agriculture news in marathi, dam water storage level status, khandesh,maharashtra | Agrowon

खानदेशातील प्रकल्पांमध्ये ४५ टक्के पाणीसाठा
टीम अॅग्रोवन
मंगळवार, 3 एप्रिल 2018
जळगाव  ः खानदेशातील लहान व मोठ्या प्रकल्पांमधील पाणीसाठा सरासरी ४५ टक्‍क्‍यांवर आला आहे. महत्त्वाच्या गिरणा, हतनूर व पांझरा या धरणांमधील साठा ५० टक्‍क्‍यांखाली आला असून, परिणामी पिण्याच्या पाण्याचे संकटही पुढे गंभीर बनेल की काय अशी स्थिती आहे. 
 
धुळे जिल्ह्यातील पांझरा प्रकल्प परतीच्या पावसात बऱ्यापैकी भरला. त्यातून पाणीही सोडण्यात आले. परंतु आजघडीला या प्रकल्पातील साठा ६० टक्‍क्‍यांखाली आला आहे. या प्रकल्पामुळे धुळे व शिंदखेडा तालुक्‍यांतील सुमारे १० हजार हेक्‍टर शेतीला लाभ होतो.
 
जळगाव  ः खानदेशातील लहान व मोठ्या प्रकल्पांमधील पाणीसाठा सरासरी ४५ टक्‍क्‍यांवर आला आहे. महत्त्वाच्या गिरणा, हतनूर व पांझरा या धरणांमधील साठा ५० टक्‍क्‍यांखाली आला असून, परिणामी पिण्याच्या पाण्याचे संकटही पुढे गंभीर बनेल की काय अशी स्थिती आहे. 
 
धुळे जिल्ह्यातील पांझरा प्रकल्प परतीच्या पावसात बऱ्यापैकी भरला. त्यातून पाणीही सोडण्यात आले. परंतु आजघडीला या प्रकल्पातील साठा ६० टक्‍क्‍यांखाली आला आहे. या प्रकल्पामुळे धुळे व शिंदखेडा तालुक्‍यांतील सुमारे १० हजार हेक्‍टर शेतीला लाभ होतो.
 
परंतु पिण्याच्या पाण्याचा वाटाही या प्रकल्पावर असल्याने शेतीसाठी मुबलक पाणी यंदाही मिळू शकले नाहीत. त्यातच उन्हाळा सुरू होऊन एक महिना झालेला असताना या प्रकल्पातील पाणीसाठा झपाट्याने कमी होत आहे. धुळ्यातील इतर मध्यम प्रकल्पांमधील पाणीसाठा ३० टक्केच आहे. शिंदखेडा, साक्रीमधील प्रकल्प आटू लागले आहेत. बुराई प्रकल्पात तर जेमतेम पाणीसाठा आहे. नंदुरबार जिल्ह्यातील सारंगखेडा, प्रकाशा बॅरेजमध्ये पाणीसाठा आहे. त्याचा उपयोग संबंधित बॅरेजच्या काठावरील गावांची शेती व पिण्याचे पाणी यासाठी होत आहे. या बॅरेजमध्येही ६० टक्के पाणीसाठा आहे.
 
जळगाव जिल्ह्यातील बहुळा, मन्याड, तामसवाडी, पद्मालय आदी लघू व मध्यम प्रकल्पांमधील पाणीसाठा स्थिती बिकट असून, ते कोरडेठाक झाले आहे. मन्याडमधून एकच आवर्तन शेतीसाठी सोडले. जामनेरातील तोंडापूर प्रकल्पातदेखील ५५ टक्के पाणीसाठा आहे. रावेरमधील सुकी, अभोळा, मंगरूळ या प्रकल्पांमधील सरासरी साठा ४० टक्के आहे. यंदा मंगरूळ धरण फक्त १०० टक्के भरले होते. त्यात सध्या ६३ टक्के पाणीसाठा आहे. यावलमधील मोर प्रकल्पातील साठाही ३५ टक्‍क्‍यांवर आला आहे. 
 
शिरपूर (जि. धुळे) तालुक्‍यातील अनेर प्रकल्पातील साठाही ३० टक्‍क्‍यांवर आला आहे. सातपुडा पर्वतातून येणाऱ्या नद्या यंदा भरपावसाळ्यात कोरड्या होत्या. त्यामुळे सातपुडा पर्वतालगतचे प्रकल्पही कोरडे पडू लागले आहेत. 
गिरणा धरणातील पाणीसाठा ३५ टक्‍क्‍यांवर आहे. त्यातून यंदा दोनच आवर्तने सोडली. हतनूरमध्येही फक्त ३० टक्‍के पाणीसाठा असून, त्यातून तीन आवर्तने सोडली होती. पुढे भुसावळ शहरासह जळगावमधील औद्योगिक वसाहतीला या प्रकल्पातून पाण्याचा पुरवठा केला जाणार असून, जूनपर्यंत हा प्रकल्पही तळ गाठेल, असे सांगण्यात आले.
 
गिरणा धरणातून मंगळवारी (ता. ३) पिण्याच्या पाण्यासाठी नदीत आवर्तन सोडले जाणार आहे. गिरणा धरणावर पाचोरा, चाळीसगाव, भडगावसह इतर गावांच्या पिण्याच्या पाण्याची पूर्ण भिस्त आहे. एप्रिलमध्येच खानदेशातील प्रमुख व लघू प्रकल्प तळ गाठण्याच्या स्थितीत असल्याने पावसाळा सुरू होईपर्यंत काय काय समस्यांना तोंड द्यावे लागेल, असा मुद्दाही उपस्थित झाला आहे.

इतर ताज्या घडामोडी
परिषदेत पहिल्याच दिवशी राज्य सरकारची...मुंबई : विधान परिषदेचे पहिले विरोधी पक्षनेते...
जुन्नर तालुक्यात द्राक्ष बागांवर...नारायणगाव, जि. पुणे : जुन्नर तालुक्‍यातील द्राक्ष...
कर्जमुक्तीसह विविध मागण्यांसाठी...परभणी  : मानवत तालुक्यासह जिल्ह्यातील...
नाशिक जिल्ह्यात ३५०० द्राक्षप्लॉटची...नाशिक  : युरोपियन राष्ट्रांसह रशिया आणि अन्य...
शेतकऱ्यांनो, आत्महत्या करू नका ः आदित्य...बुलडाणा   ः तुम्ही संकटात असताना...
काकडी, दोडका, कारल्याच्या दरात सुधारणापुणे : गुलटेकडी येथील कृषी उत्पन्न बाजार...
‘गिरणा‘च्या पाण्यासाठी वाळूचा बंधाराजळगाव : गिरणा नदीतून पिण्यासह शेतीच्या पाण्याचे...
‘समृद्धी’च्या उभारणीसाठी रॉयल्टीत देणार...नाशिक   : मुंबई-नागपूर समृद्धी महामार्गाच्या...
व्याजासह एफआरपी दिल्याशिवाय...पुणे  : राज्यातील साखर कारखान्यांनी थकीत...
कोल्हापुरात पहिल्या टप्प्यात गूळदरात वाढकोल्हापूर  ः यंदाच्या गूळ हंगामाला सुरवात...
सरुड येथील गुऱ्हाळघरमालक उसाला देणार...कोल्हापूर : गुऱ्हाळघर व्यवसायात व्यावसायिकपणा...
नगर जिल्ह्यात १७८ टॅंकरद्वारे पाणीपुरवठानगर   : जिल्ह्यात यंदा गंभीर पाणीटंचाई जाणवत...
पुणे बाजार समितीत हापूस आंब्यांची आवकपुणे  ः कोकणातील हापूस आंब्यांची या...
सातारा जिल्ह्यात पाणीटंचाई वाढलीसातारा   ः जिल्ह्याच्या पूर्व भागात...
नागपूर जिल्ह्यात रब्बीची २१ टक्के पेरणीनागपूर   ः पाणी उपलब्धतेची अडचण, जमिनीत...
राज्यकर्ते दूध भेसळ का थांबवत नाहीत :...पुणे : राज्यात राजरोस दुधात भेसळ सुरू असून, अन्न...
आर. आर. पाटील यांचे स्मारक युवकांना...सांगली   ः आर. आर. पाटील यांनी ग्रामविकास,...
जळगाव जिल्हा परिषद पाणी योजनांचे वीज...जळगाव : पाणी योजनांचे बिल भरण्यात आले नसल्याने...
जमीन सुपीकतेसाठी सेंद्रिय कर्बाचे...जमिनीच्या सुपीकतेमध्ये सेंद्रिय कर्ब हे अत्यंत...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...