agriculture news in marathi, Crop loan distribution slowly | Agrowon

मराठवाड्यात पीककर्ज वितरण कासवगतीने
टीम अॅग्रोवन
शुक्रवार, 22 जून 2018

औरंगाबाद : आढावा बैठकींचा सपाटा, काही ठिकाणी मेळावे घेऊन शेतकऱ्यांना खरिपासाठी कर्जवाटप केले जात असून त्याच्या गतीत समाधानकारक सुधारणा झाल्याचे दिसत आहे. मराठवाड्यातील औरंगाबाद, जालना, परभणी व हिंगोली या चार जिल्ह्यांतील कर्जवाटपाचा टक्‍का पाहता एकीकडे शेतकऱ्यांची वर्षभरापासून सुरू असलेली कर्जमाफी आणि दुसरीकडे बॅंकांची कर्जवाटपाची कासवगती यामुळे शेतकरी वर्ग हतबल झाला आहे.

औरंगाबाद : आढावा बैठकींचा सपाटा, काही ठिकाणी मेळावे घेऊन शेतकऱ्यांना खरिपासाठी कर्जवाटप केले जात असून त्याच्या गतीत समाधानकारक सुधारणा झाल्याचे दिसत आहे. मराठवाड्यातील औरंगाबाद, जालना, परभणी व हिंगोली या चार जिल्ह्यांतील कर्जवाटपाचा टक्‍का पाहता एकीकडे शेतकऱ्यांची वर्षभरापासून सुरू असलेली कर्जमाफी आणि दुसरीकडे बॅंकांची कर्जवाटपाची कासवगती यामुळे शेतकरी वर्ग हतबल झाला आहे.

चार जिल्ह्यांत जूनच्या पहिल्या दोन आठवड्याअखेर केवळ ८.१७ टक्‍के म्हणजेच ३९४ कोटी ९५ लाख १६ हजार रुपयांचेच प्रत्यक्ष कर्जवाटप करण्यात आले आहे. शासनाला शेतकऱ्यांचे उत्पन्न दुप्पट करायचे आहे. त्यासाठी वेगवेगळ्या घोषणा तसेच थेट पंतप्रधानांनी शेतकऱ्यांशी संवाद साधण्यापर्यंतचे उपक्रम हाती घेतले जात आहेत. उत्पन्न दुप्पट करावयाचे असल्यास शेतीची सारी कामे वेळेत होणे आवश्‍यक आहे. त्यासाठी शेतकरीही आर्थिकदृष्ट्या सक्षम असणे क्रमप्राप्त आहे. परंतु, सातत्याने नैसर्गिक आपत्तीमुळे शेतकरी आर्थिकदृष्ट्या कमी पडत असल्याचे चित्र आहे.

दुसरीकडे शासनाने जवळपास वर्षभरापूर्वी कर्जमाफीची घोषणा केली. लाखो शेतकऱ्यांना कर्जमाफी मिळाली असून उर्वरित शेतकऱ्यांना त्याचा लाभ देणे सुरूच असल्याचे शासनाकडून सांगण्यात येते. परंतु, शासानाचा कर्जमाफीचा लाभ मिळालेले शेतकरी व नव्याने कर्जवाटप झालेल्या शेतकऱ्यांच्या संख्येचा मेळ मात्र बसत नसल्याचे चित्र आहे. यामागचे कारणही स्पष्ट होत कर्जमाफीत असलेल्या शेतकऱ्यांच्या पुन्हा नव्याने कर्ज मिळविण्यासाठी विविध बॅंक शाखांच्या चकरा सुरू आहेत.

मराठवाड्यातील औरंगाबाद, जालना, परभणी व हिंगोली या चार जिल्ह्यांतील जिल्हा सहकारी, व्यापारी व ग्रामीण बॅंकांना येत्या खरिपासाठी ४ हजार ८३२ कोटी ५३ लाख  ६० हजार रुपयांचे पीककर्ज वाटपाचे उद्दिष्ट देण्यात आले आहे. त्यापैकी जूनच्या पहिल्या दोन आठवड्याअखेर केवळ ८.१७ टक्‍के म्हणजेच ३९४ कोटी ९५ लाख १६ हजार रुपयांचेच प्रत्यक्ष कर्जवाटप करण्यात आले आहे. चारही जिल्ह्यांतील ७२ हजार ५७ शेतकरी सभासदांनाच प्रत्यक्ष कर्ज मिळाले आहे.

गतवर्षी हेच कर्जवाटप ६३९ कोटी १० लाख ४० हजार इतके झाले होते. उद्दिष्टाच्या तुलनेत औरंगाबाद जिल्ह्यात १२. ०७, जालना जिल्ह्यात  १०.६८, परभणी जिल्ह्यात ५.६३ तर हिंगोली जिल्ह्यात केवळ ४.१२ टक्‍केच कर्जवाटप झाले आहे. चारही जिल्ह्यांतील बॅंकनिहाय कर्जवाटपाचे अवलोकन करता जिल्हा मध्यवर्ती सहकारी बॅंकांनी ११.४५, व्यापारी बॅंकांनी ४.६८ तर ग्रामीण बॅंकेने २२.८५ टक्‍के उद्दिष्टपूर्ती केली आहे.

जिल्हानिहाय कर्ज मिळालेल्या शेतकऱ्यांची संख्या

औरंगाबाद    २४,४५१
जालना  २८,१९९
परभणी  १२,५२५
हिंगोली  ६८८२

जिल्हा    उद्दिष्ट    पूर्ती

औरंगाबाद  ११५९ कोटी ४८ लाख ७० हजार  १३९ कोटी ९१ लाख ९२ हजार
जालना  १२४३ कोटी ६० लाख ७८ हजार    १३२ कोटी ७८ लाख १२ हजार
परभणी  १४७० कोटी ४४ लाख १२ हजार ८२ कोटी ७४ लाख ४० हजार
हिंगोली     ९५९ कोटी  ३९ कोटी ५० लाख ७२ हजार

 

 

 

इतर ताज्या घडामोडी
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...
खानापूर घाटमाथ्यावर तीव्र पाणीटंचाई सांगली  : घाटमाथ्यावर पावसाने ओढ दिली आहे....
नगर जिल्ह्यात साडेसहा लाख हेक्‍टरवर...नगर  ः जिल्ह्यात रब्बी हंगामात सहा लाख ५२...
कौशल्यावर आधारित उपक्रम ‘रयत’मध्ये सुरू...सातारा  ः केवळ पुस्तकी नव्हे तर कौशल्यावर...
नियमित कर्ज भरणाऱ्या शेतकऱ्यांचा अकोला...अकोला  ः नियमित कर्जाची परतफेड करणाऱ्या...
सांगली जिल्ह्यात पाणीप्रश्‍न पेटण्याची...सांगली  : पावसाने दिलेली उघडीप आणि पावसाळा...
अकोला, बुलडाण्यात सर्वदूर पाऊसअकोला   ः वऱ्हाडातील अकोला, बुलडाणा या...
सावधान... अल्झायमर आला उंबरठ्यावर ! कोल्हापूर : मंगळवार पेठेतल्या विठ्ठल मंदिरात रोज...
परभणीत हिरवी मिरची प्रतिक्विंटल ६०० ते...परभणी ः येथील जुना मोंढा भागातील फळे-भाजीपाला...
भातावरील तुडतुडे प्रादुर्भावाकडे...सध्या खरीप हंगामातील भात पीक बहुतेक ठिकाणी...
कमी तीव्रतेच्या वणव्यांचाही मातीच्या...कमी तीव्रतेचे वणवे किंवा मर्यादित प्रमाणात...
ढगाळ वातावरणाने खानदेशात सोयाबीन मळणीला...जळगाव : खानदेशातील धुळे, नंदुरबार व जळगाव...
माळेगावकरांचा औद्योगिक वसाहतीच्या...नाशिक : माळेगाव औद्योगिक वसाहतीच्या टप्पा क्रमांक...
परभणीत व्यापाऱ्यांचे असहकार आंदोलन सुरूचपरभणी ः परभणी कृषी उत्पन्न बाजार समितीअंतर्गत...
सांगली जिल्ह्यात द्राक्ष क्षेत्रात वाढसांगली  ः दर्जेदार द्राक्ष उत्पादनासाठी...
धुळे, जळगाव जिल्ह्यांतील पैसेवारी चुकीचीजळगाव   ः धुळे व जळगाव जिल्ह्यांत हवा तसा...
नैसर्गिक आपत्तीत यवतमाळमधील ६२ हजार...यवतमाळ   ः जिल्ह्यात या वर्षी आलेल्या...
पुणे जिल्‍ह्यात पावसाच्या हलक्या ते...पुणे : पावसाच्या मोठ्या खंडानंतर जिल्ह्याच्या...
नगर जिल्ह्यावर दुष्काळाचे सावटनगर  ः जिल्ह्यात आतापर्यंत सरासरी फक्त ६५.५५...