agriculture news in marathi, Daund taluka leads the sugarcane cultivation | Agrowon

ऊस लागवडीत दौंड तालुका आघाडीवर
टीम अॅग्रोवन
बुधवार, 10 जानेवारी 2018

पुणे : शेतकऱ्यांना शाश्वत उत्पन्न देणाऱ्या सुरू उसाच्या लागवडीस पुणे जिल्ह्यात सुरवात झाली आहे. जिल्ह्यात आडसाली, पूर्वहंगामी उसाच्या लागवडी पूर्ण झाल्या असून आतापर्यंत एकूण ६६ हजार ९९० हेक्टरवर लागवड झाली. यात दौंड तालुक्याने आघाडी घेत तब्बल १३ हजार ५४० हेक्टरवर या तालुक्यात लागवड झाली आहे.

पुणे : शेतकऱ्यांना शाश्वत उत्पन्न देणाऱ्या सुरू उसाच्या लागवडीस पुणे जिल्ह्यात सुरवात झाली आहे. जिल्ह्यात आडसाली, पूर्वहंगामी उसाच्या लागवडी पूर्ण झाल्या असून आतापर्यंत एकूण ६६ हजार ९९० हेक्टरवर लागवड झाली. यात दौंड तालुक्याने आघाडी घेत तब्बल १३ हजार ५४० हेक्टरवर या तालुक्यात लागवड झाली आहे.

पुणे जिल्ह्याचा पूर्व भाग हा कमी पावसाचा भाग म्हणून ओळखला जातो, परंतु पश्चिमेकडील होत असलेल्या अधिक पावसामुळे धरणातील पाणी कॅनालद्वारे या भागात दिले जाते. त्यामुळे पिकांची निश्चित हमी देणारे पीक म्हणून दौंड, बारामती, इंदापूर, शिरूर या तालुक्यातील अनेक शेतकरी उसाचे पिके घेतात. त्यामुळे गेल्या कित्येक वर्षांपासून साखर कारखानदारी जोमात सुरू आहे.

दरवर्षी शेतकरी आडसाली उसाची लागवड जुलै ते ऑगस्ट या कालावधीत करतात. पूर्वहंगामी उसाची लागवड ऑक्टोबर ते नोव्हेबर या कालावधीत करतात, तर सुरू उसाची लागवड डिसेंबर ते फेब्रुवारी या महिन्यात करतात. साधारणपणे ऊस पक्व होईतोपर्यंत १० ते १२ महिन्याचा कालावधी लागत असून त्यानंतर त्याची तोडणी केली जाते. जिल्ह्यात उसाचे एकूण सरासरी एक लाख ३० हजार ६३० हेक्टर क्षेत्र आहे. त्यापैकी आडसाली उसाची ४६ हजार ५४० हेक्टर, पूर्वहंगामी उसाची १९ हजार १९० हेक्टरवर लागवड झाली आहे. सुरू उसाची आतापर्यंत एक हजार २५० हेक्टरवर लागवड झाली आहे.

जिल्ह्यात मुळशी, वेल्हे हे तालुके ऊस लागवडीपासून दूर असले तरी भोर, मावळ तालुक्यात बोटावर मोजण्याएवढीच लागवड झाली आहे. पूर्वेकडील तालुक्यात दौड नंतर इंदापूर, बारामती, शिरूर तालुक्यात मोठ्या प्रमाणात लागवडी झाल्या आहेत.
जिल्ह्यात आडसाली उसाची सर्वाधिक लागवड इंदापूर तालुक्यात झाली आहे. सुमारे दहा हजार ७०० हेक्टरवर लागवड झाली आहे.

दौड तालुक्यात सात हजार ७४० हेक्टरवर लागवड झाली आहे. शिरूरमध्ये सहा हजार ८८० हेक्टरवर लागवड झाली असून मुळशी, वेल्हे तालुक्यात आडसाली उसापासून दूर राहिले आहेत. पूर्व हंगामी उसाच्या लागवडीत दौड तालुक्याने आघाडी घेत तब्बल चार हजार ७७० हेक्टरवर शेतकऱ्यांनी लागवड केली आहे. त्यानंतर शिरूर तालुक्यात तीन हजार ७५० हेक्टरवर लागवड झाली आहे.

तालुकानिहाय उसाची लागवड (हेक्टरमध्ये)
हवेली ३९८०, भोर ३३०, मावळ ५६०, जुन्नर ५९८०, खेड २२७०, आंबेगाव ३४८०, शिरूर १०,६३०, बारामती ११,८१०, इंदापूर १२,०९०,
दौंड १३,५४०, पुरंदर २३२०.

 

इतर बातम्या
संत एकनाथ महाराज समाधी दर्शनासाठी...पैठण, जि. औरंगाबाद : पैठण येथील शांतीब्रह्म श्री...
खानदेशात टॅंकरचा आकडा शंभरी पारजळगाव  : खानदेशात पाणीटंचाई तीव्र होत आहे....
जंगलातून होणाऱ्या नत्र प्रदूषणाचे...अमेरिकन वनसेवेतील शास्त्रज्ञांनी जंगलातून...
वनस्पती अवशेषापासून स्वस्त, शाश्वत हवाई...पिकांचे अवशेष आणि झाडांची लाकडे यांच्यापासून...
नागपुरात लघुसिंचनचे बारा तलाव कोरडेहिंगणा, नागपूर : जिल्हा परिषद लघुसिंचन विभागाच्या...
खानदेशात बाजरी मळणीवरजळगाव : खानदेशात बाजरी पीक मळणीवर आले आहे. आगामी...
गिरणाच्या पाण्यासाठी आज रास्ता रोकोजळगाव : दुष्काळी परिस्थितीमुळे गिरणा पट्ट्यातील...
थकीत चुकाऱ्यांसाठी स्वाभिमानी आक्रमकबुलडाणा : जिल्ह्यात शेतकऱ्यांनी तूर, मूग, उडदाची...
सोलापूरसाठी उजनीतून पाणी सोडलेसोलापूर : उजनी धरणातून भीमा नदीपात्रात सोलापूर...
सोलापूर जिल्ह्यात टँकरचा आकडा सव्वाशेवरसोलापूर  : जिल्ह्यात उन्हाच्या वाढत्या...
लासुर्णेमध्ये जिल्हा बॅंकेसमाेर...वालचंदनगर, जि. पुणे ः लासुर्णे (ता. इंदापूर)...
अकोला, बुलडाण्यात अर्ज दाखल करण्यासाठी...अकोला : लोकसभा निवडणूकीसाठी उमेदवारी अर्ज दाखल...
सांगली जिल्ह्यात ऊस गाळप हंगाम अंतिम...सांगली ः साखर कारखान्यांच्या गळीत हंगामातील...
देहूगाव-लोहगाव गटातून शिवसेनेच्या शैला...पुणे : सदस्याचे जातपडताळणी प्रमाणपत्र फेटाळल्याने...
परभणी जिल्ह्यात मनरेगाअंतर्गत १४६...परभणी ः महात्मा गांधी राष्ट्रीय ग्रामीण रोजगार...
जळगाव, धुळे, नंदुरबारमध्ये रंगणार...जळगाव ः खानदेशात रावेर वगळता नंदुरबार, धुळे व...
शेतकऱ्यांना संपूर्ण कर्जमुक्ती : '...मुंबई ः शेतीच्या शाश्वत सुधारणेला गती देण्यासाठी...
शेतकरी कंपन्यांमार्फत रेशीम धागा...परभणी ः ‘‘शेतकरी उत्‍पादक कंपन्‍या स्‍थापन करून...
गरिबांना वार्षिक ७२ हजारांच्या हमीचे...नवी दिल्ली : लोकसभा निवडणुकीसाठी कॉंग्रेसने...
नांदेड जिल्ह्यात तूर उत्पादकता...नांदेड  ः नांदेड जिल्ह्यात २०१८-१९ मधील खरीप...