agriculture news in marathi, crop loan distribution status, pune, maharashtra | Agrowon

पुणे जिल्ह्यात खरिपात ६९ टक्के पीक कर्जवाटप
टीम अॅग्रोवन
शनिवार, 20 ऑक्टोबर 2018

पुणे ः यंदा पाऊस वेळेवर न झाल्याने शेतकऱ्यांकडून पीक कर्ज उचलीचे प्रमाण कमी झाले आहे. पुणे जिल्हा मध्यवर्ती सहकारी बँकेने उद्दीष्टाच्या १६९८ कोटी ४२ लाख रुपयांपैकी ११८१ कोटी ८ लाख रुपये म्हणजेच ६९ टक्के पीक कर्जवाटप केले आहे. खरिपासाठी बँकेने ठेवलेल्या पीक कर्जवाटप उद्दीष्टाच्या तुलनेत प्रत्यक्ष कर्जवितरणात ५१७ कोटी ३४ लाख रुपयांनी घट झाल्याचे चित्र आहे.

पुणे ः यंदा पाऊस वेळेवर न झाल्याने शेतकऱ्यांकडून पीक कर्ज उचलीचे प्रमाण कमी झाले आहे. पुणे जिल्हा मध्यवर्ती सहकारी बँकेने उद्दीष्टाच्या १६९८ कोटी ४२ लाख रुपयांपैकी ११८१ कोटी ८ लाख रुपये म्हणजेच ६९ टक्के पीक कर्जवाटप केले आहे. खरिपासाठी बँकेने ठेवलेल्या पीक कर्जवाटप उद्दीष्टाच्या तुलनेत प्रत्यक्ष कर्जवितरणात ५१७ कोटी ३४ लाख रुपयांनी घट झाल्याचे चित्र आहे.

यंदा वेळेवर पाऊस येण्याचा अंदाज हवामान विभागाने दिला होता. परंतु प्रत्यक्षात पावसाने हुलकावणी दिली. पाऊस उशिराने सुरू झाला. त्यातच जून ते सप्टेंबर या चार महिन्यांच्या कालावधीत पावसाचा मोठ्या प्रमाणात खंड पडला. त्यामुळे शेतकऱ्यांचा पीककर्ज घेण्याकडे कल कमी झाला. त्यातच २०१६-१७ मध्ये शासनाने कर्जमाफी केली. त्याची प्रक्रिया सुरू असल्याने बहुतांशी शेतकऱ्यांनी पीककर्जाची परतफेड केली नाही. परतफेड न केलेल्या शेतकऱ्यांना पीक कर्ज न देण्याचे धोरण आहे. त्यामुळे चालू वर्षी मोठ्या प्रमाणात शेतकरी पीककर्जापासून वंचित राहिल्याचेही चित्र आहे.

जिल्ह्यातील शेतकरी खरीप हंगामात सोयाबीन, उडीद, मूग, बाजरी अशा विविध पिकांची पेरणी करतात. खरीप पिकांव्यतिरिक्त बँकेकडून ऊस, टोमॅटो, कांदा, बटाटा, केळी, द्राक्ष, डाळिब, आंबा, गुलाब, जरबेरा, ढोबळी मिरची, भात, भूईमूग आदी पिकांसाठीही पीककर्जाचे वाटप केले जाते. परंतु या पिकांची पेरणी किंवा लागवड करताना लागणाऱ्या निविष्ठा खरेदीसाठी काही वेळेस शेतकऱ्यांना अडचणी येतात. त्यामुळे बहुतांशी शेतकरी पीककर्जाचा आधार घेऊन रब्बीचे नियोजन करून पिके घेतात.

पुणे जिल्हा सहकारी बँक तालुका व महत्त्वाच्या गावांमधील २६६ शाखांमार्फत सुमारे १२८२ विविध कार्यकारी सहकारी सोसायटींमार्फत सभासदांना कर्जपुरवठा करते. सध्या बँकेकडून तीन लाखांपर्यत कर्ज घेणाऱ्या शेतकऱ्यांना शून्य टक्के व्याज दराने पीककर्जाचे वाटप केले जात आहे. तीन लाखांहून अधिक पीककर्ज घेणाऱ्या शेतकऱ्यांना ११ टक्के दराने कर्जवाटप करीत आहे.

इतर ताज्या घडामोडी
पाणीटंचाई निवारणासाठी ३२ कोटीनागपूर : ग्रामीण भागातील पाणीटंचाई...
परभणी जिल्ह्यात रब्बी ज्वारीचा अग्रीम...परभणी ः परभणी जिल्ह्यात उद्भवलेल्या दुष्काळी...
नांदेड, परभणी, हिंगोली जिल्ह्यांत १२...नांदेड ः चालू कापूस खरेदी हंगामामध्ये नांदेड,...
बेदाणानिर्मिती शेडवर बसू लागली यंत्रेसांगली ः जिल्ह्यातील कवठेमहांकाळ, मिरज...
उन्हाळी भुईमुगावरील कीड नियंत्रणउन्हाळी भुईमुगावर खालील विविध अळ्यांचा...
जातपडताळणीचा ‘ऑफलाइन’ छळ पुणे  : शासनानेच वाटलेल्या जातप्रमाणपत्रांची...
लागवड उन्हाळी तिळाची...उन्हाळी हंगामात लागवडीसाठी एकेटी १०१, पीकेव्ही एन...
सांगलीत शनिवारपासून सेंद्रिय परिषद,...सांगली ः रेसीड्यू फ्री ऑरगॅनिक मिशन इंडिया...
उन्हाळी भुईमुगावरील पानेे खाणारी अळी या अळीला तंबाूखूवरील पाने खाणारी अळी म्हणूनही...
लोहाच्या कमतरतेवरील वनस्पतींची...हेन्रिच हेईन विद्यापीठ डस्सेलडॉर्प आणि...
नेरच्या नदी पात्रातील भराव काढादेऊर, ता.धुळे : पांझरा नदी पात्रातील नव्या...
सौर कृषिपंप योजनेसाठी पुणे जिल्ह्यातून...पुणे : शेतकऱ्यांना दिवसा व सौरऊर्जेद्वारे शाश्वत...
अपारंपरिक ऊर्जा काळाची गरज : बावनकुळेभंडारा : पारंपरिक ऊर्जेची मर्यादा लक्षात घेऊन...
नांदेड जिल्ह्यामध्ये १८ टॅंकरद्वारे...नांदेड ः जिल्ह्यातील तीव्र पाणीटंचाई उद्भवलेली ११...
परभणी, नांदेड जिल्ह्यात २ लाख खात्यांवर...परभणी ः परभणी आणि नांदेड जिल्ह्यातील दुष्काळामुळे...
टेंभूच्या नेवरी वितरिकेची कामे २२...सांगली ः टेंभू उपसा सिंचन योजनेच्या नेवरी वितरिका...
पाणीटंचाईमुळे कांदा लागवडीच्या...पुणे ः वाढत असलेल्या पाणीटंचाईमुळे शेतकऱ्यांनी...
नगर जिल्ह्यामध्ये तुरीचे उत्पादन...नगर ः नगर जिल्ह्यामध्ये यंदा दुष्काळी परिस्थिती...
अण्णासाहेब पाटील महामंडळामार्फत १२ कोटी...कोल्हापूर : शासनाने अण्णासाहेब पाटील आर्थिक मागास...
कचारगडला `अ’ वर्ग पर्यटनस्थळाचा दर्जा...गोंदिया ः कचारगड हे देशभरातील भाविकांचे...