खरिपात उत्पादनात घट; हमी दरही मिळेना

खरिपात उत्पादनात घट; हमी दरही मिळेना
खरिपात उत्पादनात घट; हमी दरही मिळेना

औरंगाबाद : खरिपातील प्रमुख पिकांपैकी मूग, उडीद सोयाबीनच्या उत्पादनात सरासरी उत्पादकतेच्या तुलनेत घट आली आहे. शासनाने जाहीर केलेले हमी दरही कागदावरच असल्याने शेतकऱ्यांना आपला माल मिळेल त्या दराने विकण्याशिवाय पर्याय नाही.

मराठवाड्यात सोयाबीनची १९ लाख ३३ हजार हेक्‍टरवर पेरणी झाली होती. त्यापाठोपाठ मुगाची १ लाख ६५ हजार हेक्‍टरवर, तर उडदाची १ लाख ५४ हजार हेक्‍टरवर पेरणी झाली. प्राप्त माहितीनुसार मराठवाड्यात मुगाची सरासरी हेक्‍टरी उत्पादकता ४ क्‍विंटल २ किलो आहे. त्या तुलनेत मुगाचे हेक्‍टरी ३ क्‍विंटल ५२ किलो उत्पादन आले आहे. उडदाचे हेक्‍टरी उत्पादन ४ क्‍विंटल २१ किलो आहे. त्या तुलनेत यंदा मराठवाड्यात मुगाचे हेक्‍टरी ४ क्‍विंटल उत्पादन आले. सोयाबीनची हेक्‍टरी सरासरी उत्पादकता ८ क्‍विंटल ७६ किलो आहे. त्या तुलनेत निम्म्यापेक्षा थोडे जास्त अर्थात हेक्‍टरी ५ क्‍विंटल १४ हजार रुपये हेक्‍टरी उत्पादन आले आहे.

हिंगोली, परभणी, नांदेडमध्ये मूग, उडीद, सोयाबीनची उत्पादकता सरासरीपेक्षा थोडी जास्त आहे. औरंगाबादमध्ये मूग, उडदाची उत्पादकता सरासरी उत्पादकतेच्या निम्म्यापेक्षाही खूप कमी; तर सोयाबीनची उत्पादकता सरासरी उत्पादकतेच्या निम्म्यापेक्षा थोडी जास्त आली आहे. बीड जिल्ह्यात सरासरी ८ क्‍विंटल ३२ क्‍विंटल हेक्‍टरीच्या तुलनेत केवळ २ क्‍विंटल २० किलो आली आहे. उडदाची उत्पादकता सरासरी इतकी असली, तरी मुगाची उत्पादकता हेक्‍टरी केवळ २ क्‍विंटल ३८ किलोच आली आहे.

औरंगाबाद बाजार समितीमध्ये १५ ऑगस्टपासून मूग व उडदाची आवक झाली. १२ ऑक्‍टोबर अखेरपर्यंत औरंगाबाद बाजार समितीमध्ये ७७७ क्‍विंटल मुगाची आवक झाली. या मुगाला ४ हजार ते ५७५१ रुपये प्रतिक्‍विंटलपर्यंत दर मिळाला. उडदाची आवक ९३ क्‍विंटल, तर दर ३४०० ते ४३७४ रुपये प्रतिक्‍विंटलचा दर मिळाला.

जालना बाजार समितीमध्ये मुगाची १३ ऑगस्टपासून, तर उडदाची सप्टेंबरच्या पहिल्या आठवड्यापासून आवक सुरू झाली. १० आॅक्‍टोबरपर्यंत जालना बाजार समितीमध्ये मुगाची ४५ हजार क्‍विंटल आवक झाली. या मुगाला ३००० ते ६०५१ रुपये प्रतिक्‍विंटल दर मिळालेल्या मुगाचे सरासरी दर ४९०० रुपये प्रतिक्‍विंटल राहिले. तर, ९८०० क्‍विंटल आवक झालेल्या उडदाला २८०० ते ४४११ रुपये प्रतिक्‍विंटलचा दर मिळाला. उडदाचे सरासरी दर ३९०० रुपये प्रतिक्‍विंटल राहिले.

लातूर बाजार समितीमध्ये मुगाची ५२३५३ क्‍विंटल आवक झाली. या मुगाला ३५५० ते ६०५१ रुपये प्रतिक्‍विंटलचा दर मिळाला. मुगाचे सरासरी दर ४८५० रुपये प्रतिक्‍विंटल राहिले. ५९१३० क्‍विंटल आवक झालेल्या उडदाला २७५० ते ४७४० रुपये प्रतिक्‍विंटलचा दर मिळाला. उडदाचे सरासरी दर ४२०० रुपये प्रतिक्‍विंटल राहिल्याची माहिती बाजार समितीच्या सूत्रांनी दिली.

बीड बाजार समितीमध्ये मूग उडदाची दखलपात्र आवक झालीच नाही. तर, सोयाबीनची सप्टेंबर, ऑक्‍टोबरमध्ये जवळपास ३४०० क्‍विंटल आवक झाली. सोयाबीनला २९०० ते ३२०० रुपये प्रतिक्‍विंटलचा दर मिळाल्याची माहिती बाजार समितीच्या सूत्रांनी दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com