परभणी जिल्ह्यात मुगाची उत्पादकता एकरी १ क्विंटल ७३ किलो

परभणी जिल्ह्यात मुगाची उत्पादकता एकरी १ क्विंटल ७३ किलो
परभणी जिल्ह्यात मुगाची उत्पादकता एकरी १ क्विंटल ७३ किलो

परभणी : यंदा परभणी जिल्ह्यात मुगाची सरासरी उत्पादकता प्रतिहेक्टरी ४ क्विंटल ३४ किलो (एकरी १ क्विंटल ७३ किलो) आली आहे. उडदाची सरासरी उत्पादकता ५ क्विंटल ३३ किलो (एकरी २ क्विंटल १२ किलो) आली आहे. कृषी, महसूल, ग्रामविकास विभागातर्फे घेण्यात आलेल्या पीक कापणी प्रयोगाच्या निष्कर्षावरून आढळून आले आहे. गतवर्षीपेक्षा यंदा मुगाची उत्पादकता २ क्विंटल २० किलोने, तर उडदाची उत्पादकता २ क्विंटल ४२ किलोने वाढली आहे.

गेल्या पाच वर्षांतील मुगाच्या सरासरी उत्पादकतेपेक्षा यंदा सेलू, मानवत, पाथरी तालुक्यात मुगाची उत्पादकता कमी आली आहे. पाथरी तालुक्यात उडदाची उत्पादकता कमी आली आहे. यंदा परभणी जिल्ह्यात मुगाची उत्पादकता प्रतिहेक्टरी ५ क्विंटल प्रस्तावित करण्यात आली होती. यंदा मुगाच्या क्षेत्रात घट होऊन प्रत्यक्षात २४ हजार ३३८ हेक्टरवर पेरणी झाली होती.

पावसाच्या खंडामुळे अपेक्षित उत्पादकता मिळाली नाही. यंदा मुगाच्या ३२४ पीक कापणी प्रयोगाचे नियोजन करण्यात आले. २२१ प्रयोगापैकी २१७ प्रयोगांचे विश्लेषण करण्यात आले. त्यावरून उत्पादकतेचे हे प्रमाण समोर आले. गतवर्षीमध्ये सरासरी उत्पादकता प्रतिहेक्टरी २ क्विंटल १५ किलो आली होती. परंतु गेल्या पाच वर्षांतील (२०१३ ते २०१७) सरासरी उत्पादकतेच्या (३ क्विंटल ८१ किलो) तुलनेत सेलू, मानवत, पाथरी या तालुक्यांतील उत्पादकता यंदा कमी आली आहे.

यंदा उडदाची प्रतिहेक्टरी उत्पादकता ३ क्विंटल ६० किलो प्रस्तावित करण्यात आली होती. प्रत्यक्षात ८ हजार १४९ हेक्टरवर पेरणी झाली. उडदाच्या ११२ पीक कापणी प्रयोगांपैकी ११५ प्रयोगाचे विश्लेषण करण्यात आले. त्यानुसार जिल्ह्याची सरासरी उत्पादकता प्रतिहेक्टरी  ५ क्विंटल ३२ किलो आली असल्याचे आढळून आले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com