देशाचा धरणसाठा ६२ टक्‍क्‍यांपर्यंत

देशाचा धरणसाठा ६२ टक्‍क्‍यांपर्यंत
देशाचा धरणसाठा ६२ टक्‍क्‍यांपर्यंत

नवी दिल्ली : देशातील ९१ प्रमुख जलाशयांमध्ये ३० नोव्हेंबरअखेर एकूण क्षमतेच्या सरासरी ६२ टक्‍क्‍यांपर्यंत पाणीसाठा होता, असे केंद्रीय जल आयोगाने (सीडब्ल्यूसी) सांगितले. गेल्या आठवड्यात (२३ नोव्हेंबर) या पाणीसाठ्याचे प्रमाण ६४ टक्के होते. तुलनेत पाणीसाठ्यात २ टक्‍क्‍यांनी घट झाली आहे.

‘सीडब्ल्यूसी’द्वारा देशातील प्रमुख धरणसाठ्यांचा साप्ताहिक आढावा घेतला जातो. ३० नोव्हेंबरअखेर ९१ प्रमुख जलाशयांत सरासरी ९८.५७८ अब्ज घनमीटर पाणीसाठा होता. तर गेल्या आठवड्यात १०१.०७७ अब्ज घनमीटर (बीसीएम) पाणीसाठा होता. या धरणांची एकूण पाणीसाठवण क्षमता १५७.७९९ अब्ज घनमीटर आहे. देशाचे एकूण अंदाजित पाणीसाठ्याचे प्रमाण २५३.३८८ अब्ज घनमीटर आहे. त्यानुसार या जलसाठ्यांची क्षमता सध्या ६२ टक्के आहे.

गेल्या वर्षाच्या तुलनेत हिमाचल प्रदेश, पश्चिम बंगाल, त्रिपुरा, महाराष्ट्र, उत्तराखंड, आंध्र प्रदेश, कर्नाटक, केरळ आणि तमिळमाडू येथील जलसाठ्यांमध्ये बरा पाणीसाठा आहे. तर पंजाब,राजस्थान, झारखंड, ओडिशा, गुजरात, उत्तर प्रदेश, मध्य प्रदेश, छत्तीसगड आणि तेलंगणमध्ये गेल्या वर्षापेक्षा पाणीसाठा कमी असल्याचे जल आयोगाने म्हटले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com