agriculture news in Marathi, cotton rate stuck at rupees 4500 in gram purchase in Khandesh, Maharashtra | Agrowon

कापसाची खेडा खरेदी ४५०० रुपयांवरच अडकली
टीम अॅग्रोवन
शनिवार, 11 नोव्हेंबर 2017

कापूस, भरडधान्याला दर नाहीत. शेतकऱ्यांना कमी पावसाचा फटका बसला आहे. आता दर नसल्याने ते अडचणीत आहेत. 
- आत्माराम बळिराम पाटील, शेतकरी, कापडणे (ता. धुळे)

जळगाव ः धुळेसह जळगाव जिल्ह्यात कापसाची खेडा खरेदी फारशी होत नसल्याची स्थिती आहे. दरही महिनाभरापासून ४५०० रुपये प्रतिक्विंटल पुढे गेलेले नाहीत. मागील वर्षाच्या तुलनेत यंदा कापसाचा कमी दर असून, उत्पादन खर्च मात्र वाढल्याने कापूस उत्पादकांना त्याचा मोठा फटकाही सहन करावा लागत आहे. 

कुठलीही दरवाढ होत नसल्याने काही मोठ्या कापूस उत्पादकांनी कापूस साठवून ठेवला आहे. परंतु फरदड कापूस (खोडवा) न घेता क्षेत्र रिकामे करण्यास कृत्रीम जलसाठा उपलब्ध असलेल्या शेतकऱ्यांनी सुरवात केली आहे. या क्षेत्रावर मका, बागायती हरभरा, गहू आदी पिके घेण्याचे नियोजन केले आहे. जळगाव जिल्ह्यात जवळपास १२ हजार हेक्‍टर पूर्वहंगामी कापसाच्या पिकाखालील क्षेत्र रिकामे झाले आहे. तर धुळ्यातही तापीकाठावरील शिंदखेडा, शिरपूर तालुक्‍यातील कापूस उत्पादकांनी क्षेत्र रिकामे करून इतर रब्बी पिके पेरल्याची माहिती मिळाली. 

सीसीआयच्या केंद्रांवर बोंडही नाही
जळगाव, धुळे व नंदुरबार जिल्ह्यांत सीसीआयचे (भारतीय कापूस महामंडळ) मिळून १३ खरेदी केंद्र १२ दिवसांपूर्वी सुरू झाले आहेत. तर पणन महासंघाचे धुळे, नाशिक व जळगाव जिल्ह्यात मिळून सहा केंद्र सुरू आहेत. या केंद्रांवर ४१२०, ४२२० आणि कमाल ४३२० रुपये प्रतिक्विंटलचा दर आहे. या केंद्रांवर खुल्या बाजाराच्या तुलनेत कमी दर असल्याने कुठलीही आवक झालेली नाही. पणन महासंघाच्या केंद्रांवर फक्त अडीच क्विंटल कापूस खरेदी झाल्याची माहिती मिळाली. तर सीसीआयच्या केंद्रांवर एक बोंडही कापूस आलेला नाही. या वृत्तास पणन संचालक संजय पवार यांनी दुजोरा दिला. 

धुळे जिल्ह्यात शिरपूर, धुळे, शिंदखेडा तालुक्‍यात खेडा खरेदी सुरू आहे. जळगाव जिल्ह्यातही चोपडा, जळगाव, धरणगाव, पाचोरा भागात खेडा खरेदी सुरू आहे. सध्या चांगल्या दर्जाचा (१० टक्के आर्द्रता) कापूस येत आहे. वेचणीसाठीची मजुरी यंदा किलोमागे एक रुपया वधारली. तसेच इतर खर्चही वाढले आहेत. उत्पादन खर्चाच्या तुलनेत दर मिळत नसल्याची नाराजी शेतकऱ्यांमध्ये आहे.   

फरदडवरही अळी व किडी
फरदड कापसाच्या पिकावरही गुलाबी बोंड अळी आढळत आहे. चोपडा, जामनेर, जळगाव, शिरपूर भागात या तक्रारी अधिक आहेत. त्यासंबंधी शेतकऱ्यांनी कृषी विभागाकडे तक्रार करून नुकसान भरपाईची मागणी केली आहे.

प्रतिक्रिया
कापसाला मागच्या वर्षीपेक्षा कमी दर आहेत. शेतकऱ्यांना दरांची प्रतीक्षा आहे. फरदड कापसावरही रोगराई असल्याने शेतकरी पीक काढून क्षेत्र रिकामे करीत आहेत. 
- अनिल विश्राम पाटील, शेतकरी, सावखेडासीम (ता. यावल, जि. जळगाव)
 

इतर बातम्या
पुलवामातील हल्ल्यात बुलढाणा जिल्ह्याचे...बुलडाणा : पुलवामा येथे झालेल्या अतिरेकी ...
हल्ल्या मागे जे आहेत त्यांना शिक्षा...नवी दिल्ली : जम्मू-काश्‍मीरच्या पुलवामा...
आम्ही विसरणार नाही.. माफही करणार नाही...नवी दिल्ली- जम्मू-काश्‍मीरच्या पुलवामा जिल्ह्यात...
पाकच्या मुस्क्या आवळणार; विशेष राष्ट्र...नवी दिल्ली: पुलवामा हल्ल्याच्या निषेधार्थ...
काश्‍मीरमधील शेतकऱ्याला थकबाकीची रक्कम...पुणे : काश्‍मीरमधील शेतकऱ्याला सफरचंदाचे पैसे...
कृषी पथदर्शक राज्य साकारण्याची संधी :...पुणे : “शेतकऱ्यांपर्यंत आधुनिक शेती तंत्र...
बिबट्याच्या दहशतीखाली चोरट्यांकडून...आंबेठाण, जि. पुणे : शिंदे गाव (ता. खेड) येथे दोन...
‘डिंभे’चे पाणी जोड बोगद्याद्वारे ‘...मुंबई : डिंभे डाव्या तीर कालव्यातील गळती...
डिजिटल परवान्यासाठी लढा देणार : राजू...पुणे : कृषी आयुक्तालयाच्या गुणनियंत्रण विभागाकडून...
विदर्भात आज गारपीट, हलक्या पावसाचा अंदाजपुणे : पोषक हवामानामुळे आज (ता. १४) विदर्भात...
कापसासाठी ‘एमसीएक्‍स’कडून गोदामांची...मुंबई : कापूस उत्पादक शेतकऱ्यांना समृद्ध...
कर्ज देण्याच्या नावाखाली ७३ शेतकऱ्यांची...गोंदिया : कर्ज देण्याच्या नावाखाली ७३...
`महानंद'मधील गैरव्यवहाराची चौकशी सुरूमुंबई : महाराष्ट्र राज्य सहकारी दूध संघ अर्थात...
सांगली, कोल्हापूर जिल्ह्यांतील काही...कोल्हापूर : उर्वरित एफआरपीबाबत साखरेची मागणी...
इतिवृत्तात शेतकरी प्रतिनिधींच्या...नांदेड : ऊसदर निश्चित करण्याच्या बाबतीत...
उसाला प्रतिटन २०० ते २२५ अनुदान मिळणार...नवी दिल्ली : साखर कारखान्यांन्या साखरेच्या...
पंतप्रधान दौऱ्याच्या दिनी मनसे वाटणार...यवतमाळ : निवडणुकीपूर्वी अच्छे दिनचे स्वप्न...
जमीन गैरव्यवहार चौकशी 'सक्तवसुली'मार्फत... पुणे : सोलापूरच्या जुनी मिल नावाने ओळखल्या...
संत्रा, मोसंबी नुकसानीचा अहवाल द्या ः...नागपूर ः संत्रा, मोसंबी पिकांचा बहुवार्षिक पिकात...
शाश्वत विजेचा पर्याय : मुख्यमंत्री सौर...सौर कृषिपंपामध्ये मुख्यतः सोलर पॅनल, वॉटर पंप संच...