केळी विमा बॅंकांनी स्विकारलाच नाही; मुदतवाढीची मागणी

केळी विम्यासाठी मुदतवाढ द्यावी
केळी विम्यासाठी मुदतवाढ द्यावी

नांदेड : हवामानाधारित फळपीक विमा योजनेअंतर्गत केळी फळपिकाचा विमा भरण्याच्या शेवटच्या दिवशी मंगळवारी (ता. 31) अर्धापूर (जि. नांदेड) परिसरातील शेतकऱ्यांचे विमा प्रस्ताव बॅंकांनी न स्वीकारल्यामुळे अनेक शेतकरी विमा संरक्षणापासून वंचित राहणार आहेत. त्यामुळे केळीचा विमा भरण्यासाठी मुदतवाढ देण्याची मागणी शेतकऱ्यांनी केली आहे.

हवामानावर आधारित फळ पीक विमा योजनेअंतर्गत केळी पिकांचा समावेश करण्यात आलेला आहे. मात्र यंदा पीक पेरा प्रमाणपत्र वेळेवर न मिळाले नाही. त्यात जनसुविधाम केंद्रावर संकेतस्थळ सुरू नसल्यामुळे शेतकऱ्यांना ऑनलाइन विमा प्रस्ताव सादर करता आले नाहीत. ऑफलाइन विमा प्रस्ताव स्वीकारले नाहीत. विमा प्रस्ताव स्वीकारण्यासाठी काही बॅंकांनी सुरवातील होकार दिला; परंतु नंतर नकार देत जनसुविधा केंद्रावर प्रस्ताव सादर करण्यास सांगितले. तीन दिवसांपूर्वी तलाठ्यांनी पीक पेराप्रमाण दिले; परंतु सुट्या असल्यामुळे विमा भरता आला नाही.

मंगळवारी (ता. 31) केळीचे विमा प्रस्ताव सादर करण्याची अंतिम मुदत होती. परंतु बॅंका तसेच जनसुविधा केंद्रावर या मुदतीत अनेक शेतकऱ्यांना विमा प्रस्ताव सादर करता आले नाहीत. परिणामी नांदेड जिल्ह्यातील असंख्य शेतकरी केळी पिकांचे विमा संरक्षण घेण्यापासून वंचित राहणार आहेत. त्यामुळे केळी फळपिकाचा विमा भरण्यासाठी मुदतवाढ द्यावी, अशी मागणी माऊली माटे यांच्यासह तालुक्‍यातील शेतकऱ्यांनी केली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com