agriculture news in marathi, crops damage due to heavy rain, kolhapur,maharashtra | Agrowon

कोल्हापुरातील पश्‍चिम भागात अतिपावसाने पिकांना फटका
टीम अॅग्रोवन
शुक्रवार, 24 ऑगस्ट 2018

कोल्हापूर  : संततधार पडणाऱ्या पावसामुळे पश्‍चिम भागातील पिकांवर नुकसानीचे सावट निर्माण झाले आहे. पाऊस थांबत नसल्याने शेतात जाणे अवघड झाले असून पिके हातची जाण्याचा धोका निर्माण झाला आहे. या भागातील उसासारखी हमखास उत्पादन देणारी पिकेही अडचणीत आली आहेत. आजरा, चंदगड, राधानगरी, गगनबावडा, पन्हाळा तालुक्‍यांत पीक नुकसानीचे प्रमाण अधिक आहे.

कोल्हापूर  : संततधार पडणाऱ्या पावसामुळे पश्‍चिम भागातील पिकांवर नुकसानीचे सावट निर्माण झाले आहे. पाऊस थांबत नसल्याने शेतात जाणे अवघड झाले असून पिके हातची जाण्याचा धोका निर्माण झाला आहे. या भागातील उसासारखी हमखास उत्पादन देणारी पिकेही अडचणीत आली आहेत. आजरा, चंदगड, राधानगरी, गगनबावडा, पन्हाळा तालुक्‍यांत पीक नुकसानीचे प्रमाण अधिक आहे.

आजरा तालुक्‍यात पिकांच्या पंचनाम्याला सुरवात झाली आहे. जोरदार पावसात महसूल, कृषी व पंचायत विभागाकडून पिकांचे पंचनामे सुरू असून अधिकाऱ्यांची पंचनामे करताना कसरत होत आहे. सुळेरान, धनगरमोळा, लिंगवाडी, घाटकरवाडी, आंबाडे, किटवडे या पाच ते सहा गावांतील पाचशे हेक्टर क्षेत्रावरील उसाचे नुकसान झाल्याचा प्राथमिक अंदाज आहे.

पश्‍चिम भागात शेकडो हेक्‍टर उसाचे पिक पावसाने बाधीत झाल्याचे सांगण्यात येते. पाच ते सहा गावांतील ९२००५, ८६०३२ या उसाच्या जाती भूईसपाट झाल्या असून नुकसानीचा आकडा वाढणार आहे. अतिवृष्टीच्या भागात तर उसाचे पीक रोगाच्या प्रादुर्भावामुळे वाया जाणार आहे. पुरेसा सूर्य प्रकाश नसल्याने उसाची वाढ खुंटली आहे. आंबाडे, किटवडे, सुळेरान, धनगरमोळा, घाटकरवाडी, पारपोली, लिंगवाडी, खेडगे, गावठाण या परिसरातील हे चित्र आहे. पेरणोली, गवसे, लाटगाव आदी १५ ते २० गावांतील ऊस उत्पादनात मोठी घट होऊन शेतकऱ्यांचे आर्थिक नुकसान होणार आहे.  

कोल्हापूर जिल्ह्यात यंदा सरासरीपेक्षा अधिक पाऊस झाल्याने पिकांचे लाखो रुपयांचे नुकसान झाले आहे. त्यामुळे कोल्हापूर जिल्ह्यात ओला दुष्काळ जाहीर करण्याची मागणी आमदार प्रकाश आबिटकर यांनी मुख्यमंत्री देवेंद्र फडणवीस यांच्याकडे केली आहे.

मुख्यमंत्री फडणवीस यांना दिलेल्या निवेदनात म्हटले आहे, की कोल्हापूर जिल्ह्यात दोन महिन्यांपासून सतत  पडणाऱ्या पावसामुळे प्रामुख्याने राधानगरी, भुदरगड, आजरा, गगनबावडा, शाहूवाडी, चंदगड व पन्हाळा तालुक्‍यांमध्ये ऊस, भात, नाचणी, भुईमूग, सोयाबीन यांसह अन्य पिकांचे मोठे नुकसान झाले आहे. यंदा सरासरीपेक्षा जास्त पाऊस झाल्याने (अंदाजे ६५०० ते ७५०० मिमी) पिके पूर्णपणे बाधित झालेली आहेत.

राधानगरी तालुक्‍यातील दाजीपूर, ओलवण, हसणे, कारीवडे, डिगस, राऊतवाडी, पडली, राधानगरी, फेजिवडे, शेळप व वाकीघोल परिसरातील तसेच भुदरगड तालुक्‍यातील कडगाव-पाटगाव परिसर व आजरा तालुक्‍यांतील देवडे काटकरवाडी, दहावी अंबाडे अशा आंबोलीपर्यंतच्या परिसरात दोन महिन्यांपासून पडणाऱ्या सततच्या पावसामुळे पिकांचे नुकसान झाले आहे, यामुळे शेतकऱ्यांना लाखो रुपयांचा फटका बसला आहे.

इतर ताज्या घडामोडी
सावधान... अल्झायमर आला उंबरठ्यावर ! कोल्हापूर : मंगळवार पेठेतल्या विठ्ठल मंदिरात रोज...
परभणीत हिरवी मिरची प्रतिक्विंटल ६०० ते...परभणी ः येथील जुना मोंढा भागातील फळे-भाजीपाला...
भातावरील तुडतुडे प्रादुर्भावाकडे...सध्या खरीप हंगामातील भात पीक बहुतेक ठिकाणी...
कमी तीव्रतेच्या वणव्यांचाही मातीच्या...कमी तीव्रतेचे वणवे किंवा मर्यादित प्रमाणात...
ढगाळ वातावरणाने खानदेशात सोयाबीन मळणीला...जळगाव : खानदेशातील धुळे, नंदुरबार व जळगाव...
माळेगावकरांचा औद्योगिक वसाहतीच्या...नाशिक : माळेगाव औद्योगिक वसाहतीच्या टप्पा क्रमांक...
परभणीत व्यापाऱ्यांचे असहकार आंदोलन सुरूचपरभणी ः परभणी कृषी उत्पन्न बाजार समितीअंतर्गत...
सांगली जिल्ह्यात द्राक्ष क्षेत्रात वाढसांगली  ः दर्जेदार द्राक्ष उत्पादनासाठी...
धुळे, जळगाव जिल्ह्यांतील पैसेवारी चुकीचीजळगाव   ः धुळे व जळगाव जिल्ह्यांत हवा तसा...
नैसर्गिक आपत्तीत यवतमाळमधील ६२ हजार...यवतमाळ   ः जिल्ह्यात या वर्षी आलेल्या...
पुणे जिल्‍ह्यात पावसाच्या हलक्या ते...पुणे : पावसाच्या मोठ्या खंडानंतर जिल्ह्याच्या...
नगर जिल्ह्यावर दुष्काळाचे सावटनगर  ः जिल्ह्यात आतापर्यंत सरासरी फक्त ६५.५५...
बुलडाणा येथे २ आॅक्टोबरला सोयाबीन-कापूस...बुलडाणा   : पश्चिम महाराष्ट्रातील ऊस उत्पादक...
उसाच्या दुसऱ्या हप्त्यासाठी ‘आंदोलन...कोल्हापूर : उसाचा दुसरा हप्ता मिळावा व १५ टक्के...
कोल्हापूर येथे १० ऑक्‍टोबरला ऊस परिषद...कोल्हापूर  : सरकारने एफआरपीचे तुकडे करून...
बंद अवस्थेतील कारखाने सहकारी तत्त्वावर...जळगाव : जिल्ह्यात काही साखर कारखाने एकेकाळी जोमात...
कांदा - लसूण पीक सल्लाबहुतांश शेतकऱ्यांच्या शेतामध्ये खरीप कांदा पिकाची...
नांदेड जिल्ह्यात ५१० कोटी रुपये पीक...नांदेड ः नांदेड जिल्ह्यात यंदाच्या खरीप हंगामात...
राष्ट्रीय महामार्गाचे चौपदरीकरण...जळगाव : जळगाव आणि धुळे जिल्ह्यांतून जाणाऱ्या...
अंजनीसह पाच गावांची पाण्याविना आबाळसांगली ः तासगाव तालुक्‍याचा पूर्वभागात भीषण...