औरंगाबाद : मराठवाड्यातील ७४६ लघुप्रकल्पांत केवळ ७.७९ टक्‍के उपयुक्‍त पाणीसाठा शिल्लक आहे. ७५ मध्यम प्रकल्पांत केवळ १४.३७ टक्‍केच उपयुक्‍त पाणीसाठा शिल्लक असल्याने मराठवाड्यातील पाणीटंचाई तीव्र होण्याची शक्‍यता वर्तविली आहे.
मराठवाड्यातील एकूण ८६७ लघु प्रकल्पांत १५.२७ टक्‍के उपयुक्‍त पाणीसाठा शिल्लक आहे. ११ मोठ्या प्रकल्पांत १७.७०, गोदावरी नदीवरील ११ बंधाऱ्यांत १८.७४ तर तेरणा, मांजरा, रेणा नदीवरील २४ बंधाऱ्यांत १२.४२ टक्‍के उपयुक्‍त पाणीसाठा शिल्लक आहे. औरंगाबाद जिल्ह्यातील १६ मध्यम प्रकल्पांत केवळ १ टक्‍का उपयुक्‍त पाणीसाठा शिल्लक आहे.
जालना जिल्ह्यातील ७ मध्यम प्रकल्पात १३, बीड जिल्ह्यातील १६ प्रकल्पांत २३, लातूर जिल्ह्यातील ८ प्रकल्पांत १२, उस्मानाबाद जिल्ह्यातील १७ प्रकल्पांत २२, नांदेड जिल्ह्यातील ९ प्रकल्पांत १९, परभणी जिल्ह्यातील २ प्रकल्पांत केवळ ६ टक्‍केच उपयुक्‍त पाणीसाठा शिल्लक आहे.
औरंगाबाद जिल्ह्यातील ९३ लघुप्रकल्पांत ६, जालना जिल्ह्यातील ५७ प्रकल्पांत ५, बीड जिल्ह्यातील १२६ प्रकल्पांत ८, लातूर जिल्ह्यातील १३२ प्रकल्पांत ९, उस्मानाबाद जिल्ह्यातील २०१ प्रकल्पांत ९, नांदेड जिल्ह्यातील ८८ प्रकल्पांत ९, परभणी जिल्ह्यातील २२ प्रकल्पांत ६ तर हिंगोली जिल्ह्यातील २७ लघुप्रकल्पांत केवळ २ टक्‍केच उपयुक्‍त पाणीसाठा शिल्लक आहे. गतवर्षी १८ मेपर्यंत मराठवाड्यातील ७४६ लघुप्रकल्पांत १२ टक्‍के उपयुक्‍त पाणीसाठा शिल्लक होता.
मराठवाड्यातील अकरा मोठ्या प्रकल्पांपैकी येलदरी, सिध्देश्‍वर, उर्ध्व पेनगंगा या तीन मोठ्या प्रकल्पांत उपयुक्‍त पाणीसाठा शिल्लक नाही. शिवाय निम्न मनार प्रकल्पात ४ तर सिना कोळेगाव प्रकल्पात केवळ ९ टक्‍केच उपयुक्‍त पाणीसाठा शिल्लक आहे.
मराठवाड्यातील एकूण ७६ मध्यम प्रकल्पांपैकी २४ मध्यम प्रकल्पांत उपयुक्‍त पाणीसाठा शिल्लक नाही. त्यामध्ये औरंगाबाद जिल्ह्यातील सर्वाधिक १३, जालना, उस्मानाबाद व परभणी जिल्ह्यांतील प्रत्येकी १, बीड जिल्ह्यातील ४, लातूर व नांदेड जिल्ह्यांतील प्रत्येकी २ मध्यम प्रकल्पांचा समावेश आहे.
मराठवाड्यातील गोदावरी, मांजरा, रेणा, तेरणा या चार नद्यांवर ३५ बंधाऱ्यांची निर्मिती करण्यात आली आहे. या ३५ बंधाऱ्यांपैकी १० बंधाऱ्यांमध्ये उपयुक्‍त पाणीसाठा शिल्लक नाही. त्यामध्ये गोदावरी नदीवरील १ व तेरणा, मांजरा व रेणा नदीवरील ९ बंधाऱ्यांचा समावेश आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.