agriculture news in marathi, crop productivity reduced in Marathwada, Maharashtra | Agrowon

मराठवाड्यात यंदा शेतकऱ्यांचे खरिपासाठीचे स्वप्न भंगले
टीम अॅग्रोवन
बुधवार, 17 ऑक्टोबर 2018

औरंगाबाद : कमी पाऊस आणि मोठा खंड यामुळे मराठवाड्यातील पाच जिल्ह्यांतील मूग, उडीद व सोयाबीनच्या उत्पादनात घट येऊन यंदा शेतकऱ्यांचे हिरवे स्वप्न भंगले आहे. नांदेड, परभणी आणि हिंगोली जिल्ह्यांमध्ये उत्पादकता थोडी जास्त अाहे; मात्र इतर पाच जिल्ह्यांमध्ये उत्पादकता सरासरीच्या निम्म्यावर आली आहे. विभागात मुगाची सरासरी उत्पादकता हेक्‍टरी ४ क्‍विंटल २ किलो आहे. त्या तुलनेत यंदा ३ क्‍विंटल ५२ किलो झाली आहे. उडदाची हेक्‍टरी उत्पादकता ४ क्‍विंटल २१ किलो असताना यंदा ४ क्‍विंटल आले आहे.

औरंगाबाद : कमी पाऊस आणि मोठा खंड यामुळे मराठवाड्यातील पाच जिल्ह्यांतील मूग, उडीद व सोयाबीनच्या उत्पादनात घट येऊन यंदा शेतकऱ्यांचे हिरवे स्वप्न भंगले आहे. नांदेड, परभणी आणि हिंगोली जिल्ह्यांमध्ये उत्पादकता थोडी जास्त अाहे; मात्र इतर पाच जिल्ह्यांमध्ये उत्पादकता सरासरीच्या निम्म्यावर आली आहे. विभागात मुगाची सरासरी उत्पादकता हेक्‍टरी ४ क्‍विंटल २ किलो आहे. त्या तुलनेत यंदा ३ क्‍विंटल ५२ किलो झाली आहे. उडदाची हेक्‍टरी उत्पादकता ४ क्‍विंटल २१ किलो असताना यंदा ४ क्‍विंटल आले आहे. सोयाबीनची सरासरी हेक्‍टरी उत्पादकता ८ क्‍विंटल ७६ किलो असताना यंदा हेक्‍टरी केवळ ५ क्‍विंटल १४ किलोच उत्पादन झाल्याचे पीक कापणी प्रयोगातून समोर आल्याची माहिती सूत्रांनी दिली. 

मराठवाड्यात यंदा पावसाची अवकृपा कायम राहिली. अनेक टप्प्यात झालेली पेरणी व त्यानंतर मोठ्या प्रमाणातील पावसाच्या खंडांनी मराठवाड्यातील शेतकऱ्यांच्या हिरव्या स्वप्नांना तडा देण्याचे काम केले आहे. सर्वाधिक क्षेत्रावर पेरणी झालेल्या सोयाबीनची पावसाच्या खंडांनी दैन केली असून त्यापाठोपाठ असलेल्या कपाशीतूनही पहिल्या दुसऱ्या वेचनीनंतर फार काही पदरात पडण्याची आशा शेतकऱ्यांना नाही. औरंगाबाद, जालना, बीड, लातूर व उस्मानाबाद या पाच जिल्ह्यांतील पीक कापणी प्रयोगानुसार मूग, उडीद, सोयाबीनच्या उत्पादनात सरासरी उत्पादनाच्या तुलनेत घट नोंदली आहे. 

औरंगाबाद जिल्ह्यात निम्म्यापेक्षा कमी उत्पादकता  
औरंगाबाद जिल्ह्यात मुगाची सरासरी उत्पादकता हेक्‍टरी ५ क्‍विंटल ३ किलो इतकी आहे. यंदा मात्र केवळ १ क्‍विंटल ९६ किलोच मुगाचे हेक्‍टरी उत्पादन झाले आहे. उडदाची हेक्‍टरी ५ क्‍विंटल ७६ किलो उत्पादकता असताना केवळ २ क्‍विंटल ४० किलोच हेक्‍टरी उत्पादन झाले. सोयाबीन सरासरी उत्पादकता ७ क्‍विंटल ६४ किलो असताना केवळ ५ क्‍विंटल ६६ किलो सोयाबीनचे उत्पादन झाले आहे. 

जालना जिल्ह्यातही फटका
जालना जिल्ह्यात सरासरी हेक्‍टरी ३ क्‍विंटल ३४ किलो पिकणारा मूग यंदा हेक्‍टरी केवळ २ क्‍विंटल ६५ किलोच पिकला आहे. हेक्‍टरी ४ क्‍विंटल २ किलो पिकणाऱ्या पिकणाऱ्या उडदाची उत्पादकताही हेक्‍टरी केवळ २ क्‍विंटल ८१ किलोच झाली. हेक्‍टरी ९ क्‍विंटल १० किलो सरासरी उत्पादकता असलेल्या जालना जिल्ह्यात सोयाबीन यंदा हेक्‍टरी ७ क्‍विंटल ७५ किलोच पिकले आहे. 

बीड जिल्ह्यात सोयाबीनला सर्वाधिक फटका 
बीड जिल्ह्यात मुगाची हेक्‍टरी उत्पादकता ३ क्‍विंटल ३२ किलो आहे. त्या तुलनेत मुगाचे केवळ २ क्‍विंटल ३८ किलो हेक्‍टरी उत्पादन झाले. उडदाचे  हेक्‍टरी उत्पादन ३ क्‍विंटल २५ किलो असताना यंदा ३ क्‍विंटल ३९ क्‍विंटल उडदाचे उत्पादन झाले. दुसरीकडे सरासरी ८ क्‍विंटल ३२ किलो उत्पादन असलेल्या सोयाबीनचे बीडमध्ये हेक्‍टरी केवळ २ क्‍विंटल २० किलोच उत्पादन झाले आहे. 

लातूर जिल्ह्यातही सरासरीपेक्षा कमीच उत्पादकता 
लातूर जिल्ह्यात मुगाची सरासरी उत्पादकता हेक्‍टरी ५ क्‍विंटल ४० किलो आहे. त्या तुलनेत मुगाचे हेक्‍टरी ४ क्‍विंटल ३९ किलो उत्पादन झाले आहे. उडदाची हेक्‍टरी ५ क्‍विंटल ९५ किलो उत्पादकता असताना हेक्‍टरी ४ क्‍विंटल ८५ किलो उत्पादन झाले आहे. सोयाबीनचे हेक्‍टरी ११ क्‍विंटल ७९ किलो उत्पादन अपेक्षित असताना ९ क्‍विंटल २५ किलो उत्पादन झाले आहे. 

उस्मानाबाद जिल्ह्यात सोयाबीनची उत्पादकता घटली 
उस्मानाबाद जिल्ह्यात मुगाचे हेक्‍टरी सरासरी उत्पादन ३ क्‍विंटल २० किलो अपेक्षित असताना मूग हेक्‍टरी थोडा जास्त ३ क्‍विंटल २९ किलो पिकला आहे. उडदाचे सरासरी उत्पादन ३ क्‍विंटल ६७ किलो असताना हेक्‍टरी ३ क्‍विंटल ६६ किलो उडदाचे उत्पादन झाले आहे. सोयाबीनचे हेक्‍टरी ८ क्‍विंटल ४० किलो उत्पादन अपेक्षित असताना सोयाबीनचे उत्पादन हेक्‍टरी ५ क्‍विंटल ५ किलोच झाले असल्याचे आजपर्यतच्या पीक कापणी प्रयोगातून समोर आल्याची माहिती कृषी विभागाच्या सूत्रांनी दिली. 

नांदेड जिल्ह्यात सोयाबीनची उत्पादकता वाढली
नांदेड जिल्ह्यात मुगाची सरासरी हेक्‍टरी उत्पादकता ४ क्‍विंटल २७ किलो आहे. त्या तुलनेत यंदा हेक्‍टरी ४ क्‍विंटल ४५ किलो मुगाचे उत्पादन झाले आहे. उडीदाची सरासरी हेक्‍टरी उत्पादकता ४ क्‍विंटल १८ किलो असतांना यंदा मात्र उडीदाचे ५ क्‍विंटल ३१ किलो हेक्‍टरी उत्पादन झाले आहे. सोयाबीनची सरासरी हेक्‍टरी उत्पादकता ६ क्‍विंटल ७७ किलो असतांना यंदा मात्र हेक्‍टरी ७ क्‍विंटल ७३ किलो सोयाबीन पिकले आहे. 
 
परभणी जिल्ह्यात उडदाची उत्पादकता वाढली
परभणी जिल्ह्यात मुगाची सरासरी हेक्‍टरी उत्पादकता ३ क्‍विंटल ८४ किलो आहे. त्या तुलनेत यंदा हेक्‍टरी ४ क्‍विंटल ३१ किलो मुगाचे उत्पादन झाले. उडीदाची सरासरी उत्पादकता हेक्‍टरी २ क्‍विंटल ८१ किलो असतांना यंदा हेक्‍टरी ५ क्‍विंटल २१ किलो उत्पादन झाले. सोयाबीनचे सरासरी हेक्‍टरी ८ क्‍विंटल ५३५ किलो उत्पादन असतांना यंदा हेक्‍टरी ९ क्‍विंटल ५५ किलो सोयाबीनचे उत्पादन झाले. 
 
हिंगोली जिल्ह्यात मुगाची उत्पादकता वाढली
हिंगोली जिल्ह्यात मुगाची सरासरी उत्पादकता हेक्‍टरी ३ क्‍विंटल ७९ किलो आहे. यंदा हेक्‍टरी ४ क्‍विंटल ७० किलो मुगाचे उत्पादन झाले. उडीदाचे हेक्‍टरी ४ क्‍विंटल उत्पादन अपेक्षीत असतांना यंदा ४ क्‍विंटल ४० किलो उडीदाचे हेक्‍टरी उत्पादन झाले. सोयाबीनची सरासरी उत्पादकता हेक्‍टरी ९ क्‍विंटल ७४ किलो असतांना यंदा मात्र ११ क्‍विंटल २० किलो सोयाबीनचे उत्पादन झाल्याचे पिक कापणी प्रयोगातून समोर आल्याचे कृषी विभागाच्या सुत्रांनी सांगितले.

 

इतर अॅग्रो विशेष
जत तालुक्यात द्राक्ष, डाळिंब बागा...सांगली : जत तालुक्यात पश्‍चिम भाग वगळता...
प्रकल्प व्यवस्थापकावर कारवाईचे आदेशपुणे : एकात्मिक पाणलोट व्यवस्थापन...
सहवेदना :आज अन्नत्याग आंदोलनयवतमाळ: शेतकरी साहेबराव करपे व कुटुंबीयांप्रति...
उन्हाची काहिली वाढलीपुणे: राज्यात गेल्या काही दिवसांपासून उन्हाची...
राजकीय उपद्रव्य मूल्य घटल्याने...मुंबई: मर्यादित जनाधार आणि राजकीय उपद्रव मूल्य...
सोलापूर जिल्ह्यातील सर्व गावांची...सोलापूर : सोलापूर जिल्ह्यातील सर्वच ११४५...
विदेश अभ्यास दौऱ्याच्या शेतकरी यादीत...पुणे : विदेश अभ्यास दौऱ्यासाठी निवड केलेल्या...
क्रांती कारखाना हुमणीचे भुंगेरे खरेदी...कुंडल, जि. सांगली : एकात्मिक हुमणी कीड नियंत्रण...
तेजस्विनीच्या साथीने बचतीतून...तेजस्विनी लोकसंचालित साधन केंद्राच्या...
परवानाधारक व्यापाऱ्यांनीच केळीची खरेदी...जळगाव : चोपडा बाजार समिती दरवर्षी १४...
गोव्याचे मुख्यमंत्री मनोहर पर्रीकर...पणजी : देशाचे माजी संरक्षणमंत्री व गोव्याचे...
आडातच नाही तर पोहऱ्यात येणार कोठून? दुष्काळ पडल्याने पाण्यासाठी बोअर घेण्याची अक्षरशा...
कृषी पर्यवेक्षकांना पदोन्नती मिळाली, पण...पुणे : राज्यातील कृषी पर्यवेक्षकांना शासनाने मंडळ...
दुष्काळी मराठवाड्यात मार्चमध्येच ‘केसर'...केज, जि. बीड ः फळांचा राजा आंबा बाजारात...
मिरची पीक अंतिम टप्प्यातनंदुरबार (प्रतिनिधी) ः खानदेशातील मिरचीचे आगार...
सुधारित जोडओळ पद्धतीमुळे कपाशीतून...सोगोडा (जि. बुलढाणा) येथील विजय पातळे या कपाशी...
परभणी ठरले देशात उष्णपुणे : राज्यात अनेक ठिकाणी तापमान ३७ अंशांच्या...
द्राक्ष उत्पादकांची फसवणूक थांबणार कधी?नाशिक: नाशिक जिल्ह्यातील मुख्य अर्थकारण...
यवतमाळच्या अनिकेतने तयार केला फवारणीचा...यवतमाळ ः फवारणीमुळे होणाऱ्या विषबाधा सर्वदूर...
गोव्याचे मुख्यमंत्री मनोहर पर्रिकर...पणजी : गेल्या एक वर्षापासून अधिक काळ...