agriculture news in marathi, crop registration will be done by mobile app | Agrowon

मोबाईल ॲपद्वारे हाेणार राज्यातील पीकपेऱ्याची नाेंद
टीम अॅग्रोवन
गुरुवार, 13 सप्टेंबर 2018

पुणे : राज्यातील पीकपेऱ्याच्या अचूक नाेंदीसाठी ॲपचा वापर करण्यात येणार आहे. यासाठी महसूल विभाग टाटा ट्रस्टकडून आर्थिक आणि तांत्रिक सहकार्य घेणार आहे. यासाठीचा सामंजस्य करार नुकताच करण्यात आला. प्रायाेगिक तत्त्वावर ६ महसुली विभागांतील ६ तालुक्यांमध्ये हा प्रकल्प राबविण्यात येणार आहे. या प्रकल्पातून ७६९ तालुक्यांतील ३ लाख १९ हजार ५४५ खातेदारांचा समावेश करण्यात येणार आहे. 

पुणे : राज्यातील पीकपेऱ्याच्या अचूक नाेंदीसाठी ॲपचा वापर करण्यात येणार आहे. यासाठी महसूल विभाग टाटा ट्रस्टकडून आर्थिक आणि तांत्रिक सहकार्य घेणार आहे. यासाठीचा सामंजस्य करार नुकताच करण्यात आला. प्रायाेगिक तत्त्वावर ६ महसुली विभागांतील ६ तालुक्यांमध्ये हा प्रकल्प राबविण्यात येणार आहे. या प्रकल्पातून ७६९ तालुक्यांतील ३ लाख १९ हजार ५४५ खातेदारांचा समावेश करण्यात येणार आहे. 

हा प्रकल्प थेट शेतकऱ्यांच्या सहभागातून राबविण्यात येणार असून, टाटा ट्रस्टद्वारे प्राेसीजर आॅफ सेल्फ रिपाेर्टिंग आॅफ क्राॅप्स बाय फार्मर ही फार्मर फ्रेंडली ॲप विकसित करण्यात आले आहे. या ॲपची चाचणी पालघर जिल्ह्यातील करंजपाडा (ता. वाडा) येथे करण्यात आली. या चाचणीदरम्यान शेतकऱ्यांच्या अनुभवानंतर राज्यातील सहा महसुली विभागात हा प्रकल्प राबविण्यात येणार आहे. हा प्रकल्प महसूल, जमाबंदी, कृषी, अर्थ व सांख्यिकी आणि राष्ट्रीय सूचना केंद्राच्या सहकार्याने राबविण्यात येणार आहे.
या प्रकल्पाच्या प्रभावी अंमलबजावणीसाठी भ्रमणध्वनीवरील आज्ञावली (ॲप) हाताळण्याचे प्रशिक्षण संबंधित गावातील तलाठी, महसूल, कृषी अधिकाऱ्यांबराेबर शेतकरी आणि ग्रामपंचायतीच्या पदाधिकाऱ्यांना टाटा ट्रस्टद्वारे देण्यात येणार आहे. या याेजनेच्या प्रभावी अंमलबजावणीसाठी राज्य पातळीवर महसूल विभागाच्या अपर मुख्य सचिव आणि जिल्हा पातळीवर जिल्हाधिकाऱ्यांच्या अध्यक्षतेखाली समिती गठीत करण्यात आली आहे.

अशी आहे नाेंदीची पद्धत 

  •  पेरणी झाल्यानंतर शेतकऱ्यांनी १५ दिवसांत पिकांची उगवण छायाचित्रासह अपलाेड करावी. 
  •  क्षेत्राची माहिती अक्षांश रेखांशासह हाेणार नाेंद 
  •  हंगाम संपेपर्यंत प्रत्येक महिन्याच्या शेवटच्या आठवड्यात उभ्या पिकाची छायाचित्रासह नाेंद करावी 
  •  नैर्सगिक आपत्तीमध्ये झालेल्या पिकाच्या नुकसानीच्या छायाचित्रांची नाेंद करावी (उदा.अतिवृष्टी, पूर, गारपीट, वादळ, दुष्काळ, टाेळधाड, कीडराेगांचा प्रादुर्भाव)
  •  अपलाेड केलेली माहिती सातबारा उतारा आणि भ्रमणध्वनीसह स्वयंमुद्रित करणे. शेतकऱ्याने अपलाेड केलेली माहिती पडताळणी करण्यासाठी तलाठी करणार प्रत्यक्ष पाहणी 
  •  स्मार्ट फाेन नसला तरी साध्या फाेन द्वारे एसएमएस द्वारे करता येणार नाेंद यासाठी तलाठ्यांकडे भ्रमणध्वनीची नाेंदणी आवश्‍यक 
  •  माेबाईल क्रमांकाची सात बारा उताऱ्यावर हाेणार नाेंद    

यासाठी हाेणार फायदे 

  •  कृषी पतपुरवठा सुलभ करणे 
  •  पीक विमा आणि पीक पाहणी दावे निकाली काढणे 
  •  नैर्सगिक आपत्तीत अचुक भरपाई मिळणे

    या तालुक्यांमध्ये प्रकल्प

तालुका गावे खातेदार संख्या 
बारामती (पुणे) ११७ ७७,७५५
कामठी (नागपुर) ७७ ३९,१५० 
वाडा (पालघर) १७२ ५५,९१०
अचलपुर (अमरावती) १८५ ५४,६३८
दिंडाेरी (नाशिक) १२८ ६४,३७२ 
फुलंब्री (आैरंगाबाद) ९० २७,७२० 

 

इतर अॅग्रो विशेष
नांदेड जिल्ह्यात मुगाची उत्पादकता...नांदेड ः यंदा नांदेड जिल्ह्यातील १४ तालुक्यांतील...
संतप्त शेतकऱ्यांनी हवामान विभागाला...पुणे : हवामान विभागाचा अंदाज चुकीचा...
जलयुक्त शिवार, शेततळ्यांमुळे संरक्षित...अमरावती   : जिल्ह्यात शेततळी, जलयुक्त शिवार...
तिसगाव उपबाजारात चाऱ्यासाठी उसाला...तिसगाव, जि. नगर  : पाथर्डी तालुक्‍यात...
तुझे आहे तुजपाशी जगाच्या सरासरीच्या दीडपट पाऊस भारतात पडतो तरी...
सूक्ष्म सिंचनात अडचणी मोठ्या राज्यात पाण्याचे दुर्भिक्ष...
भातशेती वाचविण्यासाठी शेतकऱ्यांची धडपडनगर ः ‘पोळ्यापासून पाऊस नाही. पोळ्याला गेला तरी...
ठिबकचा तिढा सुटला, नोंदणीला होणार सुरवातनागपूर  ः ठिबक संदर्भातील नोंदणीवर वितरकांनी...
महिला बचत गटाने सुरू केली बियाणे बँकपाटीलवाडी (धामणवन) (ता. अकोले, जि. नगर) या...
शेती अन् ग्रामविकासासाठी आलो एकत्रअकोला शहरात विविध क्षेत्रांत काम करणाऱ्यांनी...
थेट शेतीमाल विक्री ठरली नावापुरतीचपुणे  ः फळे भाजीपाला नियमनमुक्तीनंतर शेतकरी...
‘सीसीआय’च्या खरेदी केंद्रासाठी...जळगाव  ः खासगी जिनिंगमध्ये कापूस खरेदीसंबंधी...
गटशेतीला प्रोत्साहनासाठी निकषांत बदलपुणे : राज्याच्या गटशेती धोरणाला आलेली मरगळ...
जळगावला ‘हीट’चा चटका ः पारा ३८ अंशांवरपुणे : राज्यात ऑक्टोबर हीटच्या चटक्यात जळगाव...
संकटातील सूतगिरण्यांना वीज दरवाढीचा...कोल्हापूर : महावितरणने वीज दरवाढीचा बडगा...
उसाच्या जनुकीय संरचनेतून उलगडली अनेक...गेल्या अनेक शतकांपासून ऊस हे पीक साखरेसोबतच...
दुर्गम सातपुड्यात नवतंत्रज्ञानाचा...नंदुरबार जिल्ह्यात सातपुडा पर्वतातील दुर्गम धनाजे...
‘ब्रॉयलर’ संगोपनासोबत भक्कम विक्री...नांदेड जिल्ह्यातील झरी (ता. लोहा) येथील मारुतीराव...
चक्रीवादळाची तीव्रता कमी होण्यास सुरवातपुणे : बंगालच्या उपसागरात तयार झालेले तितली...
टेंभू योजनेचे पाणी घाटमाथ्यावर कधी येणारसांगली ः टेंभू उपसा सिंचन योजनेचे पाणी...