Agriculture news in marathi, Crop insurance, Sangli District | Agrowon

नऊ तालुक्‍यांतील शेतकरी पीकविम्यापासून वंचित
अभिजित डाके
सोमवार, 11 सप्टेंबर 2017

सांगली ः पंतप्रधान पीकविमा योजनेचा लाभ घ्यावा, असा दिंडोरा शासनाने पिटला आहे. जिल्ह्यातील १ लाख ८१ हजार शेतकऱ्यांनी विमा भरला होता. त्यापैकी केवळ पलूस तालुक्‍याला ७ लाख ५९ हजार रुपयांची मदत मिळाली. शासनाच्या या घोळामुळे जिल्ह्यातील नऊ तालुक्‍यांतील शेतकरी या योजनेपासून वंचित आहेत.

सांगली ः पंतप्रधान पीकविमा योजनेचा लाभ घ्यावा, असा दिंडोरा शासनाने पिटला आहे. जिल्ह्यातील १ लाख ८१ हजार शेतकऱ्यांनी विमा भरला होता. त्यापैकी केवळ पलूस तालुक्‍याला ७ लाख ५९ हजार रुपयांची मदत मिळाली. शासनाच्या या घोळामुळे जिल्ह्यातील नऊ तालुक्‍यांतील शेतकरी या योजनेपासून वंचित आहेत.

या नऊ तालुक्‍यांतील शेतकऱ्यांना या योजनेचा लाभ देण्यासाठी शासन स्तरावरील कोणत्याच अधिकाऱ्यांनी तसदी घेतली नसल्याचे शेतकऱ्यांचे म्हणणे आहे. यामुळे शासन आणि पीकविमा कंपनीच्या गोंधळामुळे शेतकरी त्रस्त झाले आहेत. यामुळे आतातरी आम्हाला गेल्या वर्षीच्या पीकविम्याची रक्कम मिळणार का? असा सवाल उपस्थित होऊ लागला आहे.

शासनाने पंतप्रधान पीकविमा योजनेअंतर्गत गतवर्षीच्या खरीप हंगामातील पीकविम्याची नुकसानभरपाई देण्यास सुरवात केली आहे. त्यातही गोंधळ असून यापूर्वी संपूर्ण जिल्ह्यासाठी एकरकमी, एका वेळी येणारी भरपाई या वेळी हप्त्याने मिळणार आहे.

जिल्ह्यातील १ लाख ८१ हजार शेतकऱ्यांनी विमा उतरविला होता. ७९ कोटी १७ लाख ९१ हजार रुपयांचा विमा हप्ता भरला होता, त्यांची संरक्षित रक्कम २४८ कोटी २ लाख ८९ हजार रुपये होती. पलूस तालुक्‍यासाठी रक्कम प्राप्त झाली आहे. या तालुक्‍यातील तेराशे दोन शेतकऱ्यांनी गतवर्षी खरीप पिकांचा विमा उतरवला. यासाठी त्यांची विमा संरक्षित रक्कम २ कोटी २४ लाखांची होती, यासाठी त्यांनी शेतकऱ्यांनी ७ लाख ५९ हजार तर केंद्र व राज्य शासनाने प्रत्येकी ३१ लाख ५१ हजार असा एकूण ६७ लाख पन्नास हजार रुपयांचा विमा हप्ता भरला होता; मात्र या तालुक्‍यातील १२८० शेतकऱ्यांना भरपाईचा लाभ मिळणार आहे.

त्यांची विमा संरक्षित रक्कम ४ कोटी ४८ लाख रुपये आहे; मात्र शेतकऱ्यांना प्रत्यक्षात ७ लाख ५९ हजार रुपये भरपाई मंजूर झाली आहे. विमा कंपनीने ही रक्कम जिल्हा बॅंकेला दिली होती. ती बॅंकेने संबंधित शेतकऱ्यांच्या खात्यावर वर्ग केली आहे. मात्र पलूससारख्या सधन तालुक्‍यातील शेतकऱ्यांची नुकसानभरपाई प्राप्त झाली आहे.

पीकविम्याची रक्कम द्या; अन्यथा उद्रेक
दुष्काळी टापूतील जत, कवठेमहांकाळ, आटपाडी, तासगाव, खानापूर तालुक्‍यातील शेतकरी पीकविमा कधी मिळणार आहे, याची चौकशी संबंधित विभागाकडे सातत्याने करत आहेत. कडेगाव, वाळवा, शिराळा, मिरज तालुक्‍यातील शेतकऱ्यांना भरपाई मिळाली नाही. संबंधित विभागाने तातडीने पीकविम्याची रक्कम शेतकऱ्यांच्या खात्यावर वर्ग करावी; अन्यथा उद्रेक केला जाईल, अशी भूमिका शेतकऱ्यांनी घेतली आहे.

मी गेल्या अनेक वर्षांपासून पीकविमा भरतोय. पीकविम्याची रक्कमही मिळाली; मात्र गेल्या दोन वर्षांत पीकविमा योजनेचा लाभच मिळाला नाही.
- विठ्ठल चव्हाण,
डफळापूर, ता. जत, जि. सांगली

इतर ताज्या घडामोडी
अब आया उंट पहाड के निछे; राजू शेट्टींचा...सोलापूर : शेतकऱ्यांच्या दूध दराच्या प्रश्‍...
सरकार रिलायन्स, पतंजलीच्या दुधाची वाट...नागपूर : एकीकडे समाधानकारक पाऊस पडत असताना...
शेतकऱ्यांच्या प्रश्नावर काँग्रेस-...नागपूर : कधी देणार कधी देणार...कापूस, धानाला...
पीक सल्ला१६ जुलै ते ३१ जुलैपर्यंत पेरणी लांबल्यास संकरीत...
खानदेशात दूध आंदोलनास अल्प प्रतिसादजळगाव ः खानदेशात कुठेही दूध आंदोलनाला उग्र स्वरुप...
संत गजानन महाराज पालखीचे सोलापुरात...सोलापूर : पावसाच्या संततधार सरी झेलत ‘गण गण गणात...
रस्त्यावर दूध ओतून शासनाचा निषेधसांगली ः दूध दरवाढीच्या स्वाभिमानी शेतकरी...
दूध दरप्रश्नी तारसा फाटा येथे आंदोलननागपूर  ः दूध उत्पादकांना प्रतिलिटर पाच...
पुणे जिल्ह्यात दूध दरप्रश्नी आंदोलनपुणे  ः  दूध दरप्रश्‍नी स्वाभिमानी...
दूध दरप्रश्‍नी वऱ्हाडात आंदोलनअकोला   ः दूध उत्पादकांना प्रतिलिटर पाच...
मराठवाड्यात विविध ठिकाणी दूध संकलन बंदऔरंगाबाद : दूध दरावरून पुकारल्या आंदोलनाच्या...
नगर जिल्ह्यात दूध संकलन बंदनगर  : दूध दरप्रश्नी स्वाभिमानी शेतकरी...
केनियात आढळल्या पिवळ्या वटवाघळांच्या...केनियामध्ये पिवळ्या रंगाच्या वटवाघळांच्या जनुकीय...
सातारा जिल्ह्यात दूध दर आंदोलनास मोठा...सातारा   ः स्वाभिमानी शेतकरी संघटनेने दुधाला...
झाडांच्या संवर्धनामध्ये हवामान बदलासोबत...तापमानवाढीमुळे अधिक उंचीकडे किंवा उत्तरेकडे...
नागपूर, गडचिरोलीत संततधारनागपूर  : हवामान विभागाने विदर्भात सोमवारी (...
मराठवाड्यातील २४५ मंडळांत पावसाची रिपरिपऔरंगाबाद : मराठवाड्यातील ४२१ मंडळांपैकी जवळपास...
पुणे जिल्ह्यात दमदार पाऊसपुणे   : जिल्ह्यात पावसाने दमदार हजेरी लावली...
अकोले तालुक्यात पावसाचा जोर कायमनगर   ः अकोले तालुक्याच्या पश्चिम भागात...
नांदेड, परभणी, हिंगोलीतील २६...नांदेडः नांदेड, परभणी, हिंगोली जिल्ह्यांतील २६...