शेती प्रश्‍नांसाठी दिल्लीत आज गाेलमेज परिषद

पुणे ः शेती आणि शेतकऱ्यांच्या समस्या केंद्र सरकारसमारे प्रभावीपणे मांडण्यासाठी अखिल भारतीय किसान संघर्ष समितीच्या वतीने भाजप वगळता सर्व प्रमुख राजकीय पक्षांना एकत्रित करीत गाेलमेज परिषदेचे आयाेजन केले आहे. बुधवारी (ता.२८) दुपारी २ वाजता परिषदेचे आयाेजन करण्यात आल्याची माहिती स्वाभिमानी शेतकरी संघटनेचे प्रवक्ते ॲड. याेगेश पांडे यांनी दिली.  देशातील विविध १९३ शेतकरी संघटनांनी एकत्र येत स्थापन केलेल्या अखिल भारतीय किसान संघर्ष समन्वय समितीच्या कार्यकारिणी मंडळाच्या वतीने ( वर्किंग ग्रुप ) नवी दिल्ली येथील कॉनस्ट्यिट्यूशन क्लब येथे परिषद हाेणार आहे. या परिषदेकरिता देशातील भाजप वगळता सर्व प्रमुख ३२ पक्षांच्या प्रतिनिधींना आमंत्रित करण्यात आले आहे. या परिषदेमध्ये शेतमालाला उत्पादन खर्चावर दीड पट हमीदर, संपूर्ण कर्जमुक्ती यावर संसदेत मांडलेल्या खासगी विधेयकावर विविध पक्षांनी आपल्या भूमिका मांडण्यास आमंत्रित करण्यात आले आहे.  या बैठकीसाठी काँग्रेस अध्यक्ष राहुल गांधी, राष्ट्रवादी काँग्रेसचे अध्यक्ष शरद पवार, शरद यादव, सीताराम येचुरी, चंद्राबाबू नायडू व देशातील इतर दिग्गज नेत्यांना आमंत्रित करण्यात आले आहे. या परिषदेस काँग्रेस , राष्ट्रवादी काँग्रेस , शिवसेना, टीएसआर, टीडीपी, वायएसआर, सीपीआय, सीपीएम, आरजेडी, समाजवादी पार्टी, बहुजन समाजवादी पार्टी, एआयडीएमके, बीजेडी, डीएमके, जेडीयू, अकाली दल, आम आदमी पार्टी, नॅशनल कॅान्फरन्स, तृणमुल काँग्रेस व इतर पक्षांना आमंत्रित करण्यात आले आहे.  परिषदेसाठी स्वाभिमानी शेतकरी संघटनेने पुढाकार घेतला असून, संघटनेचे नेते खा. राजू शेट्टी यांनी सर्वांना निमंत्रण दिले आहे. निमंत्रणाचाच भाग म्हणून खा. शेट्टी यांनी नुकतीच काँग्रेस अध्यक्ष राहुल गांधी यांची भेट घेतली हाेती. खा. शेट्टी यांच्याबराेबर व्ही. एम. सिंह, राजाराम सिंह, रामपाल जाट, योगेंद्र यादव, आयकन्नू, हानन मौला, किरण विसा, प्रेमसिंह घेलावर, अखिल गोगाई, चंद्रशेखर कोडीअळी, डॉ. सुनीलम, मेधाताई पाटकर, कविता कुरुगंट्टी आदी शेतकरी नेते उपस्थित असणार आहेत, अशी माहिती स्वाभिमानी शेतकरी संघटनेच्या वतीने देण्यात आली आहे.