agriculture news in marathi, dam storage level become decrease, pune, maharashtra | Agrowon

पुणे जिल्ह्यात पंधरा दिवसांत पाणीसाठा २३ टीएमसीने घटला
टीम अॅग्रोवन
मंगळवार, 13 नोव्हेंबर 2018

पुणे : दुष्काळाच्या झळा वाढत असतानाच पुणे जिल्ह्यातील धरणांमधील पाणीसाठा वेगाने खालावत आहे. गेल्या १५ दिवसांमध्ये पुण्यातील धरणांमधील पाणीसाठ्यात तब्बल २३ टीएमसीने घट झाल्याचे दिसून आले आहे. सोमवारी (ता. १२) उजनीसह जिल्ह्यातील सर्व २५ धरणांमध्ये मिळून १६२ टीएमसी (७५ टक्के) उपयुक्त पाणीसाठा शिल्लक राहिला आहे. पिण्यासाठी आणि शेतीसाठी पाण्याची मागणी वाढली असून, धरणांच्या कालव्यातून सिंचनासाठी पाणी सोडण्यात येत असल्याने पाणीसाठा वेगाने कमी होत आहे.

पुणे : दुष्काळाच्या झळा वाढत असतानाच पुणे जिल्ह्यातील धरणांमधील पाणीसाठा वेगाने खालावत आहे. गेल्या १५ दिवसांमध्ये पुण्यातील धरणांमधील पाणीसाठ्यात तब्बल २३ टीएमसीने घट झाल्याचे दिसून आले आहे. सोमवारी (ता. १२) उजनीसह जिल्ह्यातील सर्व २५ धरणांमध्ये मिळून १६२ टीएमसी (७५ टक्के) उपयुक्त पाणीसाठा शिल्लक राहिला आहे. पिण्यासाठी आणि शेतीसाठी पाण्याची मागणी वाढली असून, धरणांच्या कालव्यातून सिंचनासाठी पाणी सोडण्यात येत असल्याने पाणीसाठा वेगाने कमी होत आहे.

उजनीसह जिल्ह्यातील सर्व २५ धरणांंची उपयुक्त पाणीसाठा क्षमता २१६.८४ टीएमसी आहे. पंधरा दिवसांपूर्वी (२९ ऑक्टोबर) सर्व धरणांमध्ये १८५.४१ टीएमसी (८५ टक्के) पाणीसाठा होता. मात्र गेल्या पंधरवड्यात पाणीसाठ्यात तब्बल २३ टीएमसीहून अधिक (१० टक्के) घट झाल्याचे दिसून येत आहे. उजनी धरणातील अचल (६३.६५ टीएमसी) आणि उपयुक्त (३७.१६ टीएमसी) पाणीसाठ्याचा विचार करता धरणामध्ये एकूण १००.८१ टीएमसी (८६ टक्के) पाणीसाठा शिल्लक आहे. उजनीतील पाणीसाठा वेगाने कमी होऊ लागला आहे.

मुठा खोऱ्यातील टेमघर धरण तळाशी गेले असून, खडकवासला, वरसगाव, पानशेतसह धरणांमध्ये मिळून सुमारे २२.९९ टीएमसी पाणीसाठा शिल्लक आहे. मुळा नदीच्या खोऱ्यातील पवना, मुळशी, भीमेच्या उपखोऱ्यातील चासकमान, भामा आसखेड धरणांमधील पाणीसाठा कमी होत आहे. नीरा नदीच्या खोऱ्यातील नाझरे धरण जवळपास अचल पातळीत आहे. नीरा देवघर, भाटघर, गुंजवणीत चांगला पाणीसाठा असून, वीर धरणात निम्मा पाणीसाठा आहे. कुकडी खोऱ्यातील धरणांमध्येही सध्या २१.९१ टीएमसी पाणी शिल्लक आहे.

जिल्ह्यातील धरणांमध्ये पिंपळगाव जोगे, येडगाव, डिंभे, घोड, चासकमान, खडकवासला, वीर आणि उजनी या धरणांच्या कालव्यातून पाणी सोडण्यात येत आहे. माणिकडोह, भामा आसखेड, पवना, वरसगाव, पानशेत, खडकवासला, नीरा देवघर, भाटघर या धरणांमधून पॉवर हाउस, नदीपात्र, बंद पाइपलाइनमधूनही पाण्याचा विसर्ग सुरू आहे. यंदा नोव्हेंबर महिन्यातच २५ टक्के पाणीसाठा कमी झाल्याने पुढील सात ते आठ महिन्यांत उर्वरित पाण्याचे काटकसरीने नियोजन करावे लागणार आहे.
 
सोमवारी (ता. १२) जिल्ह्यातील धरणांचा पाणीसाठा (टीएमसी) कंसात टक्केवारी : टेमघर ०.२१ (६), वरसगाव १२.०४ (९४), पानशेत ९.२८ (८७), खडकवासला १.३७ (७०), पवना ७.२२ (८५), कासारसाई ०.४८ (८५), मुळशी १५.१४ (८२), कलमोडी १.५० (१००), चासकमान ५.७२ (७६), भामा अासखेड ६.१५ (८०), आंद्रा २.६५ (९१), वडीवळे १.०१ (९४), गुंजवणी २.७५ (७४), भाटघर २२.४६ (९६), नीरा देवघर १०.६८ (९१), वीर ४.११ (४४), नाझरे ०.०, माणिकडोह ४.८९ (४८), पिंपळगाव जोगे २.०८ (५४), येडगाव १.४२ (५१), वडज ०.७० (६०), डिंभे ९.९४ (८०), घोड २.८८ (५३).

इतर ताज्या घडामोडी
बियांद्वारे मिळवता येतील भाताचे ‘क्लोन’ बियांद्वारे मिळवता येतील भाताचे ‘क्लोन’...
प्रथिनांद्वारे मिळवता येईल अधिक टिकाऊ...निसर्गातील कोळ्याच्या धाग्यापासून प्रेरणा घेत चीन...
ऊसतोडणी कामगारांच्या गावांत दुष्काळी...नगर ः जनावरे जगवण्यासाठी आणि रोजगाराच्या शोधात...
नामपूरात शेतमालाला दर, कर्जमाफीसाठी...नामपूर, जि. नाशिक : कांदा पिकासह शेतमालाचे...
वजनकाट्यात घोळ करणाऱ्यांनी लाज बाळगावीमाळेगाव, जि. पुणे ः ‘माळेगाव साखर कारखान्याचे...
कोल्हापूर जिल्ह्यास ३०० एकर तुती...कोल्हापूर : महारेशीम अभियानांतर्गत कोल्हापूर...
हमीभावाने साडेदहा हजार क्विंटल शेतीमाल...नांदेड ः नांदेड, परभणी, हिंगोली जिल्ह्यांमध्ये...
पुणे बाजारात भाजीपाल्यांचे दर स्थिर;...पुणे ः गुलटेकडी येथील कृषी उत्पन्न बाजार...
केळी सल्लाकेळी पिकाची उत्तम वाढ व उत्पादनासाठी सरासरी किमान...
करडईवरील मावा किडीचे नियंत्रणकरडई हे रब्बी हंगामातील प्रमुख तेलबियापैकी...
रताळे उत्पादनवाढीसाठी ओडिशाचा...पेरू येथील आंतरराष्ट्रीय बटाटा केंद्राच्या...
सिंधुदुर्ग जिल्ह्यात गीर, साहिवाल...पुणे : सिंधुदुर्ग जिल्ह्यात दुग्ध आणि कुक्कुट...
औरंगाबाद जिल्ह्यात ४६९७ क्‍विंटल...औरंगाबाद : हमीभावाअंतर्गत औरंगाबाद जिल्ह्यात मका...
मराठवाड्यातील ५६९ गाव-वाड्यांना टॅंकरऔरंगाबाद : मराठवाड्यातील पाणीटंचाईचा सामना...
तुरीला ५००० पर्यंत दर, देशी वाणांना...जळगाव : खानदेशात तुरीची मळणी अनेक भागात सुरू झाली...
टँकरऐवजी पाइपलाइनने पाणीपुरवठा करा :...नागपूर : अपुऱ्या व अनियमित पावसामुळे जिल्ह्यातील...
दिल्लीतील व्यावसायिकांनी फळबागा...नगर : नगर जिल्ह्यामधील पाथर्डी तालुक्‍यातील तीव्र...
सातारा जिल्ह्यातील धरणांत अल्प साठासातारा : जिल्ह्यातील प्रमुख धरणांत गतवर्षीच्या...
नाशिक जिल्हा बँकेत खडखडाट तरी सचिवांना...नाशिक : एकीकडे सभासदांना पुरेशी रक्कम देण्यास...
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...