agriculture news in marathi, crop loan distribution issue, jalgaon, maharashtra | Agrowon

जळगावमधील अनेक भागांत राष्ट्रीयीकृत बॅंकांकडून पीककर्ज वितरण बंद
टीम अॅग्रोवन
गुरुवार, 21 जून 2018

जळगाव  ः जिल्ह्यात जिल्हा मध्यवर्ती सहकारी बॅंकेने पीककर्ज वितरणाची गती वाढविली आहे. परंतु राष्ट्रीयीकृत बॅंकांनी मात्र जिल्हाधिकाऱ्यांच्या नोटिशीनंतरही पीककर्ज वितरणाची गती संथच ठेवली आहे. कहर म्हणजे अनेक भागात राष्ट्रीयीकृत बॅंकांमध्ये सध्या पीककर्ज वितरण बंद केले आहे.

जळगाव  ः जिल्ह्यात जिल्हा मध्यवर्ती सहकारी बॅंकेने पीककर्ज वितरणाची गती वाढविली आहे. परंतु राष्ट्रीयीकृत बॅंकांनी मात्र जिल्हाधिकाऱ्यांच्या नोटिशीनंतरही पीककर्ज वितरणाची गती संथच ठेवली आहे. कहर म्हणजे अनेक भागात राष्ट्रीयीकृत बॅंकांमध्ये सध्या पीककर्ज वितरण बंद केले आहे.

जे नवे प्रस्ताव पीक कर्जासाठी ग्रामीण भागातील राष्ट्रीयीकृत बॅंकांमध्ये येत आहे. ते सपशेल नाकारून जिल्हास्तरावर कृषी विकास शाखेत जा, बॅंकेतील कृषी अधिकाऱ्यांना भेटा, अशी उत्तरे बॅंकेचे व्यवस्थापक देत आहेत. यामुळे शेतकऱ्यांना वणवण फिरावे लागत आहे. मागील आठवड्यात आठ टक्के पीक कर्जवाटप राष्ट्रीयीकृत बॅंकांनी केले होते. ही बाब लक्षात घेता जिल्हाधिकारी किशोर राजेनिंबाळकर यांनी बॅंकांना नोटीस बजावली होती. यानंतरही कर्ज वितरण गतीने सुरू नाही.

नव्या आठवडा अर्धा संपत आला तरी पीक कर्ज वितरण फक्त १५ टक्‍क्‍यांपर्यंत राष्ट्रीयीकृत बॅंकांनी गाठले आहे. जिल्ह्यात आतापर्यंत सुमारे ५५५ कोटी रुपये कर्जवाटप झाले असून, हे प्रमाण निश्‍चित पीककर्ज वितरण उद्दिष्टाच्या सुमारे २२ टक्के आहे. सर्वाधिक पीककर्ज वितरण जळगाव जिल्हा मध्यवर्ती सहकारी बॅंकेने केले आहे. या बॅंकेने सुमारे ४४ हजार सभासदांना पीककर्ज वितरण केले आहे. नेमके किती कर्ज जिल्हा बॅंकेने दिले, याची माहिती जिल्हा प्रशासनाकडून मिळू शकली नाही.

परंतु जिल्हा बॅंकेने एकूण उद्दीष्टाच्या ३९ टक्‍क्‍यांपर्यंत कर्ज वितरण केले आहे. जिल्हा बॅंक पीक कर्ज वितरणाचे उद्दिष्ट लवकरच पूर्ण करेल, असे सांगण्यात आले. राष्ट्रीयीकृत बॅंकांनी सुमारे १२ हजार शेतकरी सभासदांना सुमारे १३८ कोटी रुपयांचे कर्ज वितरण केले आहे. हे प्रमाण एकूण उद्दिष्टाच्या सुमारे १५ टक्केच असल्याची माहिती मिळाली.

भडगाव, पाचोरा, जळगाव, चोपडा, यावल, चाळीसगाव, अमळनेर भागातील राष्ट्रीयीकृत बॅंकांना सभासदांना पीककर्ज वितरणासंबंधी आडकाठी करीत आहेत. सर्च रिपोर्ट व इतर कागदपत्रांची मागणी करीत आहेत. यंदा कागदपत्रांसाठी अधिकची वणवण शेतकऱ्यांना करावी लागत असल्याचे सांगण्यात आले. यातच अनेक शाखांमध्ये पीककर्ज वितरण बंद केले आहे. त्यामुळेदेखील पीककर्ज वितरणाची टक्केवारी फारशी वाढलेली नसल्याचे चित्र आहे.

इतर ताज्या घडामोडी
कृषी सल्ला : पेरू, गहू, हरभरा, डाळिंब,...पेरू - फळमाशीच्या नियंत्रणासाठी प्रतिएकर ४ रक्षक...
कमाल तापमानात वाढ, उन्हाळी हंगामाला...महाराष्ट्रावर १०१२ हेप्टापास्कल इतका कमी हवेचा...
पलटी नांगर, रोटाव्हेटरचे अनुदान वाढणार...जळगाव : जिल्हा परिषदेच्या आगामी अंदाजपत्रकात (...
ढगाळ वातावरणाचा द्राक्ष खरेदीवर परिणामपांगरी, जि. सोलापूर : गेल्या दोन दिवसांपासून...
जमीन अधिग्रहणाला शेतकऱ्यांचा विरोधनाशिक : नाशिक-पुणे रेल्वे लाईनच्या महाराष्ट्र रेल...
तुमच्या आग्रहापुढे मी नाही कसे म्हणू...टेंभूर्णी, जि. सोलापूर : सोलापूर जिल्ह्यातील...
शिराळ्यातील गूळ हंगाम अवघ्या तीन...सांगली ः शिराळा तालुक्यातील दरवर्षी पाच ते साडे...
आठ दिवसांत पूर्ण एफआरपी द्या; अन्यथा...सातारा ः सांगली, कोल्हापूर जिल्ह्यातील साखर...
अडत्यांवरील कारवाईला प्रशासकांचीच...पुणे ः खरेदीदार आणि शेतकऱ्यांकडून नियमबाह्य...
छावण्यांच्या मंजुरीसाठी शिवसेनेचा ठिय्यानगर : जिल्ह्यात पशुधनाला दिलासा देण्यासाठी...
जालन्यातील कृषी माल निर्यात सुविधा...जालना : येथील कृषी उत्पन्न बाजार समितीच्या...
पैठण तालुक्यातील पिकांना अवकाळीचा फटकाचितेगाव, जि. औरंगाबाद : विजेच्या कडकडाट व वादळी...
परभणी जिल्ह्यातील ‘शेतकरी सन्मान निधी’...परभणी ः पंतप्रधान शेतकरी सन्मान निधी...
पाकिस्तान युद्धाच्या तयारीत,...श्रीनगर : काश्‍मीरमधील पुलवामा येथे दहशतवादी...
कृषी सल्ला : वाल, आंबा, काजू, नारळ,...वाल काढणी अवस्था वाल पिकाची काढणी जसजशा शेंगा...
तेल्हारा, अकोट तालुक्यांत अवकाळी पाऊस;...अकोला : जिल्ह्यात तेल्हारा, अकोट तालुक्यांत...
ढगाळ वातावरणामुळे शेतकरी चिंतेत जळगाव : मागील दोन-तीन दिवसांपासून खानदेशात ढगाळ,...
अमरावती जिल्ह्यात सव्वालाख शेतकऱ्यांची...अमरावती : पंतप्रधान किसान सन्मान योजनेतील दोन...
माथाडी कामगारांच्या आंदोलनामुळे गूळ...कोल्हापूर ः माथाडी कामगारांनी जादा वेळ काम...
जायकवाडी पाटबंधारे विभाग क्रमांक...परभणी ः परभणी येथील जायकवाडी पाटबंधारे विभाग...