agriculture news in marathi, Credit of nationalized banks in Parbhani | Agrowon

परभणीत राष्ट्रीयीकृत बॅंकांचे कर्जवाटप कासवगतीने
टीम अॅग्रोवन
शनिवार, 14 जुलै 2018

परभणीः जिल्ह्यात यंदाच्या खरीप हंगामात १ हजार ४७० कोटी ४४ लाख १२ हजार रुपये पीक कर्जवाटपाचे उद्दिष्ट असताना बुधवार (ता. ११) पर्यंत ३७ हजार ८०९ शेतकऱ्यांना १६२ कोटी ६३ लाख ४९ हजार रुपये म्हणजेच उद्दिष्टाच्या ११.०६ टक्के कर्जवाटप करण्यात आले आहे. गतवर्षी याच तारखेला ३५८ कोटी ९७ लाख ३० हजार रुपये पीक कर्जवाटप करण्यात आले होते. यंदा पीक कर्जवाटपाची गती अजूनही अत्यंत धीमी आहे. वाटपाची गती अशीच राहिली तर खरीप हंगामात पीककर्जाची उद्दिष्टपूर्ती होण्याची चिन्हे दिसत नाहीत.

परभणीः जिल्ह्यात यंदाच्या खरीप हंगामात १ हजार ४७० कोटी ४४ लाख १२ हजार रुपये पीक कर्जवाटपाचे उद्दिष्ट असताना बुधवार (ता. ११) पर्यंत ३७ हजार ८०९ शेतकऱ्यांना १६२ कोटी ६३ लाख ४९ हजार रुपये म्हणजेच उद्दिष्टाच्या ११.०६ टक्के कर्जवाटप करण्यात आले आहे. गतवर्षी याच तारखेला ३५८ कोटी ९७ लाख ३० हजार रुपये पीक कर्जवाटप करण्यात आले होते. यंदा पीक कर्जवाटपाची गती अजूनही अत्यंत धीमी आहे. वाटपाची गती अशीच राहिली तर खरीप हंगामात पीककर्जाची उद्दिष्टपूर्ती होण्याची चिन्हे दिसत नाहीत.

यंदाच्या खरीप हंगामात परभणी जिल्ह्यातील सर्व बॅंकांना १ हजार ४७० कोटी ४४ लाख १२ हजार रुपये पीक कर्जवाटपाचे उद्दिष्ट आहे. यामध्ये जिल्हा मध्यवर्ती सहकारी बॅंकेला १६५ कोटी ४७ लाख २३ हजार रुपये, व्यापारी बॅंकांना १ हजार १०४ कोटी ८२ लाख ७७ हजार रुपये, महाराष्ट्र ग्रामीण बॅंकेला २०० कोटी १४ लाख १२ हजार रुपये उद्दिष्टाचा समावेश आहे. बुधवार (ता. ११) पर्यंत जिल्हा मध्यवर्ती सहकारी बॅंकेने २४ हजार ६०३ शेतकऱ्यांना ४६ कोटी ७४ लाख ४८ हजार रुपये (२८.२५ टक्के), राष्ट्रीयीकृत बॅंकांनी ५ हजार ६०८ शेतकऱ्यांना ५५ कोटी ४३ लाख २७ हजार रुपये (५.०२ टक्के), महाराष्ट्र ग्रामीण बॅंकेने ७ हजार ५९८ शेतकऱ्यांना ६० कोटी ४५ लाख ७४ हजार रुपये असे सर्व बॅंकांनी मिळून एकूण ३७ हजार ८०९ शेतकऱ्यांना १६२ कोटी ६३ लाख ४९ हजार रुपये पीक कर्जवाटप केले आहे. राष्ट्रीयीकृत बॅंकांची कर्जवाटपाची गती तुलनेने मंद आहे. कर्जमाफीच्या याद्याचा घोळ अद्याप सुरूच आहे. त्यामुळे कर्जमाफीसाठी अर्ज केलेल्या नेमक्या किती शेतकऱ्यांना प्रत्यक्षात कर्जमाफी मिळाली ही बाब अद्याप स्पष्ट झाली नाही.

कागदपत्रांमध्येच शेतकऱ्यांचा अधिक वेळ
कर्जमाफीचा लाभ मिळालेल्या शेतकऱ्यांना बॅंका नवीन पीककर्जासाठी सात-बारा, नमुना आठ अ, फेरफार, विविध बॅंकांचे ना हरकत प्रमाणपत्र आदीसह प्रस्ताव सादर करण्यास सांगत आहेत. त्यामुळे या कागदपत्रांची जमावाजमव करण्यात शेतकऱ्यांचा वेळ जात आहे. कर्जमाफीच्या अपेक्षेने शेतकरी गतवर्षीच्या पीककर्जाच जुनं-नवं करत नसल्यामुळे नूतनीकरणाची गतीदेखील कमी आहे.

पेरणी हंगाम गेला तरी पीक कर्जवाटप नाही
अनेक अडथळे, अडचणींमुळे यंदा शेतकऱ्यांना वेळेवर पीककर्ज मिळाले नाही. उधार उसणवारी, सावकारी कर्ज काढून पेरणी करावी लागली. सुरवातीला जून अखेर पीक कर्जवाटपाचे उद्दिष्ट पूर्ण करण्याचे निर्देश देण्यात आले होते. आता जुलै अखेर उद्दिष्ट पूर्ण करण्याचे सांगण्यात आले आहे. परंतु सद्यस्थितीतील पीक कर्जवाटपाची गती पहाता यंदाचा खरीप हंगाम संपून गेला तरी उद्दिष्ट पूर्ण होण्याची शक्यता दिसत नाही.

इतर बातम्या
स्मार्ट अचिव्हर्स योजनेचे विदर्भातील...पुणे ः राज्यातील स्पर्धा परीक्षेचा अभ्यास...
स्मार्ट अचिव्हर्स योजनेचे वऱ्हाडमधील...पुणे ः राज्यातील स्पर्धा परीक्षेचा अभ्यास...
रिलायन्स विमा कंपनीला पीकविमाप्रकरणी...परभणी ः २०१७ च्या खरीप हंगामात परभणी जिल्ह्यात...
वरुड येथे दूध दरप्रश्नी `स्वाभिमानी`चे...अमरावती   ः स्वाभिमानी शेतकरी संघटनेच्या दूध...
स्मार्ट अचिव्हर्स योजनेतील सहावे बक्षिस...पुणे ः राज्यातील स्पर्धा परीक्षेचा अभ्यास...
साखर कारखान्यांकडे १२ हजार कोटींची...लखनौ ः उत्तर प्रदेशात २०१७-१८ च्या हंगामात...
काेकण, विदर्भात तुरळक ठिकाणी...पुणे : बंगालच्या उपसागरातील कमी दाबाचे क्षेत्र...
आंदोलन होणारचकोल्हापूर/ पुणे : अनेक दूध संघ अगोदरच गायीच्या...
पीककर्ज वितरण केवळ ३० टक्केचपुणे : शेतकऱ्यांना पीककर्ज वाटपात दिरंगाई...
संघांकडून दूध दरात तीन रुपयांची वाढपुणे ः दूध दरावर ताेडगा काढण्यासाठी राज्य सरकारने...
अन्य सस्तनापेक्षा उंदराची विचार...दृष्टी किंवा दृश्यावर आधारीत समस्या सोडविण्यासाठी...
विठ्ठला या सरकारला सुबुध्दी दे !...पंढरपूर, जि. सोलापूर : कर्नाटक व केरळच्या धर्तीवर...
आंदोलन होणार असेल तर, आमचेही कार्यकर्ते...नाशिक : दुधाला दरवाढ दिली असून दूध संघांनी...
पशुखाद्याद्वारेही विषारी घटक शिरताहेत...पर्यावरणामध्ये वाढत असलेल्या सेंद्रिय प्रदूषक...
सातत्याने हेडर्स ठरू शकतात मेंदूसाठी...सध्या विश्वचषकामुळे फुटबॉलचा ज्वर सर्वत्र पसरलेला...
हतनूर धरणाचे १० दरवाजे पूर्णपणे उघडलेजळगाव : भुसावळ व मुक्ताईनगरनजीकच्या तापी नदीवरील...
शेतकऱ्यांना अनुदान तत्त्वावर कामगंध...जळगाव : बोंड अळीचा प्रादुर्भाव रोखण्यासाठी कृषी...
दारणा धरण ५०, तर पुनंद १०० टक्के भरलेइगतपुरी, जि. नाशिक  :  इगतपुरी...
मुंबईला एक थेंबही दूध जाऊ देणार नाहीनाशिक : दुधाला ठरवून दिलेला दर मिळत नसल्याने...
सोलापूर बाजार समिती पदाधिकारी निवड...सोलापूर : सोलापूर कृषी उत्पन्न बाजार समितीच्या...