agriculture news in marathi, dam storage status, nashik, maharashtra | Agrowon

नाशिकमधील प्रमुख धरणांमध्ये ३५ टक्के पाणीसाठा
टीम अॅग्रोवन
रविवार, 15 एप्रिल 2018
नाशिक  : रणरणत्या उन्हाने तापलेल्या जिल्ह्यातील प्रमुख २४ धरणांमध्ये आजमितीस ३५ टक्के, तर शहराला पाणीपुरवठा करणाऱ्या गंगापूर धरणासह समूहात प्रत्येकी ४८ टक्के साठा उपलब्ध आहे. जिल्ह्यातील एकूणच उपलब्ध जलसाठा बघता तो जून अखेरपर्यंत पुरणार असल्याने नागरिकांसाठी ही दिलासादायक बाब आहे. 
 
नाशिक  : रणरणत्या उन्हाने तापलेल्या जिल्ह्यातील प्रमुख २४ धरणांमध्ये आजमितीस ३५ टक्के, तर शहराला पाणीपुरवठा करणाऱ्या गंगापूर धरणासह समूहात प्रत्येकी ४८ टक्के साठा उपलब्ध आहे. जिल्ह्यातील एकूणच उपलब्ध जलसाठा बघता तो जून अखेरपर्यंत पुरणार असल्याने नागरिकांसाठी ही दिलासादायक बाब आहे. 
 
विशेष म्हणजे गेल्या वर्षीच्या तुलनेत यंदा सरासरी तीन टक्के पाणीसाठा अधिक आहे. यंदा एप्रिल महिन्यातील पहिल्याच आठवड्यात जिल्ह्याचा पारा चाळिशीपर्यंत पोहोचला होता. सद्यःस्थितीत पारा ३८ अंशांवर आहे. वाढत्या उन्हाने नागरिक घामाघूम झाले आहेत. ग्रामीण भागात काही तालुक्‍यांमध्ये पाणीटंचाईचे चटके बसण्यास सुरवात झाली आहे. अशा ठिकाणी टॅंकरने पाणीपुरवठा केला जात आहे. मात्र, जिल्ह्यातील प्रमुख धरणांमध्ये पुरेसा साठा असल्याचे चित्र आहे.
 
दरम्यान, चोवीस धरणांमध्ये ३५ टक्के पाणी आहे. गतवर्षी याचकाळात हा साठा २०,२३७ दलघफू म्हणजेच ३० टक्के साठा होता. नाशिक शहराला पाणीपुरवठा करणाऱ्या गंगापूर धरणात २७०५ दलघफू पाणीसाठा आहे. समूहातील चार प्रकल्पांत ४९५७ दलघफू साठा आहे.
 
जिल्ह्यातील दुसऱ्या महत्त्वाच्या दारणा समूहातील सात धरणांमध्ये आजमितीस ८२५९ दलघफू एवढा साठा आहे. त्यातही एकट्या दारणा धरणात ४७०१ म्हणजेच ६१ टक्के पाणीसाठा आहे. पालेखड समूहात २५१६ दलघफू (३० टक्के) तर ओझरखेड समूहात १०९३ दलघफू (३४ टक्के) साठा आहे. गिरणा खोऱ्यातील सात धरणांमध्ये ६९०० तसेच चणकापूर धरणात १२०३ दलघफू साठा आहे.
 
जिल्ह्यात गतवर्षीपेक्षा यंदा तीन टक्के साठा अधिक आहे. यंदाच्या हंगामात धरणांमधून आवर्तने सोडण्यात आली आहे. आता मे महिन्याच्या मध्यात काही तालुक्‍यांसाठी प्रमुख धरणांमधून दोन ते तीन आवर्तने द्यावी लागणार आहे. त्यामुळे आजमितीस उपलब्ध पाण्याचा विचार केल्यास प्रमुख धरणांमधील पाणी हे जून अखेरपर्यंत पुरेल, अशी माहिती जलसंपदा विभागाकडून देण्यात आली आहे.

इतर ताज्या घडामोडी
समुद्राच्या उधाणामुळे पीक नुकसान ...मुंबई  : समुद्र किनाऱ्यावरील शेतीचे तसेच...
‘मग्रारोहयो’त २८ नव्या कामांचा समावेशनागपूर : महात्मा गांधी राष्ट्रीय ग्रामीण...
पुणे जिल्ह्यात तीन लाख जमीन...पुणे   ः जमिनीतील विविध घटकांची माहिती...
पुणे जिल्हा परिषदेत दर रविवारी ‘...पुणे  : स्वयंसहायता समूहाच्या (बचत गट)...
गोदावरी कालव्यांचे लोकसहभागातून...कोपरगाव, जि. नगर ः शंभर वर्षांहुन अधिक आयुर्मांन...
सातारा जिल्ह्यात रब्बीत अवघे नऊ टक्के...सातारा  ः रब्बी हंगामात पीक कर्जाकडे...
महालक्ष्मी सरस प्रदर्शनामुळे  ग्रामीण...मुंबई   ः ॲमेझॉन, फ्लिपकार्टच्या...
सहकारमंत्र्यांनी राजीनामा द्यावा :...सोलापूर  ः उसाची एकरकमी एफआरपी देण्यात साखर...
काँग्रेसमध्ये नवचैतन्य; प्रियंका गांधी...नवी दिल्ली : काँग्रेस अध्यक्ष राहुल गांधी...
पीकनिहाय सेंद्रिय खत व्यवस्थापनपशुपालनातून जमिनीची सुपीकता हा विषय आता...
परोपजीवी मित्र-कीटकांची ओळखसध्या केवळ कीडनियंत्रणासाठी कीटकनाशकांच्या...
खोडवा उसाला द्या शिफारशीत खतमात्रापाण्याची उपलब्धता लक्षात घेऊन रासायनिक खतांचा...
परभणीत काकडी १००० ते १५०० रुपये क्विंटलपरभणी : येथील पाथरी रस्त्यावरील फळे,...
मागण्यांसाठी संग्रामपूर येथे...बुलडाणा  ः जनावरांसाठी चारा नाही, लोकांना...
शेतकऱ्यांनी पाडली तूर खरेदी बंदयवतमाळ : हमीभावापेक्षा ९०० ते १००० रुपये कमी...
कर्जमाफीसाठी पॉलिहाउस शेडनेटधारक...नगर  : पॉलिहाउस शेडनेटधारक शेतकऱ्यांचे...
विदर्भात पाच ठिकाणी होणार ब्रिज कम...अमरावती  ः भूजल पुनर्भरणाच्या उद्देशाने...
सोलापूर जिल्ह्यातील १६२ पाणंद...सोलापूर : सोलापूर जिल्ह्यात पालकमंत्री पाणंद...
खानदेशात मक्याची आवक नगण्यजळगाव : खानदेशातील प्रमुख बाजार समित्यांमध्ये मक्...
सातारा जिल्ह्यात ४६ लाख ३५ हजार टन ऊस...सातारा : जिल्ह्यातील ऊस गाळप हंगाम वेगात...