agriculture news in marathi, dam storage status in varhad, maharashtra | Agrowon

वऱ्हाडातील प्रकल्पांची ‘तहान’ कायम
गोपाल हागे
बुधवार, 18 ऑक्टोबर 2017
अकोला  ः दिवाळीचे पर्व सुरू झाले; मात्र या संपूर्ण हंगामात वऱ्हाडात दमदार पावसाची प्रतीक्षा कायम राहिली. कमी पावसाचा ताण आता संपूर्ण वर्षभर सहन करावा लागणार आहे. विशेषतः प्रकल्प भरले नसल्याने त्याचा पाणीटंचाई, तसेच रब्बीत होणाऱ्या सिंचनावरही परिणाम जाणवणार आहे.वऱ्हाडातील तीनही जिल्ह्यांमध्ये अगदी बोटावर मोजण्याएवढे प्रकल्प तुडुंब भरले, तर बहुतांश प्रकल्प हे तहानलेलेच आहेत. 
 
अकोला  ः दिवाळीचे पर्व सुरू झाले; मात्र या संपूर्ण हंगामात वऱ्हाडात दमदार पावसाची प्रतीक्षा कायम राहिली. कमी पावसाचा ताण आता संपूर्ण वर्षभर सहन करावा लागणार आहे. विशेषतः प्रकल्प भरले नसल्याने त्याचा पाणीटंचाई, तसेच रब्बीत होणाऱ्या सिंचनावरही परिणाम जाणवणार आहे.वऱ्हाडातील तीनही जिल्ह्यांमध्ये अगदी बोटावर मोजण्याएवढे प्रकल्प तुडुंब भरले, तर बहुतांश प्रकल्प हे तहानलेलेच आहेत. 
 
अकोला जिल्ह्यातील वाण हा एकमेव प्रकल्प पूर्ण क्षमतेने भरला आहे. त्यात सध्या ९५ टक्‍क्‍यांवर साठा झालेला आहे. दुसरा मोठा प्रकल्प असलेल्या काटेपूर्णात मात्र सुमारे २५ टक्केसुद्धा पाणीसाठा नाही. सध्या या प्रकल्पात अवघा २१ टक्के साठा झालेला असून, याच प्रकल्पावरून अकोला महानगरातील लाखो नागरिकांसह तालुक्‍यातील ग्रामीण पाणीपुरवठा योजना अवलंबून आहेत. प्रकल्पातील स्थिती पाहता याआधीच ग्रामीण पाणीपुरवठा योजनांचा पुरवठा थांबविण्यात आला आहे. प्रकल्पात पिण्यासाठीच वर्षभर पुरेल एवढे पाणी नसल्याने सिंचनाचा प्रश्‍नच या वर्षी उद्‌भवण्याची शक्‍यता नाही.
 
बुलडाणा जिल्ह्यातील प्रकल्पांची स्थिती थोडीशी ठीक आहे. या जिल्ह्यातील नळगंगा प्रकल्पात ४१ टक्के, पेनटाकळीमध्ये ४४, तर खडकपूर्णामध्ये २० टक्के जलसाठा आहे. वाशीम जिल्ह्यात मोठा प्रकल्प नसून, त्या ठिकाणी मध्यम व लघू प्रकल्प आहेत. अकोला जिल्ह्यात असलेल्या निर्गुणा या मध्यम प्रकल्पात ५८, मोर्णा प्रकल्पात १८, तर उमा प्रकल्पात ९.९३ टक्के पाणीसाठा शिल्लक आहे. वाशीम जिल्ह्यातील अडाण प्रकल्पातील साठा सध्या ३४ टक्‍क्‍यांपर्यंत पोचलेला आहे. दुसरा महत्त्वाचा असलेल्या एकबुर्जी प्रकल्पात ३० टक्के पाणीसाठा झालेला आहे.
 
बुलडाणा जिल्ह्यात पलढग हा मध्यम प्रकल्प १०० टक्के भरला आहे. त्याशिवाय ज्ञानगंगात ५५, मस प्रकल्पात २८, कोराडी प्रकल्पात ३५, तोरणामध्ये ४०, तर उतावळी प्रकल्पात ३९ टक्के पाणीसाठा आहे. एकूणच उपरोक्त तीनही जिल्ह्यांतील प्रकल्पांची स्थिती बघितली, तर कमी पावसामुळे पाणी स्थिती चिंतनीय आहे. 
 
पावसाळ्यातील चारही महिन्यांत सलग व दमदार पाऊस न झाल्याने नदी-नाले फारसे वाहले नाहीत. याचा फटका प्रकल्पांना बसला. दरवर्षी भरणारे प्रकल्प या वर्षी रिकामे आहेत. जवळपास ९० टक्‍क्‍यांवर प्रकल्पांची स्थिती सारखी असल्याने चिंतेचा सूर उमटत आहे. किमान परतीच्या पावसाने ही कसर भरून काढली तर ठीक होईल. अन्यथा डिसेंबर-जानेवारीपासूनच पाणीटंचाईला सामोरे जावे लागण्याची शक्‍यता आहे. आधीच विहिरी, कूपनलिकांमधील पाणीपातळी सातत्याने कमी होत असून, आता विहिरींतील पंप टप्पे घेत आहेत.
 

इतर अॅग्रो विशेष
भारताला 'बीजी थ्री’कापसाची अद्याप...भारतात बीटी कापसातील ‘बीजी टू’ हे तंत्रज्ञान...
का झाले बीटीचे वाटोळे?राज्यात सुमारे १५० लाख हेक्टरवर खरिपाचा पेरा होतो...
अनधिकृत कापूस बियाणे आणि हतबल सरकारमहाराष्ट्र सरकारच्या कृषी विभागाने ...
नवे संशोधन, नवे वाण ही काळाची गरज...आधुनिक तंत्रज्ञानाच्या प्रसारास झालेला विलंब...
मुबलक पाणी... पण् पैशाअभावी शेत नापेरजळगाव ः कर्जमाफीच्या यादीत पाच महिन्यांपूर्वी नाव...
एच. टी. तंत्रज्ञानाला मान्यता देऊन...पुणे ः राज्यासह देशभरातील महत्त्वाच्या कापूस...
कोकण, दक्षिण मध्य महाराष्ट्रात आज...पुणे : राज्यात मॉन्सूनच्या पावसाला सुरवात झाली...
'श्रीं'ची पालखी निघाली पंढरीला...शेगाव जि. बुलडाणा ः श्री संत गजानन महाराज...
नाशिककरांना आज मिळणार जमीन समृद्ध... नाशिक ः ‘समृद्ध माती, जमीन सुपीकता आणि पीक...
माॅन्सूनची प्रगती शनिवारनंतर ?पुणे : जवळपास आठवडाभरापासून नैऋत्य मोसमी...
`एचटीबीटी` कापूस बियाण्याच्या...पुणे : बोंड अळीला प्रतिकारक म्हणून चढ्या...
बोंड अळी नियंत्रणासाठी `गुजरात पॅटर्न`...बोंडअळी निर्मूलनासाठी गुजरात राज्यात कापूस...
शेतकऱ्यांना देणार उत्तम पर्याय : नॅशनल..."बीटी तंत्रज्ञानामुळे उत्पादकता वाढली, असा गैरसमज...
कपाशीत आधुनिक तंत्रज्ञान वापरात चीनची...कृषी उत्पादकता वाढीसाठी जाणीवपूर्वक व नियोजनबद्ध...
बोंड अळीच्या धास्तीमुळे कापसातील तेजी...पुणे : यंदाच्या हंगामात आंतरराष्ट्रीय आणि...
दुधानंतर आता गायींचे दर घसरलेसांगली : गाईच्या दुधाला दर मिळत नसल्याने मागणी...
मुख्यमंत्री सहायता निधीतून रुग्णांना...मुंबई : मुख्यमंत्री सहाय्यता निधी कक्षातून...
कोकण, मध्य महाराष्ट्रात जोर वाढणार;...पुणे  : मॉन्सून सक्रिय होऊ लागल्याने कोकण...
तेलबिया आयात शुल्कवाढ, साठामर्यादा...मुंबई ः केंद्र सरकारने नुकतेच आयात होणाऱ्या कच्चे...
दूध दर, एफआरपीप्रश्नी मोर्चा काढणार ः...कोल्हापूर : उसाची थकीत एफआरपी व गाय दूध...