agriculture news in marathi, crop cultivation stop due to rain, jalgaon, maharashtra | Agrowon

जळगाव जिल्ह्यात सोयाबीन, ज्वारीची कापणी ठप्पच
चंद्रकांत जाधव
रविवार, 15 ऑक्टोबर 2017
 
सोयाबीन, ज्वारीची कापणी रखडली आहे. त्यातच पावसाची भीती आहे. मजूर मिळत नसल्याने हार्वेस्टरला पसंती दिली जात आहे. पण सध्या वाफसा नसल्याने हार्वेस्टरही शेतात काम करू शकत नाहीत. 
- मच्छिंद्र पाटील, शेतकरी, रेल, जि. जळगाव.
जळगाव : जिल्ह्यात मागील आठवड्यात झालेल्या पावसामुळे शेतांमध्ये हवा तसा वाफसा नसल्याने सोयाबीन व ज्वारी कापणीची कामे जवळपास ठप्पच आहेत. त्यातच सोयाबीन काढणीच्या कामासाठी जिल्ह्यात दाखल झालेल्या हार्वेस्टरधारकांनाही रोजगार नसल्याचे चित्र आहे. 
 
कापणीवर आलेल्या सोयाबीनचा कोरडा पाला पावसामुळे गळून गेला आहे. शेंगा ओल्या असून, शेतातही चिखल असल्याने वाफसा नाही. त्यामुळे मजूरही कापणी करू शकत नाहीत. चोपडा, जळगाव, यावल भागांत सोयाबीन अधिक असून, कापणी रखडल्याने नुकसानीची भीतीही वाढत आहे.
 
कापणी झाली असती तर सोयाबीन गोळा करून त्याचे ढीग शेतात लावण्याचेही काम झाले असते. या ढिगांवर ताडपत्री झाकून त्याचा बचाव पावसापासून करणे शक्‍य होते. परंतु कापणीअभावी सोयाबीन शेतात तसाच उभा आहे. थोडा पाऊस आला तरी शेंगांचा दर्जा घसरत आहे. शेंगा फुगून त्यातून कोंब निघण्याची स्थिती सध्या आहेत. त्यातच आता दिवाळीमुळे मजूरही मिळणे दुरापास्त झाले आहे. 
 
जशी सोयाबीनची स्थिती आहे, तशीच स्थिती ज्वारीचीदेखील आहे. ज्वारीदेखील कापणीवर आली आहे. जिल्ह्यात रावेर, यावल, चोपडा, जळगाव, पाचोरा, जामनेर भागात ज्वारी आहे. धरणगाव, रावेर, यावल व चोपडा भागात बेवड म्हणून ज्वारीची पेरणी अधिक केली जाते. परंतु पावसामुळे ज्वारीची कापणीही जवळपास बंदच आहे. मुरमाड, हलक्‍या जमिनींच्या भागात ज्वारीची कापणी करून घेतली जात आहे. 
 
जिल्ह्यात चोपडा, यावल, जळगाव, पाचोरा भागांत अनेक हार्वेस्टरधारक सोयाबीन काढणीसाठी आले आहेत. दिवाळीपूर्वी दरवर्षी ते दाखल होतात. परंतु सध्या वाफसा नसल्याने हार्वेस्टरही शेतात जाऊ शकत नाही. रस्तेही चिखलमय झाले आहेत. हार्वेस्टरने काढणीसाठी पाऊस थांबल्यानंतर किमान १० दिवस कोरड हवी आहे. 

इतर ताज्या घडामोडी
परभणीत भेंडी प्रतिक्विंटल ३००० ते ४०००...परभणी ः पाथरी रस्त्यावरील फळे भाजीपाला...
कोकणात चांगल्या पावसाची शक्यतामहाराष्ट्राच्या उत्तरेकडील भागावर १००४...
ढगाळी वातावरणात द्राक्ष बागेचे...बागेत कमी झालेले तापमान, निघालेल्या बगलफुटीमुळे...
खरीप नियोजन : सोयाबीन उत्पादन वाढीसाठी...सोयबीनच्या झाडाचा पालापाचोळा, अवशेष  जमिनीवर...
नाशिक जिल्ह्यात मेंढपाळांची चारा-...नाशिक : सध्याच्या दुष्काळी परिस्थितीत चारा-...
तिसगाव येथे ऊस वाढ्यांचे भाव...तिसगाव, जि. नगर : ऊस चाऱ्याचे भाव अचानक तिसगाव (...
पुणे झेडपी : भाकड कालावधीत...पुणे : जिल्हा परिषदेच्या अनुसूचित जाती, जमातीच्या...
मराठवाड्यात शेतकऱ्यांना मोठ्या पावसाची...औरंगाबाद : जूनच्या पहिल्या आठवड्यात काही ठिकाणी...
केळी दरप्रश्‍नी रावेर येथे शेतकऱ्यांचा...जळगाव ः केळीची खानदेशात जाहीर दरांनुसारच खरेदी...
मका, हळद, हरभरा किमतीत वाढमक्याच्या बाजारातील स्पॉट किमती सध्या हमी...
पावसाळ्यात टाळा विजेचे धोकेओलसर हातांनी वीज उपकरणे हाताळू नयेत. त्यात...
डाळिंब बागेतील मर रोगाचे नियंत्रणडाळिंब लागवड शक्यतो गादी वाफ्यावर करावी, त्यामुळे...
खानदेशात लाल कांद्याची आवक घटली; दर...जळगाव ः जिल्ह्यातील प्रमुख बाजार, उपबाजारांमध्ये...
नागपूर विभागातील सहा जिल्ह्यांत १२२९...नागपूर ः लागवड ते कापणीपर्यंत तंत्रशुद्ध शेती...
बुलडाणा येथे महिलांनी गिरविले बीज...बुलडाणा ः कृषी विभागाची कृषी तंत्रज्ञान...
येवला तालुक्यात कापूस लागवडीला सुरवातनाशिक : मृग नक्षत्रात पावसाने जिल्ह्यात विविध...
सांगली : शनिवारपासून पीकविमा खात्यात...सांगली ः पीकविमा योजनेअंतर्गत आंबिया बहर...
नगर : खरिपात साडेपाच लाख हेक्‍टरवर...नगर : गतवर्षी पावसाने दडी मारल्याने खरीप, रब्बी...
बीडसाठी भरणार मुळा धरणातून टॅंकरराहुरी, जि. नगर : ‘‘मराठवाड्यातील बीड जिल्ह्याची...
रत्नागिरी जिल्ह्यात पेरणीच्या कामाला वेगरत्नागिरी ः वायू चक्रीवादळाचा परिणाम सलग तिसऱ्या...