 | Agrowon

कापूस बाजार उसळून ५५०० रुपयांवर
चंद्रकांत जाधव
गुरुवार, 31 मे 2018

जळगाव ः दुष्काळ व प्रचंड उष्णता यामुळे अमेरिकेतील (यूएसए) टेक्‍सास प्रांतात कापूस लागवड जवळपास निम्मी घटली आहे. जगाला दरवर्षी २२० लाख गाठींचा पुरवठा करणाऱ्या अमेरिकेत तब्बल ६० ते ६२ लाख गाठींनी (एक गाठ १७० किलो रुई) उत्पादन घटण्याचा अंदाज आहे. यातच पाकिस्तानध्ये लागवड केलेल्या बीटी (बॅसीलस थुरीलेंझीस) वाणांबाबत मुलतान येथील राष्ट्रीय कापूस संशोधन केंद्राने शंका उपस्थित केल्याने नवा गोंधळ निर्माण झाला आहे. परिणामी जागतिक कापूस बाजारात मागील पाच दिवसांत मोठी उसळी आली असून, देशांतर्गत बाजारात कापूस दर मंगळवारी (ता. २९) प्रतिक्विंटल ५५०० रुपयांवर पोचला आहे.

जळगाव ः दुष्काळ व प्रचंड उष्णता यामुळे अमेरिकेतील (यूएसए) टेक्‍सास प्रांतात कापूस लागवड जवळपास निम्मी घटली आहे. जगाला दरवर्षी २२० लाख गाठींचा पुरवठा करणाऱ्या अमेरिकेत तब्बल ६० ते ६२ लाख गाठींनी (एक गाठ १७० किलो रुई) उत्पादन घटण्याचा अंदाज आहे. यातच पाकिस्तानध्ये लागवड केलेल्या बीटी (बॅसीलस थुरीलेंझीस) वाणांबाबत मुलतान येथील राष्ट्रीय कापूस संशोधन केंद्राने शंका उपस्थित केल्याने नवा गोंधळ निर्माण झाला आहे. परिणामी जागतिक कापूस बाजारात मागील पाच दिवसांत मोठी उसळी आली असून, देशांतर्गत बाजारात कापूस दर मंगळवारी (ता. २९) प्रतिक्विंटल ५५०० रुपयांवर पोचला आहे. यंदा कापसाला मिळणारा हा उच्चांकी दर ठरला आहे. 

देशात जसा महाराष्ट्र कापूस लागवडीत आघाडीवर आहे. तसा अमेरिकेत टेक्‍सास प्रांत कापूस लागवडीत पुढे असून, या भागात मार्च ते मे दरम्यान लागवड केली जाते. अमेरिकेत एकूण ३८ लाख ४८ हजार हेक्‍टवरवर लागवड केली जाते. त्यांची उत्पादकता हेक्‍टरी ९७२ किलो रुई प्रतिहेक्‍टरी एवढी आहे. दरवर्षी किमान २२० ते २२३ लाख गाठींचे उत्पादन अमेरिका करतो. परंतु तेथे दुष्काळी व उष्णतेची स्थिती आहे. उष्णतेमुळे कापूस लागवड घटली आहे.

अमेरिकेत ऑगस्ट ते डिसेंबर यादरम्यान रुई उपलब्ध होते. परंतु यंदा तेथे वेळेत व अपेक्षित प्रमाणात कापूस किंवा रुई मिळणार नाही. सुमारे ३३ टक्के उत्पादन तेथे घटेल. अर्थातच अमेरिका जागतिक बाजारात सुमारे ६० ते ६२ लाख गाठींचा पुरवठा कमी करील. जेवढे उत्पादन अमेरिका करतो, त्याची अधिकाधिक निर्यात तेथून केली जाते. तेथील उत्पादन घटेल, असे वृत्त जागतिक कापूस बाजारात आल्याने न्यूयॉर्क ट्रेड इंटेक्‍सने उसळी घेतली असून, सर्व देशांच्या कापसाचे दर वधारले आहेत.

भारतीय कापसाचे किंवा रुईचे दर सोमवारी ४२५०० रुपये प्रतिखंडी (३५६ किलो रुई) असे होते. ते मंगळवारी (ता. २९) ४४५०० रुपये झाले आहेत. न्यूयॉर्क ट्रेड इंडेक्‍स प्रतिपाऊंड चार सेंटने वधारला आहे. देशांतर्गत बाजारात दर्जेदार कापसाचे दर प्रतिक्विंटल ५५०० रुपये किमान असे झाले आहे. अर्थातच केवळ एका दिवसात कापसाच्या दरात क्विंटलमागे सुमारे ३५० रुपये वाढ झाली आहे. 

पाकिस्तानातही गोंधळ
जगात पाकिस्तानमधील कापूस उत्पादनही जागतिक बाजारात रुईच्या पुरवठ्यासंबंधी महत्त्वाचे मानले जाते. तेथे दरवर्षी किमान ११८ लाख गाठींचे उत्पादन घेतले जाते. तेथे मार्च ते जुलै या दरम्यान कापूस लागवड केली जाते. कापूस लागवडीत तेथे सिंध, पंजाब हा भाग आघाडीवर आहे. या भागात लागवड बऱ्यापैकी झाली आहे. परंतु अलीकडेच मुलतान येथील राष्ट्रीय कापूस संशोधन संस्थेने एका खासगी व आघाडीच्या कंपनीने जे बीटीचे तंत्रज्ञान पाकिस्तानला दिले, त्या तंत्रज्ञानावर शंका उपस्थित केली आहे. संबंधित तंत्रज्ञान बीटीचे नसल्याचे मुलतान येथील संशोधन संस्थेने किंवा केंद्राने म्हटले असून, या वृत्ताचाही कापूस बाजारावर परिणाम होऊन नवा गोंधळ निर्माण झाला आहे. तेथे हवे तसे उत्पादन येईल की नाही, असे प्रश्‍न तेथे उपस्थित होत आहेत. 
 

इतर अॅग्रो विशेष
कोकण, दक्षिण- मध्य महाराष्ट्रात आज... पुणे : पश्‍चिम मध्य प्रदेश, मध्य महाराष्ट्र आणि...
जपानमधील शहरी शेतीजपान हे हजारो बेटांपासून तयार झालेले एक विकसित...
कुठे दिलासा, कुठे चिंताराज्यातील शेतकरी परतीच्या पावसाची वाट पाहून थकला...
नाशिक जिल्ह्यातील काही भागाला अवकाळी...नाशिक : नाशिक जिल्ह्यातील अनेक भागात सोमवारी...
सांगलीत वादळी पावसाने द्राक्षबागांचे...सांगली ः द्राक्षाला दर चांगले मिळतील म्हणून लवकर...
अॅग्रोवन सरपंच महापरिषद शनिवारपासून...पुणे  : कृषी, ग्रामविकास आणि जलसंधारण...
अवकाळी पावसाचा पुन्हा तडाखापुणे  ः दक्षिण महाराष्ट्र, मध्य महाराष्ट्र,...
दुष्काळग्रस्तांना मदत, आरक्षणावरून...मुंबई   ः मराठा, मुस्लिम आणि धनगर आरक्षण...
गोड धाटाच्या ज्वारीपासून इथेनॉल नव्हे,...सध्या पेट्रोलसाठी पर्याय म्हणून इथेनॉल...
पिकते तिथेच करा प्रक्रियाहरितक्रांतीच्या काळात देशात साधनसंपत्ती विपुल...
कापूस गाठींचे देशांतर्गत उत्पादन घटणारजळगाव ः कापूस हंगामाच्या दुसऱ्या टप्प्यात...
दुष्काळप्रश्नी विरोधकांचा राज्य सरकारवर...मुंबई : दुष्काळी भागातील शेतकऱ्यांना तातडीने मदत...
वादळी पावसाचा दणकापुणे : कोल्हापूर, सातारा, सांगली जिल्ह्यांत...
कोकण, मध्य महाराष्ट्रात आजही पावसाची...पुणे : पावसाला पोषक हवामान असल्याने राज्यात...
पुरवणी मागण्या : दुष्काळग्रस्तांच्या...मुंबई : हिवाळी अधिवेशनाच्या पहिल्याच दिवशी...
राज्यातील ७४ पाणलोट क्षेत्रांमध्ये अधिक...पुणे  : यंदा कमी पाऊस झाल्याने भूजल...
आयटी क्षेत्रातील नोकरीपेक्षा हिरव्या...शेतीतील विविध संकटांमुळे युवक शेती सोडून नोकरी,...
नवे काश्मीर घडवणारे ‘बसेरा- ए- तबस्सुम'अधिक कदम या कोसेगव्हाण (ता. श्रीगोंदा, जि. नगर)...
पर्यायी चाऱ्यासाठी काटे विरहित निवडूंगमुरमाड, कुरण जमिनी, वालुकामय जमिनी तसेच शेती बांध...
ऊसतोडणीचे काम थांबवले शेतीतून नवी उमेद...शिरूर कासार (जि. बीड) या दुष्काळी तालुक्‍यातील...