संत्र्याची झाडे पिवळी पडल्याने बागायतदार चिंतेत

अकोला : मृग बहराने दगा दिल्याने संत्रा उत्पादक कमालीचे अार्थिक अडचणीत अाले अाहेत. या संकटातून सावरत पुढील हंगामाकडे अाशेने पाहत असलेल्या संत्रा उत्पादकांसमोर आता नवीन समस्या उभी राहली अाहे. संत्र्याची झाडे पिवळी पडत असल्याने अागामी बहरावर त्याचा थेट परिणाम होऊ शकतो, असे शेतकरी सांगत अाहेत.

वऱ्हाडात संत्रा पिकाच्या बागा दरवर्षी वाढत अाहेत. शेतकरी एक ठोस व अाश्वासक पीक म्हणून याकडे वळत अाहेत. असे असतानाच इतर पिकांप्रमाणे संत्रा उत्पादकांपुढे अाता विविध अडचणी येत अाहेत. सध्या संत्र्याची नवीन तसेच जुनी झाडे पिवळी पडत अाहेत.

यासंदर्भात शेतकऱ्यांनी डॉ. पंजाबराव देशमुख कृषी विद्यापीठाकडे संपर्क साधला. त्यानंतर विद्यापीठातील तज्ज्ञ डॉ. दिनेश पैठणकर, योगेश इंगळे, तालुका कृषी अधिकारी मंगेश ठाकरे, कृषी सहायक बैरागी यांनी अकोट तालुक्यातील संत्रा बागांना भेटी दिल्या. या वेळी शेतकरी तुळशीराम ईस्तापे, देविदास बुले, गोकुळ लटकुटे, सरपंच संजय ताडे, अशोक ताडे, दादा गायकी, महादेव गावंडे, दीपक अातकड यांच्याकडून तज्ज्ञांनी माहिती घेताना पीक व्यवस्थापनाच्या उपाययोजना सांगितल्या.

गेल्या वर्षीपासून संत्रा उत्पादक शेतकरी सातत्याने संकटांना सामोरे जात अाहेत. कधी बहर फुटतो, तर भाव मिळत नाही अाणि बाजारात भाव मिळाले तर बगीचा फुटत नाही. विमा काढूनही नुकसान भरपाई मिळत नाही. बऱ्याच बागांमध्ये बुरशीजन्य रोगांचा प्रादुर्भाव झालेला आहे. त्यामुळे दिवसेंदिवस व्यवस्थापन खर्च वाढत असल्याचे शेतकरी सांगतात.