मराठवाड्यातील लघू, मध्यम प्रकल्पांतील उपयुक्‍त पाणीसाठ्यात घट

मराठवाड्यातील लघू, मध्यम प्रकल्पांतील उपयुक्‍त पाणीसाठ्यात घट
मराठवाड्यातील लघू, मध्यम प्रकल्पांतील उपयुक्‍त पाणीसाठ्यात घट

औरंगाबाद  : दुष्काळाच्या उंबरठ्यावरील मराठवाड्यात पाण्याची टंचाई जाणवण्याची आता चिन्हे आहेत. मराठवाड्यातील ७४५ लघु आणि ७५ मध्यम प्रकल्पांत ऑक्‍टोबरच्या मध्यातच केवळ २२ टक्‍केच उपयुक्‍त पाणीसाठा शिल्लक असल्याचे चित्र आहे. परतीच्या पावसाने निराशा केली आहे.

परतीच्या पावसामुळे मराठवाड्यातील पाणीसाठ्यात एरवी वाढीची अपेक्षा असते. यंदा मात्र मराठवाड्यातील प्रकल्पांत अपेक्षित पाणीसाठा झाला नाही. आता पाणीसाठ्यांमध्ये घटीची नोंद होत आहे. मराठवाड्यातील लघू, मध्यम व मोठ्या प्रकल्पांसह नद्यांवरील बंधाऱ्यांमध्ये ३०.६५ टक्‍केच उपयुक्‍त पाणीसाठा शिल्लक आहे. तेरणा, मांजरा, रेणा नदीवरील २४ बंधाऱ्यांपैकी सहा बंधाऱ्यात उपयुक्‍त पाण्याचा थेंब नाही. गोदावरी नदीवरील ११ बंधाऱ्यातही केवळ ५० टक्‍केच उपयुक्‍त पाणीसाठा शिल्लक आहे. जवळपास २९ मध्यम प्रकल्पात उपयुक्‍त पाण्याचा थेंब नाही. त्यामध्ये औरंगाबाद जिल्ह्यातील ९, जालना ३, लातूर १, उस्मानाबाद ६ व बीड जिल्ह्यातील सर्वाधिक १० प्रकल्पांचा समावेश आहे.

जालना व बीड जिल्ह्यांतील लघू प्रकल्पांमधील उपयुक्‍त पाणीसाठा अनुक्रमे ४ व ५ टक्‍क्‍यांवर आला आहे. लातूर जिल्ह्यातील १२६ लघू प्रकल्पांतही केवळ १२ टक्‍के, तर उस्मानाबादमधील २०१ लघू प्रकल्पांत केवळ १५ टक्‍केच उपयुक्‍त पाणीसाठा आहे. जालना जिल्ह्यातील ७ मध्यम प्रकल्पांत केवळ ७ टक्‍के, बीड जिल्ह्यातील १६ मध्यम प्रकल्पांत १३ टक्‍के, तर औरंगाबादमधील १६ मध्यम प्रकल्पांत केवळ १० टक्‍के उपयुक्‍त पाणीसाठा शिल्लक असल्याची माहिती जलसंपदा विभागाच्या सूत्रांनी दिली.

चार मोठे प्रकल्प तळाशी

मराठवाड्यातील अकरा मोठ्या प्रकल्पांपैकी तीन प्रकल्पांत उपयुक्‍त पाणी नाही. त्यामध्ये बीड जिल्ह्यातील माजलगाव व मांजरा, तर उस्मानाबाद जिल्ह्यातील सिनाकोळेगाव प्रकल्पांचा समावेश आहे. अकराही मोठ्या प्रकल्पांपैकी येलदरीमध्येही केवळ ९ टक्‍केच उपयुक्‍त पाणी शिल्लक असल्याचे जलसंपदा विभागाचे आकडेवारी सांगते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com