agriculture news in Marathi, Cotton production will decreased by 25 lack bales in Maharashtra and Telangana, Maharashtra | Agrowon

महाराष्ट्र आणि तलंगणात कापूस उत्पादन २५ लाख गाठींनी घटणार
टीम अॅग्रोवन
रविवार, 14 जानेवारी 2018

मुंबई ः देशातील महत्त्वाच्या कापूस उत्पादक महाराष्ट्र आणि तेलंगणा या दोन्ही राज्यांमध्ये बोंड अळीचा प्रादुर्भाव झाल्याने उत्पादनावर मोठा परिणाम झाला. त्यामुळे कापूस सल्लागार मंडळाने ठेवलेल्या ३७७ लाख गाठी उत्पादन उद्दिष्टात ७ ते ८ टक्के म्हणजेच २५ टक्के घट होणार आहे, असा अंदाज तज्ज्ञांनी व्यक्त केला आहे.

मुंबई ः देशातील महत्त्वाच्या कापूस उत्पादक महाराष्ट्र आणि तेलंगणा या दोन्ही राज्यांमध्ये बोंड अळीचा प्रादुर्भाव झाल्याने उत्पादनावर मोठा परिणाम झाला. त्यामुळे कापूस सल्लागार मंडळाने ठेवलेल्या ३७७ लाख गाठी उत्पादन उद्दिष्टात ७ ते ८ टक्के म्हणजेच २५ टक्के घट होणार आहे, असा अंदाज तज्ज्ञांनी व्यक्त केला आहे.

 आधी कापूस सल्लागार मंडळाने देशात मागील वर्षाच्या तुलनेत उत्पादन ९ टक्क्यांनी वाढून ३७७ लाख गाठी होईल, असे जाहीर केले होते, तर दुसरीकडे भारतीय कापूस महामंडळाने उत्पादन ११ टक्क्यांनी वाढून ३७५ लाख गाठी होईल, असा अंदाज जाहीर केला होता. मात्र महाराष्ट्र आणि तेलंगणा या राज्यांमध्ये बोंड अळीने तब्बल २५ लाख गाठी उत्पादन आपल्या घशात घातले त्यामुळे देशातील कापूस उत्पादन ३५५ लाख गाठींपर्यंत होईल, असे तज्ज्ञांनी सांगितले.  

‘‘महाराष्ट्रातील कापूस नुकसानाचा अंदाज बांधणे सध्या अवघड आहे, परंतु राज्यात जवळपास १५ लाख गाठी कापसाचे बोंड अळीमुळे नुकसान झाले असे वाटते,’’ असे विपणन महामंडळाचे व्यवस्थापक (खरेदी) जयेश महाजन यांनी सांगितले. 
दरम्यान, जिनिंग उद्योगाला आतापासूनच कापसाची टंचाई भासत आहे, तर दरही वाढले आहेत. येत्या काळात दर आणखी वाढण्याची शक्यता आहे. 

तेलंगणात १५ लाख गाठींची घट
तेलंगणा राज्यातही यंदा कापूस उत्पादन वाढेल, असा अंदाज सुरवातीच्या काळात वाटत होता. मात्र बोंड अळीच्या प्रादुर्भावामुळे त्यात घट झाली आहे. तलंगणा कापूस महामंडळाचे मुख्य सचिव के. रमेश म्हणाले, ‘‘यंदा सुरवातीला राज्यात ६५ लाख गाठी उत्पादन होईल, असा अंदाज मात्र आता ५० लाख गाठीच उत्पादन होईल असे दिसते.’’

महाराष्ट्रात ८० टक्के क्षेत्रावर प्रादुर्भाव
‘‘महाराष्ट्रातील जवळपास ३४ लाख हेक्टरवर म्हणजेच तब्बल ८० टक्के लागवड क्षेत्रावर गुलाबी बोंड अळीचा प्रादुर्भाव झाला आहे, परंतु नुकसानाची तीव्रता ही परिस्थिती आणि जागेनुसार वेगळी आहे,’’ असे राज्याच्या कृषी विभागाचे संचालक एस. एल. जाधव यांनी सांगितले. महाराष्ट्रातील कापूस उत्पादनात घट किती झाली, यावर कापूस उद्योग आणि शासन यांनी मंथन सुरू केले आहे, तसेच कापसाची प्राथमिक खरेदी संपली असून, आता नवीन कापूस उत्पादन अंदाजाची शक्यता आहे.

७५ टक्केच वेचणी
‘‘हंगामाच्या सुरवातीला कापूस सल्लागार मंडळ आणि भारतीय कापूस महामंडळाने यंदा मागील वर्षापेक्षा यंदा उत्पादन वाढाचा अंदाज व्यक्त केला होता, परंतु नोव्हेंबरमध्ये बोंड अळीचा प्रादुर्भाव वाढल्याने दोन्ही राज्यांनी शेतकऱ्यांना कापूस पीकच डिसेंबरपर्यंत नष्ट करण्यास सांगितले. नोव्हेंबरपर्यंत कापसाच्या दोन ते तीनच वेचण्या झाल्या आणि केवळ ७५ टक्के कापूस निघाला. त्यानंतर बोंड अळीचा प्रादुर्भाव वाढला. कापूस सल्लागार मंडळाने आधी ४०० लाख गाठींचा आणि नंतर कमी करून ३७७ लाख गाठींचा अंदाज व्यक्त केला होता,’’ अशी माहिती वस्त्रोद्योग मंत्रालयाच्या सूत्रांनी दिली.

इतर अॅग्रो विशेष
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
बाजारात टंचाईमुळे ‘पांढऱ्या सोन्या'च्या...जळगाव ः देशात कापसाची सर्वाधिक सुमारे ४० लाख हेक्...
दिवसा वीजपुरवठ्याचे स्वप्न प्रत्यक्षात...मुंबई : मुख्यमंत्री सौर कृषी पंप...
विजयादशमीनिमित्त फुलांना मागणी वाढलीपुणे ः गुरुवारी (ता. १८) साजऱ्या हाेणाऱ्या...
कोकण, पश्‍चिम महाराष्ट्रात पावसाची...पुणे: राज्याच्या कमाल तापमानात चढ-उतार सुरू...
मराठवाड्यात यंदा शेतकऱ्यांचे...औरंगाबाद : कमी पाऊस आणि मोठा खंड यामुळे...
ऊर्जा विभागाच्या योजनांचा शेतकऱ्यांना...मुंबई  : ऊर्जा विभागाने लोकहिताच्या व...
राज्यात २७ लाख हेक्टरवर होणार ज्वारी...पुणे : केंद्र सरकारच्या नव्या धोरणाप्रमाणे...
सणासुदीत अर्थकारण उंचावणारे पेरीडकरांचे...गणपती उत्सवापासून ते अगदी दसरा, दिवाळीस तुळशीच्या...
दुष्काळ, मजूरटंचाई समस्येवर सीताफळ,...अौरंगाबाद जिल्ह्यातील कुंभेफळ येथील श्रीराम शेळके...
कडधान्य कवडीमोल दरात व्यापाऱ्यांच्या...जळगाव : कडधान्याचा हंगाम येऊन एक महिना झाला;...
सकाळी गारठा, तर दुपारी चटकापुणे : राज्यात कमाल तापमान पस्तीशीपार गेले...
नांदेड, परभणी, हिंगोली जिल्ह्यांत...नांदेड ः जमिनीत पुरेशा प्रमाणात ओलावा नसल्यामुळे...
भारतात ३६५ लाख गाठी कापूस होणारमुंबई ः भारतात मागील वर्षीच्या तुलनेत यंदा कापूस...
मुग, उडीद विक्रीत शेतकऱ्यांना ३३०...पुणे ः शासनाची हमीभावाने खरेदीसाठी नोंदणीच सुरू...
खरिपात उत्पादनात घट; हमी दरही मिळेनाऔरंगाबाद : खरिपातील प्रमुख पिकांपैकी मूग, उडीद...
सरकारला दुष्काळचे गांभीर्य ः चंद्रकांत...नगर: राज्यात साधारण दोनशे तालुक्यांत दुष्काळसदृश...
नर्सरी मॅन ऑफ वरुड- जावेद खान अमरावती जिल्‍ह्यातील वरुड मोर्शी या प्रसिद्ध...
दुष्काळातही विस्तारला देशी गोवंश व्यवसायकायम दुष्काळी खानापूर तालुक्यातील अडसरवाडी (जि....
नांदेड, हिंगोली, परभणीतील बारा...नांदेड   ः दुष्काळ व्यवस्थापन संहितेनुसार...