agriculture news in marathi, crop loan distribution status, akola, maharashtra | Agrowon

अकोला जिल्ह्यात २० टक्क्यांपर्यंत पीककर्ज वितरण
टीम अॅग्रोवन
मंगळवार, 21 मे 2019

अकोला :  आगामी खरीप हंगामासाठी जिल्ह्यात पीक कर्जवाटप सुरू झाले आहे. आतापर्यंत १३९८ कोटी उद्दिष्टाच्या तुलनेत जेमतेम २० टक्क्यांपर्यंत पीककर्ज वितरित करण्यात आले. यात जिल्हा मध्यवर्ती सहकारी बँकेची आघाडी असून राष्ट्रीयीकृत, खासगी तसेच ग्रामीण बँकांच्या शाखांची कामगिरी मात्र अद्यापपर्यंत तितकीशी समाधानकारक झालेली नसल्याचे दिसून येत आहे. या बँका पीक कर्जवाटपात पिछाडीवर पडलेल्या आहेत.

अकोला :  आगामी खरीप हंगामासाठी जिल्ह्यात पीक कर्जवाटप सुरू झाले आहे. आतापर्यंत १३९८ कोटी उद्दिष्टाच्या तुलनेत जेमतेम २० टक्क्यांपर्यंत पीककर्ज वितरित करण्यात आले. यात जिल्हा मध्यवर्ती सहकारी बँकेची आघाडी असून राष्ट्रीयीकृत, खासगी तसेच ग्रामीण बँकांच्या शाखांची कामगिरी मात्र अद्यापपर्यंत तितकीशी समाधानकारक झालेली नसल्याचे दिसून येत आहे. या बँका पीक कर्जवाटपात पिछाडीवर पडलेल्या आहेत.

जून महिना सुरू होण्यास आता अवघे दहा दिवस राहिले आहेत. जूनच्या पहिल्या आठवड्यात पाऊस आल्यास शेतकरी पेरणीच्या कामांना सुरवात करू शकताे. अशा स्थितीत शेतीच्या कामांसाठी, बियाणे, खतांच्या खरेदीसह मशागतीसाठी पैशांची मोठी गरज शेतकऱ्यांना आहे. यासाठी बँकांकडून दिले जाणारे पीककर्ज हाच एक मोठा पर्याय आहे.

या हंगामासाठी जिल्ह्यात १३९८ कोटींचा पीककर्ज वितरणाचा लक्षांक आहे. आजवर १८८ कोटी ७१ लाख रुपये म्हणजेच एकूण कर्जाच्या तुलनेत १९ टक्केच पीक कर्जवाटप झाले. २१ हजार ८३३ शेतकऱ्यांना हे पीककर्ज मिळाले आहे. यात प्रामुख्याने जिल्हा मध्यवर्ती सहकारी बँकेने १९ हजार ६९६ शेतकऱ्यांना १६४ कोटी ७१ लाखांचे पीक कर्जवाटप केले. राष्‍ट्रीयीकृत बँकांना ५२० कोटी ७९ लाखांचे पीककर्ज वितरणाचे उद्दिष्ट असताना आजवर केवळ १० कोटी ४२ लाख रुपयांचे कर्जवाटप झाले आहे. खासगी बँकांनीही ५९ कोटींचे पीक कर्जवाटपाचे उद्दिष्ट असताना केवळ ४७६ शेतकऱ्यांना ६ कोटी ८८ लाख रुपयांचे पीककर्ज दिले आहे. ग्रामीण बँकेला १३९ कोटींचा पीक कर्जवाटपाचा लक्ष्यांक असताना केवळ ६ कोटी ७१ लाख रुपये वितरित करण्यात आले आहे. 

थकबाकीदारांचा प्रश्न
गेल्या हंगामात तसेच त्यापूर्वी पीककर्ज काढलेले व ते भरणा न करू शकलेले हजारो शेतकरी थकबाकीदार असल्याचे सांगितले जाते. या शेतकऱ्यांना येत्या हंगामासाठी पीककर्ज मिळण्याची चिन्हे नाहीत. त्यामुळे जिल्ह्यासाठी खरिपात घेतलेला १३९८ कोटींचा लक्ष्यांक कसा पूर्ण होईल, हा पेच आहे. शिवाय गेल्या हंगामात तर पीक कर्जवाटपाची टक्केवरी केवळ ३१ टक्केच राहिली होती. अशा स्थितीत या वेळी १०० टक्के कर्ज वाटपापर्यंत पोचण्यासाठी आतापासूनच बँकांकडून सकारात्मक पावले उचलण्याची गरज आहे.

इतर ताज्या घडामोडी
फ्लॉवर, पापडी, घेवड्याच्या दरात १०...पुणे : गुलटेकडी येथील कृषी उत्पन्न बाजार...
मराठवाड्यात दूध संकलनात ९८ हजार लिटरने...औरंगाबाद : मराठवाड्यातील दुग्धोत्पादनाला घरघर...
ऊस बिलावरून शेतकरी आक्रमकनाशिक  : वसंतदादा सहकारी साखर कारखाना...
येवला, देवळा, मालेगाव, सटाणा तालुक्यात...नाशिक : जिल्ह्यात शनिवारी (ता. २२) पावसाला सुरवात...
संत श्री तुकाराम महाराज पालखी सोहळ्याचे...देहू, जि. पुणे  ः आषाढी वारीसाठी संत श्री...
पृथ्वीराज चव्हाण यांनी केली...कऱ्हाड, जि. सातारा  ः माजी मुख्यमंत्री आमदार...
अकोट तालुक्यातील केळी बागांना वादळी...अकोला  ः आधीच नैसर्गिक संकटांनी त्रस्त...
नगर जिल्ह्यातील अकरा महसूल मंडळात...नगर  ः जिल्ह्यातील सर्वच भागांत पावसाने...
शेतकऱ्यांना अडवणाऱ्यांना शिवसेना...नगर   ः विमा योजनेत घोटाळा झाला...
नाचणी प्राक्रियेत संधीनाचणी हे पीक आरोग्याच्या दृष्टीने अत्यंत...
बीबीएफ तंत्रज्ञानानेच पेरणी, विश्वी...बुलडाणा ः येत्या हंगामात बीबीएफ तंत्रज्ञानाने...
सांगली जिल्ह्यात १८३ गावांना टँकरने...सांगली : जून महिना सुरू होऊन दुसरा आठवडा संपला...
जळगाव जिल्ह्यातील प्रकल्प कोरडे...जळगाव  ः खानदेशात सिंचन प्रकल्पांमध्ये मिळून...
आषाढी वारीत शासकीय महापूजेचा वेळ...सोलापूर : आषाढी एकादशी दिवशीची श्री विठ्ठल-रुक्‍...
जळगाव बाजार समितीत व्यापारी संकुलावरून...जळगाव  : कृषी उत्पन्न बाजार समितीमध्ये...
वऱ्हाडात महाबीज बियाणे मिळण्यापूर्वी...अकोला ः राष्ट्रीय अन्न सुरक्षा मोहीम व ग्राम...
सातारा : जिल्हाधिकारी कार्यालयात...सातारा  : टेंभू उपसा सिंचन योजनेतून खटाव...
मंगळवेढा बाजार समितीत वांग्याला राज्यात...मंगळवेढा जि. सोलापूर : मंगळवेढा येथील कृषी...
नांदेड, परभणी, हिंगोलीत पाऊसनांदेड : नांदेड, परभणी, हिंगोली जिल्ह्यातील ९८...
पाऊस लांबल्याने आता कोणते पीक घ्यावे?...नगर : मॉन्सून लांबल्याने आता खरीप पिकांत बदल...