agriculture news in marathi, daily economy of fodder camp, nagar, maharashtra | Agrowon

नगर जिल्ह्यात छावण्यांवर दर दिवसाला सव्वादोन कोटींचा खर्च
टीम अॅग्रोवन
गुरुवार, 25 एप्रिल 2019

नगर  : नगर जिल्ह्यामध्ये दुष्काळात पशुधन वाचविण्यासाठी आतापर्यंत ४५८ जनावरांच्या छावण्या सुरू झालेल्या आहेत. त्यात दोन लाख ८३ हजार जनावरे आहेत. त्यावर दर दिवसाला सुमारे दोन कोटी ३७ लाख ६९ हजार रुपये खर्च केले जात आहेत. जनावरे जगविण्यासाठी छावण्या सुरू झालेल्या असल्या तरी पिण्याच्या पाण्यासाठी मात्र कसरत सुरू आहे. गेल्या अनेक वर्षांत पहिल्यांदाच अशी टंचाईची गंभीर स्थिती निर्माण झालेली आहे. 

नगर  : नगर जिल्ह्यामध्ये दुष्काळात पशुधन वाचविण्यासाठी आतापर्यंत ४५८ जनावरांच्या छावण्या सुरू झालेल्या आहेत. त्यात दोन लाख ८३ हजार जनावरे आहेत. त्यावर दर दिवसाला सुमारे दोन कोटी ३७ लाख ६९ हजार रुपये खर्च केले जात आहेत. जनावरे जगविण्यासाठी छावण्या सुरू झालेल्या असल्या तरी पिण्याच्या पाण्यासाठी मात्र कसरत सुरू आहे. गेल्या अनेक वर्षांत पहिल्यांदाच अशी टंचाईची गंभीर स्थिती निर्माण झालेली आहे. 

नगर जिल्ह्यामध्ये यंदा दुष्काळाची तीव्रता अधिक आहे. पाणी नसल्याने जवळपास आठ तालुक्यांत शेती कोरडी पडलेली आहे. आता केवळ पावसाळ्यापर्यंत जनावरे जगवणे हाच एकमेव उद्देश आहे. जिल्ह्यात दुभत्या जनावरांची संख्या सतरा लाख आहे. दुष्काळामुळे दावणीला बांधलेल्या पशुधनाचे संगोपन करण्याचे संकट शेतकऱ्यांपुढे उभे राहिले आहे. चारा छावणीसाठी तहसीलदार, उपविभागीय अधिकाऱ्यांमार्फत जिल्हाधिकारी कार्यालयाकडे प्रस्ताव दाखल होत आहेत. जिल्हाधिकारी राहुल द्विवेदी यांचे पशुधनासाठी दिल्या जाणाऱ्या सुविधांवर लक्ष आहे.

छावण्यांची तपासणी करण्यासाठी ३२ पथके तैनात करण्यात आली आहेत. यावर्षी पाणी व चाऱ्याची स्थिती हिवाळ्यातच भीषण झाली. त्यामुळे सरकारला पशूंसाठी छावण्या सुरू कराव्या लागल्या. यापैकी काही छावण्यांमध्ये गैरप्रकारही होत असल्याचे तपासणीत उघड झाले. आतापर्यंत पशुसेवेत कुचराई करणाऱ्या छावणीचालकांना लाखोंचा दंड ठोठावण्यात आला आहे. त्यामुळे नगर तालुक्‍यातील छावणीचालकांच्या संघटनेने मध्यंतरी प्रशासनाला निवेदन देत हे दंड मागे घेण्याची मागणी केली होती. त्यावर अद्याप निर्णय झालेला नाही. या दंडामुळे छावणीचालक पशूंची काळजी घेत आहेत.

अर्थात आता ‘महसूल’चे लोक मतदान प्रक्रियेत गुंतलेले आहेत, त्यामुळे मतदान प्रक्रिया संपल्यावर पुन्हा छावण्यांच्या तपासणीचे सत्र सुरू होईल. अर्थात आतापर्यंत ठोठावलेल्या दंडामुळे पशुसेवेत कुचराई करण्याचे प्रकार पुन्हा होणार नाहीत, अशी प्रशासनाला आशा आहे. दर दिवसाला पशुधन जगविण्यासाठी सव्वादोन कोटी रुपये एप्रिलमध्येच खर्च करण्याची ही पहिलीच वेळ आहे. 
 

छावणीत ७० हजार पशुपालकांचा मुक्काम 
छावणीत पशुधनाची संख्या दिवसेंदिवस वाढत आहे. ४५८ छावण्यांत दोन लाख ८३ हजार ४५२ पशुधन दाखल झाले आहे. या पशुधनाचा सांभाळ करण्यासाठी ७० हजार पशुपालकांचा मुक्काम छावणीत आहे. श्रीगोंदे तालुक्‍यात तर छावणीत विवाहही पार पडला होता. छावणी हे एक प्रकारचे वसवलेले गावच बनले आहे. हे गाव अजून किमान अडीच महिने तसेच राहणार आहे.  

तालुकानिहाय सुरू असलेल्या छावण्या ः पाथर्डी -१०१, कर्जत - ८८, जामखेड - ५७, नगर - ५९, पारनेर - ४०, शेवगाव - ५९, श्रीगोंदे - ५४.

इतर ताज्या घडामोडी
लोकसभेच्या निकालावर ठरेल विधानसभेची...नगर ः लोकसभा निवडणुकीत कोणत्या मतदारसंघातून...
उष्णतावाढीमुळे यावर्षीही साताऱ्यात आले...सातारा  ः मागील तीन ते चार वर्षांपासून मे...
नांदेड जिल्ह्यात १२१ टॅंकरने पाणीपुरवठानांदेड  ः नांदेड जिल्ह्यातील पाणीटंचाईचे...
जलसंधारण कामांसाठी पुणे जिल्ह्याला ११...शेटफळगढे, जि. पुणे  : जिल्ह्यातील जलयुक्त...
पाणीप्रश्नी किनगाव ग्रामपंचायतीवर...रोहिलागड, जि. जालना  : किनगाव येथील महिलांनी...
अठराशेवर गावांमध्ये घेतल्या जाणार २६५२...औरंगाबाद   : येत्या खरीप हंगामात...
खानदेशात बाजरी मळणीचा हंगाम आटोपलाजळगाव  ः खानदेशात बाजरीचा मळणी हंगाम आटोपला...
धुळे, नंदुरबारमध्ये राष्ट्रीयीकृत...धुळे : धुळे व नंदुरबार जिल्हा बॅंकेने १२ हजारांवर...
कोल्हापुरात ‘पाणीबाणी’ची शक्यताकोल्हापूर : जिल्ह्यात वेळेवर पाऊस सुरू न झाल्यास...
आरग येथे नागिलीच्या पानांचे सौदे सुरूसांगली  ः कधीकाळी खाण्यासाठी वापरण्यात...
अकोला जिल्ह्यात २० टक्क्यांपर्यंत...अकोला :  आगामी खरीप हंगामासाठी जिल्ह्यात पीक...
नगर जिल्ह्यातील १२४ गावांचे पाणी दूषितनगर  : जिल्ह्यातील २६४५ गावांचे पाणीनमुने...
बुलडाणा जिल्हा कृषी विक्रेता संघटनेच्या...बुलडाणा ः जिल्हा कृषी विक्रेता संघटनेची १४...
निफाड तालुक्यात द्राक्षबागांच्या...नाशिक  : निफाड तालुक्यातील द्राक्षबागांमध्ये...
सोलापूर जिल्हा परिषद करणार ‘रोहयो’ची...सोलापूर ः जिल्हा परिषदेच्या वतीने यंदाच्या...
भूगर्भात पाणीसाठा टिकविण्यासाठी भूमिगत...भूमिगत बंधारा बांधण्याचे काम जमिनीखाली असल्याने...
सरकारने शेतकऱ्यांच्या समस्यांत टाकली...नागपूर ः दुष्काळी मदत नाही, कर्जमाफीच्या...
वडगाव येथील पाटबंधारे कार्यालयासमोर...वडगाव निंबाळकर, जि. पुणे  ः नीरा डावा...
पुणे बाजार समितीवर पुन्हा प्रशासकीय...पुणे : विधानसभा निवडणुकांच्या तोंडावर पुणे बाजार...
अळिंबी उत्पादनातून केली संकटांवर मातलोणी (जि. जळगाव) येथील अनिल माळी यांच्याकडे कृषी...