agriculture news in marathi, dam water storage status, pune, maharashtra | Agrowon

पुणे जिल्ह्यातील धरणे तळाशी
टीम अॅग्रोवन
रविवार, 19 मे 2019

पुणे  : जिल्ह्यातील धरणांमधील पाणीसाठा झपाट्याने खालावत आहे. पवना, मुळशी, पानशेत या धरणांमध्ये २ टीएमसीपेक्षा अधिक पाणीसाठा आहे. तर उर्वरित जवळपास सर्वच धरणे तळाशी गेली आहेत. कुकडी प्रकल्पातील पिंपळगाव जोगे, वडज, डिंभे, घोड ही धरणे अचल पातळीत पोचली आहेत. खडकवासला प्रकल्पातील टेमघर धरण कोरडे पडले असून, नाझरे धरणातही अत्यल्प पाणीसाठा आहे, अशी माहिती पुणे पाटबंधारे विभागातर्फे देण्यात आली. 

पुणे  : जिल्ह्यातील धरणांमधील पाणीसाठा झपाट्याने खालावत आहे. पवना, मुळशी, पानशेत या धरणांमध्ये २ टीएमसीपेक्षा अधिक पाणीसाठा आहे. तर उर्वरित जवळपास सर्वच धरणे तळाशी गेली आहेत. कुकडी प्रकल्पातील पिंपळगाव जोगे, वडज, डिंभे, घोड ही धरणे अचल पातळीत पोचली आहेत. खडकवासला प्रकल्पातील टेमघर धरण कोरडे पडले असून, नाझरे धरणातही अत्यल्प पाणीसाठा आहे, अशी माहिती पुणे पाटबंधारे विभागातर्फे देण्यात आली. 

उजनीसह पुणे जिल्ह्यातील सर्व २५ धरणांंची चल (उपयुक्त) पाणीसाठ्याची क्षमता २१६.८४ टीएमसी आहे. जिल्ह्यातील सर्व धरणांमध्ये शनिवारपर्यंत (ता. १८) १५.६३ टीएमसी म्हणजे ७ टक्के चल पाणीसाठा शिल्लक होता. उजनी धरणाचा पाणीसाठा उणे ४१ टक्क्यांवर पोचला असून, धरणाच्या अचल पातळीतील पाणसाठा २१.९१ टीएमसीने कमी झाला आहे. धरणाच्या अचल पातळीत ४३.७१ टीएमसी पाणी शिल्लक आहे. शेती आणि पिण्यासाठी पाणी सोडावे लागल्याने, वाढत्या उन्हामुळे होणाऱ्या बाष्पीभवनामुळे धरणातील पाणीसाठा कमी होत आहे. यातच पिण्याच्या पाण्याला प्राधान्य देत बरेचसे पाणी शिल्लक ठेवावे लागणार असून, शेतीसाठी पाणी देता येणार नाही.  

खडकवासला प्रकल्पातील टेमघर धरण पूर्णपणे कोरडे झाले असून, उर्वरित तीन धरणांत मिळून ६.४४ टीएमसी म्हणजेच २२ टक्के पाणीसाठा शिल्लक आहे. गतवर्षी याच वेळी सर्व धरणांत मिळून ४.४३ टीएमसी (१५ टक्के) पाणीसाठा शिल्लक आहे. पवना, मुळशी, पानशेत धरणांत २ टीएमसीपेक्षा जास्त, तर भाटघर, वरसगाव आणि आंध्रा धरणामध्ये १ टीएमसी पाणीसाठा आहे. तर उर्वरित सर्वच धरणांमध्ये अर्धा ते एक टीएमसीपेक्षा कमी पाणीसाठा शिल्लक आहे. मॉन्सूनच्या आगमनास उशीर होणार असल्याने उर्वरित जलसाठ्यातून पिण्यासाठी आणि शेतीसाठी पाण्याचे काटेकोर नियोजन करावे लागणार आहे.

शनिवारी (ता. १८) जिल्ह्यातील धरणांचा पाणीसाठा (टीएमसीमध्ये) कंसात टक्केवारी : वरसगाव १.४१(११), पानशेत २.४३ (२३), खडकवासला ०.५९ (३०), पवना २.०२ (२४), कासारसाई ०.१४ (२४), मुळशी २.२५ (१२), कलमोडी ०.२७ (१८), चासकमान ०.३१ (४), भामा आसखेड ०.७२ (९), आंद्रा १.३४ (४६), वडीवळे ०.४३ (४०), गुंजवणी ०.६६ (१८), भाटघर १.७० (७), नीरा देवघर ०.३७ (३), वीर ०.६४ (७), माणिकडोह ०.१५ (१), येडगाव ०.१२ (४). 

इतर ताज्या घडामोडी
कृषी विभाग म्हणते, पॉलिहाउस, शेडनेट...जळगाव ः खानदेशात १ ते ११ जून यादरम्यान झालेल्या...
केळी पीकविमाधारकांना परताव्यांची...जळगाव  ः हवामानावर आधारित फळ पीकविमा योजनेत...
कांदा निर्यात, प्रक्रियेवर भर गरजेचा ः...राजगुरुनगर, जि. पुणे : कांदा बाजारभावातील अनिश्‍...
सात महिन्यांपूर्वी विकलेल्या मुगाचे...अकोला ः नाफेडने खरेदी केलेल्या मुगाचे पैसे सात...
महावितरण’द्वारे देखभाल, दुरुस्तीची ९०३३...‘सातारा : थेट गावात जाऊन वीजयंत्रणेच्या देखभाल व...
रत्नागिरीत खतनिर्मिती कारखान्यावर छापारत्नागिरी : येथील एमआयडीसी परिसरात मच्छीच्या...
आषाढी पालखी सोहळ्यासाठी आरोग्य विभाग...पुणे : आषाढी वारीसाठी संतश्रेष्ठ ज्ञानेश्वर...
गोंदिया जिल्ह्यात २ लाख हेक्‍टरवर...गोंदिया ः राइससिटी असा लौकिक असलेल्या गोंदिया...
औरंगाबाद जिल्ह्यात पाण्यासाठी भटकंती औरंगाबाद : जिल्ह्यातील ७७८ गाव व २७२...
नांदेड, परभणी, हिंगोली जिल्ह्यांत कापूस...नांदेड : नांदेड, परभणी, हिंगोली जिल्ह्यांत २०१८-...
जतला कर्नाटकातून पाणी मिळणे धूसरसांगली : कर्नाटकातून कृष्णेचे पाणी जत तालुक्याला...
आषाढी वारीत ३५ हजार विद्यार्थी करणार...सोलापूर : आषाढी वारीत पाच विद्यापीठांतील ३५ हजार...
कात्रजकडून गायीच्या दूध खरेदीदरात वाढपुणे  : दुष्काळी स्थितीत दूध उत्पादक...
विधीमंडळ अधिवेशन ः सलग तिसऱ्या दिवशीही...मुंबई : पावसाळी अधिवेशनाच्या तिसऱ्या दिवशीही...
हायब्रीड बियाणे किमतीवर सरकारी नियंत्रण...पुणे  : महाराष्ट्रात दुष्काळी परिस्थिती...
सरकारला शेतकऱ्यांचे काहीच पडलेले नाही ः...मुंबई  : ''किडनी घ्या; पण बियाणे द्या...
‘सर्जा-राजा’ला माउलींच्या रथाचा मानमाळीनगर, जि. सोलापूर  : संत ज्ञानेश्‍वर...
पूर्णवेळ संचालकानेच लावले  `केम`...अमरावती  ः कृषी समृद्धी समन्वयित प्रकल्पातील...
तत्कालीन प्रकल्प अधिकारी ‘केम’...मुंबई : विदर्भातील सहा जिल्ह्यांतील कृषी...
कृषी सल्ला : पानवेल, गुलाब, ऊस, मका,...हवामान ः पुढील पाचही दिवस आकाश अंशतः ढगाळ राहील...