agriculture news in marathi, creation of veterinary dispensaries Stopped due to Due to the restriction | Agrowon

निर्बंधामुळे पशुवैद्यकीय दवाखान्यांची निर्मिती नाही
सू्र्यकांत नेटके
शुक्रवार, 1 डिसेंबर 2017

नगर ः अहमदनगर जिल्ह्यासह इतर जिल्ह्यांचे नवीन पशुवैद्यकीय दवाखाने स्थापन करण्याचे प्रस्ताव शासनास प्राप्त झालेले असले तरी नवीन पदनिर्मितीवरील निर्बंध तसेच नवीन दवाखान्यांच्या स्थापनेसाठीचे निकष यामुळे राज्यातील कोणत्याही जिल्ह्यात २०११ नंतर नवीन पशुवैद्यकीय दवाखान्याची स्थापना, तसेच अस्तित्वात असलेल्या पशुवैद्यकीय दवाखान्यांची दर्जावाढ करण्यात आलेली नाही, असे स्पष्टीकरण पशुसंवर्धन, दुग्धविकास व मत्स्यव्यवसाय विभागाने दिले आहे.

नगर ः अहमदनगर जिल्ह्यासह इतर जिल्ह्यांचे नवीन पशुवैद्यकीय दवाखाने स्थापन करण्याचे प्रस्ताव शासनास प्राप्त झालेले असले तरी नवीन पदनिर्मितीवरील निर्बंध तसेच नवीन दवाखान्यांच्या स्थापनेसाठीचे निकष यामुळे राज्यातील कोणत्याही जिल्ह्यात २०११ नंतर नवीन पशुवैद्यकीय दवाखान्याची स्थापना, तसेच अस्तित्वात असलेल्या पशुवैद्यकीय दवाखान्यांची दर्जावाढ करण्यात आलेली नाही, असे स्पष्टीकरण पशुसंवर्धन, दुग्धविकास व मत्स्यव्यवसाय विभागाने दिले आहे.

नगर जिल्ह्यामध्ये ‘पशुवैद्यकीय दवाखान्यांचे प्रस्ताव मंजुरीच्या प्रतीक्षेत'' असे वृत्त ॲग्रोवनने प्रकाशित केले होते. त्याची राज्याच्या पशुसंवर्धन, दुग्धविकास व मत्स्यव्यवसाय विभागाच्या अवर सचिवांनी दखल घेतली असून, प्रस्ताव पडून राहण्याचे कारण स्पष्ट केले आहे. पशुवैद्यकीय विभागाच्या म्हणण्यानुसार, सध्या राज्यात ३२ पशुवैद्यकीय सर्वचिकित्सालये, १६८ तालुका लघू पशुवैद्यकीय सर्वचिकित्सालये, ६५ फिरते पशुवैद्यकीय दवाखाने, एक हजार ७४१ श्रेणी एकचे पशुवैद्यकीय दवाखाने, दोन हजार ८४१ श्रेणी दोनचे पशुवैद्यकीय दवाखाने आणि तेरा तपासणी चौक्‍या कार्यरत असून, या संस्थांमार्फत राज्यातील शेतकरी/गोपालकांकडील पशुधनास आवश्‍यक त्या पशुवैद्यकीय सेवा पुरविण्यात येत आहेत.

याव्यतिरिक्त महाराष्ट्र पशु व मत्स्यविज्ञान विद्यापीठांतर्गत मुंबई, नागपूर, अकोला, परभणी, उदगीर व शिरवळ येथे असलेल्या पशुवैद्यकीय महाविद्यालयातूनदेखील पशुवैद्यकीय सेवा पुरविण्यात येत आहेत.

पशुसंवर्धन, दुग्धविकास व मत्स्यव्यवसाय विभागाच्या १ जुलै २०११ च्या शासन निर्णयानुसार ‘नवीन श्रेणीस एक’च्या पशुवैद्यकीय दवाखान्याची स्थापना करण्यासाठी बिगर डोंगरी भागात पाच हजार पशुधनामागे एक, तर डोंगरी भागात तीन हजार पशुधनामागे एक दवाखाना असावा. तसेच नव्याने स्थापन करावयाच्या संस्थेपासून पाच किलोमीटर अंतरात दुसरी कोणतीही पशुवैद्यकीय संस्था कार्यरत नसावी, असे निकष निश्‍चित करण्यात आलेले आहेत.

नवीन श्रेणी एकच्या पशुवैद्यकीय दवाखान्याची स्थापना करण्यासाठी पशुधन विकास अधिकारी, गट-अ एक पद, ऋणोपचारक गट-ड एक पद आणि परिचर गट-ड एक पद अशा एकूण ३ पदांची, तर अस्तित्वात असलेल्या श्रेणी दोनच्या पशुवैद्यकीय दवाखान्याचा दर्जावाढ करून त्याचे रूपांतर श्रेणी एकच्या पशुवैद्यकीय दवाखान्यात करण्यासाठी पशुधन विकास अधिकारी, गट-अ या एका पदाची आवश्‍यकता आहे;
मात्र २ जून २०१५ च्या वित्त विभागाच्या शासन निर्णयानुसार नवीन पदनिर्मिती पूर्णपणे बंद राहील, असे कळविण्यात आले.

नवीन पदनिर्मितीवर असलेले निर्बंध पाहता २०११ नंतर राज्यातील कोणत्याही जिल्ह्यात नवीन श्रेणी-१ च्या पशुवैद्यकीय दवाखान्याची स्थापना, तसेच अस्तित्वात असलेल्या श्रेणी दोनच्या पशुवैद्यकीय दवाखान्याचा दर्जावाढ करून त्याचे रूपांतर श्रेणी-१ च्या पशुवैद्यकीय दवाखान्यात करण्यात आलेले नाही.

इतर बातम्या
पुलवामातील हल्ल्यात बुलढाणा जिल्ह्याचे...बुलडाणा : पुलवामा येथे झालेल्या अतिरेकी ...
हल्ल्या मागे जे आहेत त्यांना शिक्षा...नवी दिल्ली : जम्मू-काश्‍मीरच्या पुलवामा...
आम्ही विसरणार नाही.. माफही करणार नाही...नवी दिल्ली- जम्मू-काश्‍मीरच्या पुलवामा जिल्ह्यात...
पाकच्या मुस्क्या आवळणार; विशेष राष्ट्र...नवी दिल्ली: पुलवामा हल्ल्याच्या निषेधार्थ...
काश्‍मीरमधील शेतकऱ्याला थकबाकीची रक्कम...पुणे : काश्‍मीरमधील शेतकऱ्याला सफरचंदाचे पैसे...
कृषी पथदर्शक राज्य साकारण्याची संधी :...पुणे : “शेतकऱ्यांपर्यंत आधुनिक शेती तंत्र...
बिबट्याच्या दहशतीखाली चोरट्यांकडून...आंबेठाण, जि. पुणे : शिंदे गाव (ता. खेड) येथे दोन...
‘डिंभे’चे पाणी जोड बोगद्याद्वारे ‘...मुंबई : डिंभे डाव्या तीर कालव्यातील गळती...
डिजिटल परवान्यासाठी लढा देणार : राजू...पुणे : कृषी आयुक्तालयाच्या गुणनियंत्रण विभागाकडून...
विदर्भात आज गारपीट, हलक्या पावसाचा अंदाजपुणे : पोषक हवामानामुळे आज (ता. १४) विदर्भात...
कापसासाठी ‘एमसीएक्‍स’कडून गोदामांची...मुंबई : कापूस उत्पादक शेतकऱ्यांना समृद्ध...
कर्ज देण्याच्या नावाखाली ७३ शेतकऱ्यांची...गोंदिया : कर्ज देण्याच्या नावाखाली ७३...
`महानंद'मधील गैरव्यवहाराची चौकशी सुरूमुंबई : महाराष्ट्र राज्य सहकारी दूध संघ अर्थात...
सांगली, कोल्हापूर जिल्ह्यांतील काही...कोल्हापूर : उर्वरित एफआरपीबाबत साखरेची मागणी...
इतिवृत्तात शेतकरी प्रतिनिधींच्या...नांदेड : ऊसदर निश्चित करण्याच्या बाबतीत...
उसाला प्रतिटन २०० ते २२५ अनुदान मिळणार...नवी दिल्ली : साखर कारखान्यांन्या साखरेच्या...
पंतप्रधान दौऱ्याच्या दिनी मनसे वाटणार...यवतमाळ : निवडणुकीपूर्वी अच्छे दिनचे स्वप्न...
जमीन गैरव्यवहार चौकशी 'सक्तवसुली'मार्फत... पुणे : सोलापूरच्या जुनी मिल नावाने ओळखल्या...
संत्रा, मोसंबी नुकसानीचा अहवाल द्या ः...नागपूर ः संत्रा, मोसंबी पिकांचा बहुवार्षिक पिकात...
शाश्वत विजेचा पर्याय : मुख्यमंत्री सौर...सौर कृषिपंपामध्ये मुख्यतः सोलर पॅनल, वॉटर पंप संच...