agriculture news in marathi, crop loan distribution status, varhad, maharashtra | Agrowon

वऱ्हाडात खरिपात केवळ ३० टक्क्यांपर्यंत पीककर्ज वितरण
टीम अॅग्रोवन
बुधवार, 12 सप्टेंबर 2018

मी स्टेट बँकेच्या जानेफळ शाखेत माझी पीककर्जाची फाइल दिली अाहे. मला बँकेने २८ सप्टेंबरला बोलावले अाहे. खरीप हंगामाला सुरवात होऊन चार महिने लोटत अाहेत. तरीही पीककर्ज मिळालेले नाही. माझ्यासारखे असंख्य शेतकरी अाहेत.  
- अनिल रामकृष्ण सुरडकर, नायगाव देशमुख, ता. मेहकर, जि. बुलडाणा.

अकोला  ः शासनाने शेतकऱ्यांना अार्थिक पाठबळ देण्यासाठी या हंगामात पीक कर्जवाटपाच्या उद्दिष्टात मोठी वाढ केली; परंतु ही वाढ केवळ अाकड्यांपुरतीच शिल्लक राहिली असून, यंदाच्या खरीप हंगामात केवळ सरासरी ३० टक्क्यांपर्यंत पीककर्ज वितरित झाले आहे. पुढील महिन्यापासून रब्बी हंगाम सुरू होत असून, त्यासाठी पीक कर्जवाटप करण्याचे नियोजन अाहे.  

यंदा खरिपासाठी बुलडाणा जिल्ह्यात १७४५ कोटींचे पीककर्ज वितरणाचे नियोजन करण्यात अाले होते. त्यापैकी अातापर्यंत सर्व बँकांना मिळून ५०० कोटींचा टप्पाही गाठता अालेला नाही. अकोला जिल्ह्यात १३३४ कोटींचे पीक कर्जवाटपाचे नियोजन असताना येथेसुद्धा अाॅगस्टअखेर ४०० कोटींचेही वाटप होऊ शकलेले नाही. या दोन्ही जिल्ह्यांत अातापर्यंत ३० टक्क्यांपर्यंतही पीककर्ज वितरण झालेले नाही. पीककर्ज गतीने द्यावे, असे वारंवार सांगण्यात अाले. मात्र बँकानी शेवटपर्यंत कागदपत्रे व तांत्रिक अडचणी समोर करीत अादेशांना जुमानले नाही, हे स्पष्ट झाले.

सप्टेंबर महिना अर्धा संपायला अाला. या महिनाअखेर खरीप पीक कर्जवाटपाचा कालावधी संपेल. त्यानंतर रब्बीची तयारी सुरू होईल. सध्या एकाही बँकेकडून पीक कर्जवाटपाला गती मिळताना दिसत नाही. प्रामुख्याने पीक कर्जवाटपात कर्जमाफीची अद्यापही पूर्ण न झालेली प्रक्रिया बहुतांश प्रमाणात कारणीभूत ठरली अाहे. अनेक शेतकऱ्यांचे कर्ज माफ होऊनही अद्याप प्रक्रिया झाली नाही. या खरिपात शेतकऱ्यांनी तडजोडी करून पेरणी केली. मुगाचा हंगाम सुरू झाला अाहे. लवकरच उडीद, सोयाबीनचाही हंगाम सुरू होईल. त्यानंतर रब्बीची लागवड केली जाईल. खरिपासाठीच पीककर्ज मिळालेले नसल्याने रब्बीतसुद्धा बँका किती सहकार्य करतात हा संशोधनाचा विषय अाहे.

२०१६-१७ अाणि २०१७-१८ मध्ये पीककर्ज काढलेल्या हजारो शेतकऱ्यांना कर्जमाफीचा लाभ मिळालेला नाही. शासनाने २०१६-१७ मधील थकीत कर्जदारांची माहिती जिल्हा प्रशासनाकडे मागितल्याचे वृत्त अाहे. माहिती मागितल्याने या शेतकऱ्यांना कर्जमाफीचा लाभ मिळेल काय, अशा चर्चा शेतकऱ्यांमध्ये सुरू झालेल्या अाहेत.
 

इतर बातम्या
थंडी वाढण्यास हवामान घटक अनुकूलमहाराष्ट्रावर १०१२ हेप्टापास्कल इतका हवेचा दाब...
दुष्काळी उपाययोजनांसाठी कोरड्या धरणात...बीड : मराठवड्यातील सर्वात तीव्र दुष्काळी...
परभणी जिल्ह्यात ३४ हजार ३९२ हेक्टरवर...परभणी : जिल्ह्यात यंदाच्या रब्बी हंगामात मंगळवार...
शेतकऱ्यांच्या विधवांचे २१ला मुंबईत...मुंबई : देशभरात विविध शेतकऱ्यांचे मोर्चे...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
नाशिक जिल्ह्यात ४० हजार क्विंटल...नाशिक : एप्रिल महिन्यापासून शिधापत्रिकाधारकांना...
राज्यातील धरणांमध्ये ५५ टक्के पाणीसाठापुणे   : राज्यात पाणीटंचाईची तीव्रता वाढू...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महाबळेश्र्वरमध्ये ३५०० एकरांवर...सातारा  ः महाबळेश्वरसह वाई, जावली, कोरेगाव...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
दुष्काळात तीन श्रेणींत कामांचे नियोजन...पुणे : राज्यात आलेल्या दुष्काळात मदतीचा...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...
राज्याच्या दक्षिण भागात पावसाची शक्यतापुणे : राज्यात थंडी वाढण्यास सुरुवात झाली आहे....
सोयाबीन वधारण्याची चिन्हेपुणे: राज्यात सध्या सोयाबीनचे दर गडगडले असले...
ओडिशात भाडोत्री ट्रॅक्टर योजनेस प्रारंभभुवनेश्‍वर ः राज्यातील शेतकऱ्यांना अद्ययावत...
कोल्हापुरात ऊसतोडणीसाठी यंदा पुरेसे मजूरकोल्हापूर  : गेल्या हंगामाच्या तुलनेत...
चारा लागवडीसाठी शासकीय जमिनी देणारमुंबई : राज्यावरील दुष्काळाचे संकट लक्षात...
कापूस खरेदीला आजपासून प्रारंभनागपूर : पणन महासंघाव्दारे कापूस खरेदीला आजपासून...