agriculture news in Marathi, demand increased for nashik tomato and onion, Maharashtra | Agrowon

नाशिकमधील कांदा, टोमॅटोला मागणी वाढली
ज्ञानेश उगले
मंगळवार, 14 नोव्हेंबर 2017

देशभरातील मागणीच्या तुलनेत कांदा व टोमॅटो या शेतमालाची आवक कमी झाली आहे. अजून महिनाभर तरी ही स्थिती बदलेल असे दिसत नाही. या परिस्थितीत सध्याचे दर येत्या काळात टिकून राहतील.
- अरुण काळे, सचिव, नाशिक बाजार समिती.

नाशिक : नाशिक जिल्ह्यातील कांदा व टोमॅटो या महत्त्वाच्या शेतमालाला परराज्यांतून मागणी वाढली आहे. गत सप्ताहात नाशिक जिल्ह्यातील १५ बाजार समित्यांतून रोज सरासरी १ लाख क्विंटलची आवक झाली. कांद्याला क्विंटलला २२०० ते २७०० असा दर मिळाला. 

नाशिक भागातील टोमॅटो हंगामाने चांगला जोर धरला आहे. यंदा टोमॅटोची आवक निम्म्याने घटली आहे. या स्थितीत कर्नाटक, बिहार, दिल्ली या राज्यांतून मागणी वाढली आहे. गत सप्ताहात नाशिक जिल्ह्यात बाजार समिती तसेच शिवार बाजारात दिवसाला १ लाख ५० हजार क्रेटची आवक झाली. प्रति २० किलो वजनाच्या क्रेटला ४०० ते ८०० व सरासरी ६०० रुपये दर मिळाले. हे दर येत्या सप्ताहात टिकून राहतील असे जाणकारांनी सांगितले.

गत सप्ताहात लासलगाव, पिंपळगाव बसवंत बाजार समितीत कांद्याला प्रतिक्विंटलला २२०० ते २७०० व सरासरी २५०० रुपये दर मिळाले. नाशिक जिल्ह्यातील सर्व बाजार समित्यांत दराची हीच स्थिती होती. येत्या सप्ताहात हे दर टिकून राहतील असे बाजार समितीच्या सूत्रांनी सांगितले. शेतकऱ्यांनी साठवलेला उन्हाळ कांदा संपत आला आहे, तर लाल कांद्याची आवक वाढली आहे. यामुळे लाल कांद्याला भावही चांगला मिळत आहे. लासलगाव कृषी उत्पन्न बाजार समितीत लाल कांदा आणि गावठी (उन्हाळ) कांद्यांची रोज १५ ते १६ हजार क्विंटल आवक होत आहे. कांद्याला सरासरी २२०० ते २७०० रुपये दर मिळत आहे.

गत सप्ताहापासून लासलगाव बाजार समितीत उन्हाळ कांद्याची ३१ हजार ५९७ क्विंटल आणि लाल कांद्याची १३५३२ क्विंटल इतकी आवक होत आहे. येत्या काही दिवसांत ही आवक वाढेल. नोव्हेंबर अखेरपर्यंत उन्हाळ कांदा संपल्याने लाल कांदाच मार्केटमध्ये उपलब्ध राहील. त्यामुळे आता येत्या काळात व्यापाऱ्यांची मदार फक्त लाल कांद्यावर राहील, असेही सूत्रांनी सांगितले.

गेल्या महिन्यात परतीचा पाऊस झाल्याने काही ठिकाणी शेतात लाल कांद्याचे नुकसान झाले होते. त्यामुळे यावर्षी लाल कांद्याच्या उत्पादनात घट होईल, अशी शक्यता असल्याने कांद्याची आवक कमी राहील. मे, जूनमध्ये उन्हाळ कांदे निघेपर्यंत ही परिस्थिती रा‌हील, असे या क्षेत्रातील जाणकारांचे म्हणणे आहे. सध्या उन्हाळ आणि लाल कांद्याची आवक रोज १५ ते १६ हजार क्विंटल होत आहे. सरासरी भाव २१०० ते २५००च्या दरम्यान मिळत असल्याने शेतकरीही समाधानी आहे.

पिंपळगाव बाजार समितीत कांद्याला चांगली मागणी असून, बाजारभावही तेजीत आहे. बाजार समिती आवारात होत असलेल्या आवकेपैकी जुना गावठी कांदा ७० टक्के, तर लाल कांद्याची ३० टक्के आवक होत आहे. पिंपळगाव बाजार समितीत शनिवारी १० हजार १२५ क्विंटल आवक होऊन लाल कांद्याला सरासरी २५०० रुपये, तर उन्हाळ कांद्याला सरासरी २२५१ रुपये दर मिळाला. 

इतर बाजारभाव बातम्या
पुण्यात गवार, भेंडी, चवळीच्या दरात अल्प...पुणे : गुलटेकडी येथील बाजार समितीमध्ये रविवारी (...
बदलत्या वातावरणामुळे ब्रॉयलर्स मार्केट... मागणी आणि पुरवठ्यातील संतुलनामुळे अंडी आणि...
वाशीममध्ये सोयाबीन प्रतिक्विंटल ३००० ते...वाशीम : गेल्या काही दिवसांपासून सोयाबीनच्या...
जळगावात चवळी शेंगा २००० ते ३००० रुपये...जळगाव : येथील कृषी उत्पन्न बाजार समितीमध्ये...
साताऱ्यात काळा घेवडा २५० ते ३५० रुपये...सातारा  ः येथील कृषी उत्पन्न बाजार समितीत...
सोलापुरात ढोबळी मिरची, गवार, भेंडीचे दर...सोलापूर ः सोलापूर कृषी उत्पन्न बाजार समितीच्या...
सांगलीत बेदाणाची आवक वाढलीसांगली ः येथील कृषी उत्पन्न बाजार समितीत...
नागपुरात सोयाबीन वधारलेनागपूर ः शेतकऱ्यांनी विकल्यानंतर आता बाजारात...
जळगावात सोयाबीन दरात क्विंटलमागे ७००...जळगाव ः येथील कृषी उत्पन्न बाजार समितीत मागील...
औरंगाबादेत गाजर प्रतिक्विंटल १२०० ते...औरंगाबाद: येथील उच्चतम कृषी उत्पन्न बाजार...
साताऱ्यात गवारीस दहा किलोस ४०० ते ५००...सातारा ः येथील कृषी उत्पन्न बाजार समितीत मंगळवारी...
नाशिकला भेंडी, घेवडा, ढोबळी मिरची तेजीत नाशिक : नाशिक बाजार समितीत गतसप्ताहात भेंडी,...
जळगावात कडधान्याचे दर सुधारलेजळगाव ः येथील कृषी उत्पन्न बाजार समितीमध्ये...
सोलापुरात कांद्याच्या दरातील उठाव टिकूनसोलापूर ः सोलापूर कृषी उत्पन्न बाजार समितीच्या...
नागपुरात सोयाबीन दरात सुधारणानागपूर ः हंगामाच्या सुरवातीला अवघ्या २२०० ते २४००...
औरंगाबादेत बीबे प्रतिक्विंटल ८००० ते...औरंगाबाद ः मकर संक्रांतीच्या निमित्ताने येथील...
परभणीत काकडी प्रतिक्विंटल ७०० ते १०००...परभणी : कृषी उत्पन्न बाजार समितीअंतर्गत फळे-...
राज्यात हिरवी मिरची प्रतिक्विटंल ७०० ते...राज्यातील बाजार समित्यांमध्ये हिरव्या मिरचीची आवक...
जळगावात चवळी शेंगा प्रतिक्विंटल २८००...जळगाव ः येथील कृषी उत्पन्न बाजार समितीच्या घाऊक...
नाशिकला वांगी, घेवडा, ढोबळी मिरची तेजीतनाशिक : नाशिक बाजार समितीत गत सप्ताहात वांगी,...