agriculture news in Marathi, cotton season ends in early November in Marathwada, Maharashtra | Agrowon

नोव्हेंबरमध्येच कपाशीचा झाडा
टीम अॅग्रोवन
सोमवार, 13 नोव्हेंबर 2017

पहिल्या बहराच्या फुटलेल्या सर्व बोंडांची वेचणी केली. शिल्लक राहिलेली पऱ्हाटी उपटून त्या ठिकाणी हरभरा पेरणार आहोत.
- वामन दंडवते, सोन्ना, ता. जि. परभणी.
 

परभणी ः नांदेड, परभणी, हिंगोली जिल्ह्यांतील जिरायती क्षेत्रावरील कापूस पिकांचा यंदा तब्बल तीन ते चार महिने आधीच झाडा झाला आहे. सर्व बोंडे फुटल्यानंतर कापसाची वेचणी केलेल्या शेतामध्ये आता केवळ पऱ्हाटी शिल्लक राहिली आहे. सिंचनाची व्यवस्था असेलेले शेतकरी पऱ्हाटी उपटून हरभरा, गहू घेण्याचे नियोजन करत आहेत. यंदा बीटी कपाशीवर मोठ्या प्रमाणावर शेंदरी बोंडअळीचा प्रादुर्भाव झाल्यामुळे बोंडे किडकी झाली आहेत. त्यामुळे उत्पादनात मोठी घट आली असून, बाजारभावदेखील कमी मिळत असल्याने शेतकऱ्यांचे अर्थकारण बिघडले आहे.

यंदाच्या खरीप हंगामात नांदेड जिल्ह्यामध्ये २ लाख ६९ हजार ७७९ हेक्टर, परभणी जिल्ह्यामध्ये १ लाख ९७ हजार ७०९ हेक्टर, हिंगोली जिल्ह्यामध्ये ५४ हजार ६०५ हेक्टरवर, तीन जिल्ह्यांत एकूण ३ लाख ४४ हजार ९३ हेक्टरवर कपाशीची लागवड झाली आहे. तीनही जिल्ह्यांतील कपाशीच्या क्षेत्रात यंदा घट झाली आहे. जुलै-आॅगस्ट महिन्यांत वाढीच्या काळात पावसाचा खंड पडला. त्यानंतर सुरू झालेल्या पावसामुळे शेतामध्ये पाणी साचून राहिल्याने बोंडे सडून नुकसान झाले. यंदा कपाशीवर आलेल्या शेंदरी बोंडअळीमुळेही मोठे नुकसान झाले आहे.

त्यात सोयाबीनच्या काढणीच्या हंगामामध्येच कापूस वेचणी आली होती. परंतु मजूर न मिळाल्यामुळे बोंडातून फुटलेला कापूस झाडावरच राहिला. उन्हामध्ये तळल्यामुळे बोंडाचे वजन घटले. दरम्यानच्या काळात झाडावरील उर्वरित बोंडे फुटली. अनेक भागांत फुटलेल्या सर्व बोंडांची वेचणी एकदाच करण्यात आली. यंदा एकाच बहराचे उत्पादन मिळाले. त्यामुळे वेचणीनंतर शेतामध्ये केवळ पऱ्हाटी शिल्लक राहिली आहे.

जमिनीतील ओलाव्याच्या उपलब्धतेनुसार जिरायती क्षेत्रावरील कपाशीच्या ४ ते ५ वेचण्या होत. त्यामुळे वेचणी हंगामदेखील फेब्रुवारी-मार्च महिन्यांपर्यंत चालत असे. परंतु यंदा कापसाचा हंगाम तब्बल तीन ते चार महिने लवकर संपला आहे. पऱ्हाटी उपटून हरभरा, गहू पेरणीसाठी जमीन तयार करण्याचे काम शेतकऱ्यांनी सुरू केले आहे.

इतर अॅग्रो विशेष
जागरूक व्यवहारासाठी माहितीचा अधिकारगाव आणि तालुका पातळीवर शेती क्षेत्राशी संबंधित जी...
पाण्यावर पहाराविहीर अथवा बोअरवेल खोदाईवर नियंत्रण, अधिक खोल...
विदर्भात उद्यापासून पावसाची शक्यता;...पुणे : बंगालच्या उपसागरात तयार होत असलेली...
मराठवाड्यात रब्बी पिकांची होरपळ सुरूऔरंगाबाद : मराठवाड्यातील पेरणी झालेल्या रब्बी...
खानदेशातील विहिरींच्या पाणीपातळीत घटधुळे : अत्यल्प पावसामुळे खानदेशातील...
'पाणी अडवा, पाणी जिरवा’ कृतीत ठेवले...सध्या दुष्काळाच्या झळा राज्यातील शेतकरी सोसताहेत...
साखर मूल्यांकन घटीने कारखानदार धास्तावलेकोल्हापूर : साखरेला उठाव नसल्याने साखर...
कापूस उत्पादकांना मिळाला उत्पादकता...‘महाराष्ट्र व्हिलेज सोशल ट्रान्सफॉर्मेशन (सामाजिक...
कृषी विभागात बदल्यांसाठी 'लॉबी' झाली...पुणे : ऐन दुष्काळात नियमांची मोडतोड करून कृषी...
धुळे बाजार समितीत शेतकऱ्यांकडून ‘टीडीएस...धुळे : कृषी उत्पन्न बाजार समितीमध्ये...
दुष्काळप्रश्नी तत्काळ मदतीसाठी...नवी दिल्ली : राज्यातील दुष्काळी स्थितीवर प्रभावी...
आणखी एका कांदा उत्पादकाची...सटाणा, जि. नाशिक : कांदा दरामुळे त्रस्त...
मेंढपाळांचा ८० रुपयांत २ लाखांचा विमा...औरंगाबाद : राज्यात शेळी-मेंढी पालनावर उपजीविका...
सिंधुदुर्गात पाऊस; आंबा, काजूला मोठा...कणकवली, जि. सिंधुदुर्ग : जिल्ह्यातील काही भागात...
पीक कर्जवाटपात करा आमूलाग्र बदलराज्यातील काही भागांतील कापूस आणि तूर ही पिके...
आपत्ती निर्मूलनासाठी विद्यार्थ्यांनो...अमेरिकेमधील टेक्सास ए. एम. कृषी विद्यापीठांतर्गत...
अन्नद्रव्यांचा समतोल वापर आवश्यक...जमिनीतील अन्नद्रव्यांचा मोठ्या प्रमाणावर होत...
पाणी चोरी करणाऱ्यांवर फौजदारी कारवाईमुंबई : राज्यातील दुष्काळी परिस्थिती लक्षात घेऊन...
फुलांवर रुंजन रोबो मधमाश्‍यांचे...नागपूर : विविध आकर्षक रंगसंगतीसह काही वेळ...
कोल्हापूरात कामगार-अडत्यांच्या वादात...कोल्हापूर : येथील बाजार समितीत तोलाइदार, अडते...