agriculture news in marathi, crop become in trobule due to lack of rain, varhad, maharashtra | Agrowon

अकोला, बुलडाणा जिल्ह्यात कमी पावसामुळे पिके अडचणीत
टीम अॅग्रोवन
बुधवार, 4 जुलै 2018

अकोला ः गेल्या काही दिवसांपासून मॉन्सून सक्रिय झालेला असला, तरी सार्वत्रिक पाऊस नसल्याने याही हंगामात मागील वर्षांप्रमाणे पेरण्यांमध्ये तफावत झाल्याचे दिसून येत अाहे. जूनच्या पहिल्या अाठवड्यात पेरणी केलेल्या शेतकऱ्यांची पिके अडचणीत अाल्याची बाब समोर अाली अाहे.

अकोला ः गेल्या काही दिवसांपासून मॉन्सून सक्रिय झालेला असला, तरी सार्वत्रिक पाऊस नसल्याने याही हंगामात मागील वर्षांप्रमाणे पेरण्यांमध्ये तफावत झाल्याचे दिसून येत अाहे. जूनच्या पहिल्या अाठवड्यात पेरणी केलेल्या शेतकऱ्यांची पिके अडचणीत अाल्याची बाब समोर अाली अाहे.

अकोला जिल्ह्यात अकोट, तेल्हारा, तर बुलडाणा जिल्ह्यात देऊळगावराजा, सिंदखेडराजा, लोणार, चिखली, जळगाव जामोद, संग्रामपूर या तालुक्यांतील पेरण्यांची स्थिती दरदिवसाला बिकट होत चालली अाहे. बुलडाणा जिल्ह्यात घाटावरील काही क्षेत्रात उभी पिके सुकत असून शेतकरी पीक वाचविण्यासाठी धडपड करीत अाहेत. सिंचनाची व्यवस्था असलेल्या भागात पिके वाचवण्यासाठी एेन पावसाळ्यात तुषार सिंचनाचा अाधार घ्यावा लागत अाहे. मात्र कोरडवाहू शेतांमधील पिकांसमोरील अडचणी दर दिवसा वाढत अाहेत. असंख्य शेतकऱ्यांना दुबार पेरणीशिवाय पर्याय राहिलेला नाही.

वऱ्हाडात मृग नक्षत्रात पाऊस पडल्यानंतर शेतकऱ्यांनी जूनच्या पहिल्याच अाठवड्यात पेरण्यांना सुरवात केली. त्यानंतर दोन वेळा मध्यम स्वरूपाचा पाऊस झाल्याने पिके उगवली व चांगल्या पद्धतीने ताशी लागली. अाता मात्र पावसामध्ये मोठा खंड पडला अाहे. सिंदखेडराजा, देऊळगावराजा यासह अन्य तालुक्यांत दोन पावसांतील खंड २० ते २५ दिवसांपेक्षा अधिक झाला अाहे. पेरणी करून पिके उगवलेल्या शेतात पावसाअभावी बिकट स्थिती अाहे. जूनमध्ये पाऊस पडल्यानंतर ज्यांनी पहिल्याच टप्प्यात पेरणी केली अशांपैकी अनेकांना दुबार पेरणीला सामोरे जावे लागले. बीटी कपाशी उगवलेली नाही. सोयाबीन, मूग, उडीद ही पिकेही तशीच अधांतरीच अाहे.

सार्वत्रिक अाणि दमदार पाऊस नसल्याने पेरण्यांचे याहीवर्षी टप्पे पडत अाहेत. काही भागांत नियमितपणे पावसाने हजेरी लावल्याने तेथील पेरण्या साधल्या. पिके अाज एक महिना कालावधीची झाली. हे शेतकरी कोळपणीच्या कामात व्यग्र अाहेत. मात्र दुसरीकडे कमी पावसामुळे हजारो हेक्टरवर पेरण्याच होऊ शकलेल्या नाहीत. जमीन तशीच पडून अाहे.

अकोला, बुलडाणा जिल्ह्यात पेरण्यांची टक्केवारी अद्यापही ५०च्या अातच अाहे. प्रामुख्याने बुलडाणासारख्या मोठ्या जिल्ह्यात पेरणीयोग्य लाखो हेक्टर क्षेत्र पडून अाहे. शेतकऱ्यांना दमदार पावसाची प्रतीक्षा कायम अाहे. देऊळगावराजा येथे जून महिन्यात चार दिवस पाऊस झाला असून, तो जून महिन्यातील सरासरीच्या ३०.९ टक्के एवढा कमी अाहे.

सिंदखेडराजामध्येही अशीच स्थिती अाहे. या तालुक्यात सरासरी ४ दिवस पाऊस झाला तर त्याची टक्केवारी ३० अाहे. वऱ्हाडात सर्वात कमी पाऊस संग्रामपूर तालुक्यात अवघा २० टक्के एवढा पडला. या तालुक्यात अवघा चार दिवस पाऊस झाला. हा तालुका दुष्काळी जाहीर झालेला असून, या वर्षी आतापर्यंत पावसाने ओढ दिली अाहे. नांदुरामध्ये ५० टक्के पाऊस झाला असून, तो पाच दिवस पडला. तेल्हारा तालुक्यात ५९ टक्के पाऊस ६ दिवसांत पडला. ही सरासरी भरून निघण्याची अपेक्षा शेतकऱ्यांना लागली अाहे.
 

इतर ताज्या घडामोडी
सूज, जखमांवर काळी अळू उपयुक्त स्थानिक नाव    : काळी अळू...
खानदेशातील पपई पीक अंतिम टप्प्यातनंदुरबार : पपई दरांमध्ये दर आठवड्याला...
जालन्यात कृषिमाल निर्यात केंद्र सुरू जालना : येथील कृषी उत्पन्न बाजार समितीच्या...
कोल्हापूर जिल्ह्यात ट्रॅक्‍टर, पॉवर...कोल्हापूर/गडहिंग्लज : वर्षभराच्या प्रतीक्षेनंतर...
औरंगाबादेत खरबूज प्रतिक्‍विंटल १००० ते...औरंगाबाद : येथील कृषी उत्पन्न बाजार...
विद्यापीठांपेक्षा शेतकरी संशोधनात...सांगली : सध्या विद्यापीठाच्या तंत्रज्ञानापेक्षा...
कृषी सल्ला : पेरू, गहू, हरभरा, डाळिंब,...पेरू - फळमाशीच्या नियंत्रणासाठी प्रतिएकर ४ रक्षक...
कमाल तापमानात वाढ, उन्हाळी हंगामाला...महाराष्ट्रावर १०१२ हेप्टापास्कल इतका कमी हवेचा...
पलटी नांगर, रोटाव्हेटरचे अनुदान वाढणार...जळगाव : जिल्हा परिषदेच्या आगामी अंदाजपत्रकात (...
ढगाळ वातावरणाचा द्राक्ष खरेदीवर परिणामपांगरी, जि. सोलापूर : गेल्या दोन दिवसांपासून...
जमीन अधिग्रहणाला शेतकऱ्यांचा विरोधनाशिक : नाशिक-पुणे रेल्वे लाईनच्या महाराष्ट्र रेल...
तुमच्या आग्रहापुढे मी नाही कसे म्हणू...टेंभूर्णी, जि. सोलापूर : सोलापूर जिल्ह्यातील...
शिराळ्यातील गूळ हंगाम अवघ्या तीन...सांगली ः शिराळा तालुक्यातील दरवर्षी पाच ते साडे...
आठ दिवसांत पूर्ण एफआरपी द्या; अन्यथा...सातारा ः सांगली, कोल्हापूर जिल्ह्यातील साखर...
अडत्यांवरील कारवाईला प्रशासकांचीच...पुणे ः खरेदीदार आणि शेतकऱ्यांकडून नियमबाह्य...
छावण्यांच्या मंजुरीसाठी शिवसेनेचा ठिय्यानगर : जिल्ह्यात पशुधनाला दिलासा देण्यासाठी...
जालन्यातील कृषी माल निर्यात सुविधा...जालना : येथील कृषी उत्पन्न बाजार समितीच्या...
पैठण तालुक्यातील पिकांना अवकाळीचा फटकाचितेगाव, जि. औरंगाबाद : विजेच्या कडकडाट व वादळी...
परभणी जिल्ह्यातील ‘शेतकरी सन्मान निधी’...परभणी ः पंतप्रधान शेतकरी सन्मान निधी...
पाकिस्तान युद्धाच्या तयारीत,...श्रीनगर : काश्‍मीरमधील पुलवामा येथे दहशतवादी...