agriculture news in marathi, Deficit in Papaya area in Jalgaon district along with Nandurbar | Agrowon

नंदुरबारसह जळगाव जिल्ह्यात पपई क्षेत्रात घट
टीम अॅग्रोवन
मंगळवार, 2 जानेवारी 2018

जळगाव : नंदुरबारसह जळगाव जिल्ह्यात पपईच्या क्षेत्रात निम्मी घट झाली आहे. मागील उन्हाळ्यात लागवड केलेले पपईचे पीक विषाणूजन्य रोगांमुळे नष्ट करण्याची वेळ अनेक शेतकऱ्यांवर ओढावल्याने शेतकऱ्यांनी जणू धसकाच घेतला. यातच लागवड व इतर असा उत्पादनखर्च वाढल्याने पपईचे पीक कमी झाल्याचे शेतकऱ्यांचे म्हणणे आहे.

जळगाव : नंदुरबारसह जळगाव जिल्ह्यात पपईच्या क्षेत्रात निम्मी घट झाली आहे. मागील उन्हाळ्यात लागवड केलेले पपईचे पीक विषाणूजन्य रोगांमुळे नष्ट करण्याची वेळ अनेक शेतकऱ्यांवर ओढावल्याने शेतकऱ्यांनी जणू धसकाच घेतला. यातच लागवड व इतर असा उत्पादनखर्च वाढल्याने पपईचे पीक कमी झाल्याचे शेतकऱ्यांचे म्हणणे आहे.

जळगाव जिल्ह्यात चोपडा, यावल, रावेर, जळगाव, पाचोरा भागांत पपईची लागवड दरवर्षी डिसेंबर ते मार्च यादरम्यान केली जाते. डिसेंबरमध्ये लागवड अधिक असते. जिल्ह्यात सुमारे अडीच हजार हेक्‍टर पपईचे क्षेत्र असते. तर नंदुरबार जिल्ह्यात शहादा, नंदुरबार व तळोदा तालुक्‍यांत पपईची अधिकची लागवड केली जाते. नंदुरबार व जळगाव जिल्ह्यांत मिळून सुमारे चार हजार हेक्‍टरवर पपईची लागवड केली जाते. परंतु यंदा लागवड फारशी नाही.

मागील हंगामात पपईचा हेक्‍टरी खर्च ८० हजार आणि उत्पन्न ६० हजार अशी स्थिती विषाणूजन्य रोगांमुळे निर्माण झाली होती. अगदी ऑक्‍टोबरपासून रोगराई आली. पपई लागवडीसाठी गादीवाफे, आयएसआय ठिबक, विद्राव्य खते, तणनाशके किंवा भांगलण, कीडनाशके व बुरशीनाशकांच्या फवारण्या यासाठी मोठा खर्च आला. शिवाय विषाणूजन्य रोगांमुळे पपईची फळे बेढब होती. त्यांचा आकार लहान-मोठा असल्याने व्यापारी खरेदीला नाक मुरडत होते.

कमी दर सांगून अडवणूक सुरू झाली. नाइलाजाने काही शेतकऱ्यांनी वाहतूक खर्च पेलून चेरी कारखान्यात कमी दरात पपई विकली. नंतर बागांवर रोटाव्हेटर फिरविण्याची वेळ आली. क्षेत्र रिकामे करून शेतकऱ्यांनी मका व हरभरा पेरला. हा वाईट अनुभव आल्याने यंदा पपईची लागवड करणे अनेक शेतकरी टाळत आहेत.

लागवडीसंबंधी फारसा प्रतिसाद दिसत नसल्याने पपईचे रोप काही नर्सरीचालकांनी कमी दरात द्यायला सुरवात केली आहे. एक रोप ८ ते १० रुपयांना मिळते. त्याची किंमत कमी करून ६ ते ८ रुपयांपर्यंत केल्याची माहिती मिळाली.

पपईचे पीक विषाणूजन्य रोगांच्या कचाट्यात अडकले होते. रोगांना अटकाव करण्यासाठी अनेक प्रयत्न केले, परंतु पिकात सुधारणा झाली नाही. त्यामुळे यंदा आमच्या भागात पपईची लागवड फारशी नाही.
- अनिल सपकाळे, शेतकरी, करंज, जि. जळगाव

 

इतर बातम्या
देहूगाव-लोहगाव गटाच्या पोटनिवडणुकीत...पुणे : सदस्याचे जातपडताळणी प्रमाणपत्र फेटाळल्याने...
पुणे-मुळशी बाजार समितीच्या विलीनीकरणास...पुणे : पुणे कृषी उत्पन्न बाजार समितीची पाचव्यांदा...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
जलसंवर्धन आणि नियोजनासाठी संशोधनात्मक...औरंगाबाद : ज्याप्रमाणे अन्नधान्य टंचाईच्या काळात...
अन्नत्याग आंदोलनास प्रारंभ : अमर हबीब,...नवी दिल्ली : शेतकरी आत्महत्यांप्रती सहवेदना आणि...
खानदेशात तूर खरेदीबाबत ऑफलाइन नोंदणी...जळगाव ः खानदेशात तूर खरेदीसंबंधी शासकीय...
जत तालुक्यात द्राक्ष, डाळिंब बागा...सांगली : जत तालुक्यात पश्‍चिम भाग वगळता...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...
शेतकऱ्यांचे नाही, तर श्रीमंतांचे...प्रयागराज, उत्तर प्रदेश : "गेल्या काही...
नगरला चिंच प्रतिक्विंटल ८३०० ते ११९००...नगर ः नगर बाजार समितीत गेल्या आठवडाभरात भुसार...
शिरवळला पशुवैद्यकीय विद्यार्थ्यांचे...सातारा : सहायक पशुधन विकास अधिकाऱ्यांच्या...
प्रकल्प व्यवस्थापकावर कारवाईचे आदेशपुणे : एकात्मिक पाणलोट व्यवस्थापन...
सहवेदना :आज अन्नत्याग आंदोलनयवतमाळ: शेतकरी साहेबराव करपे व कुटुंबीयांप्रति...