agriculture news in marathi, demand for cancellation of sugarcane price reduction, satara, maharashtra | Agrowon

ऊसदरातील कपात रद्द करण्याची साताऱ्यातील शेतकऱ्यांची मागणी
टीम अॅग्रोवन
रविवार, 25 फेब्रुवारी 2018
सातारा  ः साखरेच्या दरात घसरण झाल्यामुळे जिल्ह्यातील अनेक कारखान्यांनी जाहीर केलेल्या ऊसदरात १५० ते २५० रुपयांनी कपात केली होती. बाजारपेठेत सध्या साखरेच्या दरात सुधारणा झाली आहे. सध्या साखरेस क्विंटलला ३१०० ते ३२०० दर मिळत आहे. यामुळे कारखान्यांकडून ऊसदरात करण्यात येत असलेली कपात रद्द करून पूर्ववत ऊसदर देण्याची मागणी शेतकऱ्यांकडून होत आहे. 
 
सातारा  ः साखरेच्या दरात घसरण झाल्यामुळे जिल्ह्यातील अनेक कारखान्यांनी जाहीर केलेल्या ऊसदरात १५० ते २५० रुपयांनी कपात केली होती. बाजारपेठेत सध्या साखरेच्या दरात सुधारणा झाली आहे. सध्या साखरेस क्विंटलला ३१०० ते ३२०० दर मिळत आहे. यामुळे कारखान्यांकडून ऊसदरात करण्यात येत असलेली कपात रद्द करून पूर्ववत ऊसदर देण्याची मागणी शेतकऱ्यांकडून होत आहे. 
 
सातारा जिल्ह्यात नऊ सहकारी व सहा खासगी कारखान्यांचा गाळप हंगाम सुरळीत सुरू आहे. या हंगामाच्या सुरवातीस पहिल्या हप्त्याबाबत वाद होऊ नये, यासाठी प्रशासनाने शेतकरी संघटनेचे प्रतिनिधी व साखर कारखान्यांचे प्रतिनिधी यांच्यात बैठक घेऊन ऊसदराबाबत तोडगा काढला होता. कोल्हापूर पॅटर्नप्रमाणे एफआरपी अधिक २०० रुपये या प्रमाणे दर देण्याचे ठरले होते. हा तोडगा बैठकीस असलेल्या सर्व कारखान्यांच्या प्रतिनिधींनी मान्य केला होता.
 
त्यानुसार पहिल्या पंधरवड्यात गाळप झालेल्या उसाचे पैसेही अदा करण्यात आले होते; मात्र मागील महिनाभरात साखरेच्या दरात घसरण होऊन ते २९०० रुपयांच्या दरम्यान आले होते. यामुळे जिल्ह्यातील अनेक कारखान्यांनी पहिल्या उचलीमध्ये २०० ते ३०० रुपयांची कपात केली होती. काही कारखान्यांनी सर्व बिले थांबविण्याचा प्रकार सुरू केला होता.
 
साखरेच्या दरातील घसरणीमुळे साखर हंगाम अडचणीत आल्याने केंद्र सरकारने आयात शुल्क वाढविण्याचा निर्णय घेतला होता. यामुळे साखरेचे घसरलेल्या दरात वाढ होऊन क्विंटलला ३१०० ते ३२०० रुपये दर मिळू लागला आहे. सध्या साखरेस मिळत असलेल्या दराप्रमाणे बॅंकाकडून उचल मिळत आहे. यामुळे जिल्ह्यातील साखर कारखान्यांनी पूर्वी जाहीर केलेल्या हप्त्याप्रमाणे सध्या जात असलेल्या उसाला दर द्यावा, अशी मागणी शेतकरी करू लागले आहेत. जिल्ह्यात मंगळवारपर्यंत (ता. २०) ६२ लाख २९ हजार ८१६ टन ऊस गाळपाद्वारे ७२ लाख २८ हजार ५१५ क्विंटल साखर उत्पादन झाले आहे. 
 
साखरेचे दर वाढण्यासाठी तसेच त्यात स्थिरता राहण्यासाठी साखर निर्यात धोरणास चालना देणे गरजेचे आहे. सध्या वाढलेले दर व विक्रीची मर्यादामुळे दर कसे राहतील याबाबत कारखानदारांमध्ये साशंकता आहे. साखरेच्या दरातील सुधारणेसाठी सध्या उत्पादित होत असलेली साखर निर्यात करण्यासाठी शासाकडून अनुदान देणे गरजेचे आहे. साखर निर्यात केल्याने स्टॉक मर्यादित राहण्यास व दर टिकण्यास मदत होणार असल्याचे कारखानदारांकडून सांगितले जात आहे.

इतर ताज्या घडामोडी
द्राक्षावरील उडद्या भुंगेऱ्यांच्या...द्राक्ष विभागामध्ये ऑक्टोबर छाटणी व त्यानंतरचा...
कळमणा बाजारात सोयाबीन प्रतिक्‍विंटल...नागपूर ः कळमणा बाजार समितीत सोयाबीनची आवक वाढती...
जनावरांच्या अाहारात बुरशीजन्य घटकांचा...अाहाराद्वारे जनावरांच्या शरीरात बरेच हानिकारक घटक...
मोहरी, जवस लागवड व्यवस्थापनरब्बी हंगामात तेलबिया पिके अत्यंत महत्त्वाची असून...
मुरघासाचे फायदे, जनावरांसाठी वापरचाऱ्याच्या कमतरतेमुळे दूध उत्पादनामध्ये सातत्य...
जळगाव जिल्ह्यात खरेदी केंद्रांतील...जळगाव : कडधान्य खरेदीसंबंधी शासकीय खरेदी...
टंचाईत पिण्याच्या पाण्याचे नियोजन करा ः...नांदेड ः टंचाईच्या परिस्थितीत पिण्याच्या पाण्याचे...
वऱ्हाडात सहा तालुक्‍यांत गंभीर दुष्काळअकोला : अनियमित आणि सरासरीपेक्षा कमी झालेल्या...
अमरावती जिल्ह्यातील ‘रब्बी`...अमरावती : कृषी विभागाने रब्बी हंगामासाठी १ लाख ६८...
संकरित कपाशीचे ‘नांदेड ४४’ वाण...परभणी ः वसंतराव नाईक मराठवाडा कृषी विद्यापीठाने...
सांगली जिल्ह्यातील सर्वच तलाव आटलेसांगली ः ताकारी, टेंभू, आरफळ योजनेच्या पाण्यामुळे...
पुणे विभागात अवघ्या सहा टक्के पेरण्यापुणे ः पावसाळ्यात पडलेल्या पावसाच्या खंडाचा...
राज्यात दुष्काळसदृश नाही, तर दुष्काळ...मुंबई : यंदा झालेल्या कमी पावसामुळे राज्याच्या...
अवर्षणाचा पिकावरील ताण कमी करण्यासाठी...कोरडवाहू शेतीत पीक उत्पादनाच्या दृष्टीने “ओल तसे...
कोल्हापुरात केळी लागवड कमी होण्याची शक्...कोल्हापूर : पुरेशा पाण्याअभावी जिल्ह्यात केळीच्या...
नगरमधील आठ तालुके अद्यापही रब्बी...नगर ः नगर जिल्ह्यामध्ये रब्बीची आतापर्यंत अवघी नऊ...
जनावरांच्या आहारातील क्षारमिश्रणाचे...जनावरांच्या हाडांच्या वाढीसाठी दूध उत्पादनासाठी,...
परभणी जिल्ह्यात हुमणीच्या नुकसानीचा कहरपरभणी ः परभणी जिल्ह्यात उद्‍भवलेल्या दुष्काळी...
बाजार समिती कर्मचारी शासन आस्थापनावर...पुणे  ः राज्यातील बाजार समित्यांमधील...
पुणे विभागात चारापिकांची एक लाख...पुणे   ः जनावरांसाठी चाऱ्याची अडचण येऊ नये...