agriculture news in marathi, crop insurance | Agrowon

खरीप पीकविमा अर्जांमध्ये त्रुटी
टीम अॅग्रोवन
शुक्रवार, 12 जानेवारी 2018

परभणी : पंतप्रधान पीकविमा योजनेअंतर्गत 2017 च्या खरीप हंगामामध्ये जिल्हा मध्यवर्ती सहकारी बॅंकेने विमा कंपनीकडे पाठविलेले 16 हजार 177 अर्ज त्रुटीमुळे विमा कंपनीने नाकारले होते. त्यापैकी 2 हजार अर्जांतील त्रुटी दुरुस्त करण्याचे काम अद्याप बाकी आहे. त्रुटींची तत्काळ पूर्तता करून परिपूर्ण अर्ज विमा कंपनीकडे पाठविणे आवश्‍यक आहे, अन्यथा अनेक तालुक्‍यांतील शेतकरी विमा नुकसानभरपाई परतावा मिळण्यापासून वंचित राहू शकतात.

परभणी : पंतप्रधान पीकविमा योजनेअंतर्गत 2017 च्या खरीप हंगामामध्ये जिल्हा मध्यवर्ती सहकारी बॅंकेने विमा कंपनीकडे पाठविलेले 16 हजार 177 अर्ज त्रुटीमुळे विमा कंपनीने नाकारले होते. त्यापैकी 2 हजार अर्जांतील त्रुटी दुरुस्त करण्याचे काम अद्याप बाकी आहे. त्रुटींची तत्काळ पूर्तता करून परिपूर्ण अर्ज विमा कंपनीकडे पाठविणे आवश्‍यक आहे, अन्यथा अनेक तालुक्‍यांतील शेतकरी विमा नुकसानभरपाई परतावा मिळण्यापासून वंचित राहू शकतात.

पंतप्रधान पीकविमा योजनेअंतर्गत 2017 च्या खरीप हंगामामध्ये ऑनलाइन विमा प्रस्ताव सादर करणे अनिवार्य करण्यात आले होते. गावागावांतील जनसुविधा केंद्र, विविध बॅंका, वैयक्तिकरीत्या असे विविध प्रकारे विमा प्रस्ताव सादर करण्यात आले. अर्ज सादरकरण्यासाठी दिलेल्या मुदतवाढीच्या घोळात अखेरच्या दिवशी ऑफलाइन अर्जदेखील स्वीकारण्यात आले. जिल्ह्यात रिलायन्स जनरल इन्शूरन्स कंपनीमार्फत खरीप पीकविमा योजना राबविली जात आहे. यंदा जिल्ह्यातील 4 लाख 20 हजार 975 हेक्‍टरवरील मूग, उडीद, तूर, कापूस, सोयाबीन, ज्वारी, बाजरी, सूर्यफूल, भात या नऊ पिकांचा विमा उतरविण्यात आला आहे. शेतकऱ्यांनी एकूण 6 लाख 89 हजार 259 अर्ज विमा कंपनीकडे सादर केले असून, त्यासाठी 31 कोटी 81 लाख रुपये विमा हप्त्याचा भरणा केला आहे. त्याबाबतची माहिती विमा कंपनीने कृषी विभाकडे सादर केलेली आहे.

परंतु जिल्हा मध्यवर्ती सहकारी बॅंकेकडून संबंधित शेतकऱ्यांची माहिती ऑनलाइन अपलोड करत असताना विमा संरक्षित क्षेत्र, पिकांची माहिती अपूर्ण असलेले अर्ज विमा कंपनीकडे पाठविण्यात आले. त्यामुळे डाटामध्ये तफावत येत असल्याचे छाननीदरम्यान आढळून आले. त्यामुळे विमा कंपनीने त्रुटी असलेले 16 हजार 177 विमा अर्ज नाकारत विमा हप्ता बॅंकेला परत करणार असल्याबाबत कृषी विभाग, तसेच राज्यस्तरीय बॅंक समिती (एसएलबीसी) पत्राद्वारे कळविले होते. याचा फटाक विमा योजनेत सहभागी शेतकऱ्यांना बसू नये यासाठी विमा कंपनी आणि जिल्हा बॅंकेच्या अधिकारी यांच्यातील चर्चेनंतर बॅंकेने त्रुटी दुरुस्तीचे काम सुरू केले. परंतु अद्याप सुमारे 2 हजार विमा अर्जांतील त्रुटी दुरुस्तीचे काम बाकी राहिले आहे, असे विमा कंपनीच्या सूत्रांनी सांगितले.

बॅंकेने परिपूर्ण विमा अर्ज तत्काळ विमा कंपनीकडे सादर करावेत, अन्यथा विमा संरक्षण घेतलेले जिल्ह्यातील अनेक तालुक्‍यांतील शेतकरी विमा परताव्याच्या लाभापासून वंचित राहू शकतात. यंदा अवेळी आलेल्या पावसामुळे खरिपातील मूग, उडीद, सोयाबीन, कापूस, ज्वारी, बाजरी आदी पिकांच्या उत्पादनात मोठी घट आली आहे. या परिस्थितीत पीकविमा योजनेत सहभागी झालेल्या शेतकऱ्यांना विमा नुकसानभरपाई परतावा मिळण्याची अपेक्षा आहे. परंतु त्रुटीमुळे अर्ज नाकारल्याचा फटका शेतकऱ्यांना बसू शकतो.

इतर अॅग्रो विशेष
अकोला जिल्हा प्रशासन शेतकऱ्यांना देणार...अकोला ः देशात राबवल्या जात असलेल्या प्रधानमंत्री...
दक्षिण महाराष्ट्रातील कारखान्यांत ८०...सांगली/कोल्हापूर ः साखरेला दर नसल्याने निराश...
सीताफळाच्या योग्य जातींची करा लागवडमहाराष्ट्रात सीताफळाच्या झाडांचे काही नैसर्गिक...
उत्पादकांसाठी बेदाणा गोडसांगली ः यंदाच्या बेदाणा हंगामात बेदाण्याच्या...
केळी दरात किंचित सुधारणाजळगाव ः रावेर, यावलमध्ये केळीची आवक वाढलेली...
मका चार वर्षांतील नीचांकी पातळीवरनवी दिल्ली ः बजारात मका आवक वाढल्यांतर मागणी कमी...
कामाच्या अतिरिक्त ताणामुळे पणन संचालक...पुणे ः पणन संचालकपदी पूर्णवेळ नियुक्ती असताना...
​​राज्य सरकार राबविणार मधुमक्षिका मित्र...पुणे : शहरी भागात मधुमक्षिकांचे पोळे दिसले, की ते...
ग्रामस्वच्छता अभियानात प्रभाग, गटातून...नगर ः ग्रामीण भागात स्वच्छतेची व्यापी...
केसर आंबा पाडाला आलाय...औरंगाबाद : आपली चव, गंध आणि रूपाने ग्राहकांना...
बदल्या समुपदेशनानेच...पुणे : राज्याच्या कृषी विभागात समुपदेशनाने बदल्या...
अरबी समुद्रात चक्रीवादळाचे संकेतपुणे : ‘सागर’ चक्रीवादळापाठोपाठ अरबी समुद्रात...
पाणलोट, मृदसंधारण घोटाळ्याचा पर्दाफाशपुणे : कृषी खात्यातील पाणलोट व मृदसंधारण...
ब्राझील, थायलंडचा यंदा इथेनॉलकडे वाढता...कोल्हापूर : आंतरराष्ट्रीय बाजारात सर्वत्रच...
बारमाही भाजीपाला शेतीला नर्सरी...ब्राह्मणगाव (जि. नाशिक) येथील केवळ वाघ पूर्वी...
सुधारित तंत्राची मिळाली गुरुकिल्लीअकोला जिल्ह्याचे मुख्य उन्हाळी पीक कांद्याची...
भाराभर चिंध्या राज्यात १२७ वा पशुसंवर्धन दिन नुकताच साजरा...
मथुरेचं दूध का नासलं?राज्यात मे महिन्याचे तापमान यंदा नैसर्गिक आणि...
चिमुरड्याच्या कॅमेऱ्यात कैद आनंदी शेतकरीआपल्याकडील शेतकरी आनंदी असू शकतो का? उत्तर...
‘अ’तंत्र निकेतनपुरेसा अभ्यास आणि तयारीअभावी, यंत्रणेचा विरोध...