agriculture news in marathi, Demand for purchase Receipt of seeds to farmers | Agrowon

शेतकऱ्यांकडे बियाणे खरेदी पावतीची मागणी
टीम अॅग्रोवन
रविवार, 26 नोव्हेंबर 2017

जळगाव : आपल्या नुकसानग्रस्त बीटी वाणांच्या कपाशीची भरपाई मिळविण्यासाठी कापूस उत्पादकांना बियाणे कायदाअंतर्गत तयार केलेला ‘जी’ प्रकारचा अर्ज तालुका कृषी विभाग किंवा कार्यालयात जाऊन भरून घेण्याच्या सूचना कृषी विभागाने जारी केल्या आहेत. या अर्जासोबत बियाणे खरेदीची पावती, सातबारा उतारा (कपाशीची नोंद आवश्‍यक) आदी बाबी आवश्‍यक आहेत.

यामुळे कर्जमाफीचे अर्ज भरण्यासाठी जशा तालुक्‍याला चकरा माराव्या लागल्या, तसाच त्रास जी प्रकारचा अर्ज भरून घेण्यासाठी शेतकऱ्यांना सहन करावा लागेल, अशी स्थिती आहे.

जळगाव : आपल्या नुकसानग्रस्त बीटी वाणांच्या कपाशीची भरपाई मिळविण्यासाठी कापूस उत्पादकांना बियाणे कायदाअंतर्गत तयार केलेला ‘जी’ प्रकारचा अर्ज तालुका कृषी विभाग किंवा कार्यालयात जाऊन भरून घेण्याच्या सूचना कृषी विभागाने जारी केल्या आहेत. या अर्जासोबत बियाणे खरेदीची पावती, सातबारा उतारा (कपाशीची नोंद आवश्‍यक) आदी बाबी आवश्‍यक आहेत.

यामुळे कर्जमाफीचे अर्ज भरण्यासाठी जशा तालुक्‍याला चकरा माराव्या लागल्या, तसाच त्रास जी प्रकारचा अर्ज भरून घेण्यासाठी शेतकऱ्यांना सहन करावा लागेल, अशी स्थिती आहे.

कृषी मंत्रालयाची मागील पंधरवड्यात औरंगाबाद येथे आढावा बैठक पार पडल्यानंतर कापूस उत्पादकांना नुकसान भरपाई मिळावी, यासाठी जी व एच अर्ज भरून घेण्याच्या सूचना कृषी विभागाने गुरुवारी (ता.२३) दिल्या. येत्या ५ डिसेंबरपर्यंत हे जी प्रकारचे अर्ज शेतकऱ्यांना तालुका कृषी विभागातून प्राप्त करून भरायचे आहेत.

या अर्जांचा नमुना कृषी अधीक्षक कार्यालयाने तालुका स्तरीय अधिकाऱ्यांना ई-मेलने पाठविला आहे. तो डाऊनलोड करून त्याच्या प्रिंट कार्यालयात उपलब्ध करून घेण्याची जबाबदारी तालुका कृषी अधिकाऱ्यांची आहे. परंतु हे अर्ज कुठे आहेत, ही योजना नेमकी काय, याची माहिती अनेक कापूस उत्पादकांना अजूनही कृषी सहायक, कृषी पर्यवेक्षकांनी गावात जाऊन दिलेली नसल्याची माहिती आहे.

बिले, उतारा हवा
जी प्रकारचा अर्ज भरताना कुठल्या कंपनीचे कापूस बियाणे खरेदी केले, त्याची पावती, साताबारा उतारा (कपाशीची नोंद आवश्‍यक), रहिवासी दाखला आदी माहिती आवश्‍यक आहे. यात अनेक शेतकऱ्यांकडे बिले हरविणे, ती फाटणे असे प्रकार झाले आहेत. त्यांचे अर्ज भरले जातील की नाही, याबाबतचा संभ्रम आहे.

पंचनाम्यांसाठी एच अर्ज भरणार
नुकसानग्रस्त कपाशीचे पंचनामे करण्यासाठी एच प्रकारचा अर्ज तालुकास्तरीय कर्मचारी भरतील. कृषी मंडळ अधिकारी हे पंचनामा समितीचे अध्यक्ष असून, ते एच अर्जासंबंधी अंतिम कार्यवाही करतील. पंचनाम्यासाठी प्रथम शेतकऱ्यांना कृषी विभागात तक्रार अर्ज करायचा आहे. तक्रार प्राप्त झाल्यानंतर कर्मचारी प्रत्यक्ष नुकसानग्रस्त कपाशीची पाहणी करतील व त्यासंबंधीच्या नोंदी करतील. हे पंचनामे करतानाही सातबारा उताऱ्यावर कपाशीची नोंद, बीटी बियाणे खरेदीचे पक्के बिल आवश्‍यक आहे, अशी माहिती मिळाली. जी व एच अर्ज प्रक्रिया व इतर कार्यवाही यासंबंधी कृषी विभागाने जिल्हा गुणवत्ता निरीक्षक अमित पाटील यांची नियुक्ती केल्याती माहिती मिळाली.

जी व एच अर्ज कुठे आहेत, ते कसे मिळतील, मोफत आहेत की काय, याची कुठलीही माहिती आम्हाला कृषी विभागाच्या यंत्रणेने दिलेली नाही. हा सगळा सावळा गोंधळ दिसतोय.
- बापू चौधरी, शेतकरी, खेडी खुर्द (ता. जळगाव)

इतर ताज्या घडामोडी
कृषी सल्ला : ऊस, कापूस, उन्हाळी भुईमूग...हवामान अंदाज - शुक्रवार - शनिवारी (ता. २६ - २७)...
द्राक्ष बागेचे वाढत्या तापमानातील...नव्या आणि जुन्या द्राक्ष बागांचा विचार केला असता...
ऑस्ट्रेलियातील सुपरमार्केटची दुष्काळाशी...ऑस्ट्रेलियातील एका सुपर मार्केटने दुष्काळाशी...
गोदावरीत प्रदूषण केल्यास होणार कारवाईनाशिक : नाशिक शहरातून वाहणाऱ्या गोदावरी...
सोलापुरात टंचाई निवारणाचा भार...सोलापूर : सोलापूर जिल्ह्याचा ग्रामीण भाग...
खानदेशात पपईला उन्हासह पाणीटंचाईचा फटकानंदुरबार : खानदेशात या हंगामात पपई लागवड कमी...
जळगावात पांढऱ्या कांद्याच्या आवकेत घटजळगाव  : कृषी उत्पन्न बाजार समितीमध्ये...
सांगली बाजारसमितीत हळद, गुळाची उलाढाल ...सांगली ः व्यापाऱ्यांना सेवाकराच्या नोटिसा...
नगर जिल्ह्यात छावण्यांवर दर दिवसाला...नगर  : नगर जिल्ह्यामध्ये दुष्काळात पशुधन...
सातारा जिल्ह्यात पाणीटंचाई होतेय तीव्रसातारा ः जिल्ह्यात दिवसेंदिवस पाणीटंचाई तीव्र होत...
पुणे जिल्ह्यासाठी २६ हजार ५७३ क्विंटल...पुणे  ः खरीप हंगाम सुरू होण्यास एक ते दीड...
तंटामुक्‍त गाव अभियानाला चंद्रपुरात...चंद्रपूर : शांततेतून समृद्धीकडे जाण्याचा...
अमरावतीत तुर चुकाऱ्यासाठी हवे ८७ कोटी;... अमरावती : चुकाऱ्यांसाठी यंदा शेतकऱ्यांना...
शेतीच्या दृष्टीने सरकारचा कारभार...नाशिक : अगोदरचा कालखंड व ही पाच वर्षे यात...
अमरावतीतून ९१ विहिरी अधिग्रहणाचे...अमरावती  ः सरासरीपेक्षा कमी पाऊस झाल्यामुळे...
शिल्लक एफआरपी मिळत नसल्याने साताऱ्यातील...सातारा  : अजिंक्यतारा कारखान्याचा अपवाद...
कांदा दर वाढले, तेव्हा भाजपने विरोध...नाशिक   ः कृषिमंत्री असताना मी...
'मतदान झालेल्या दुष्काळी भागात ...मुंबई  ः लोकसभेच्या मतदानाच्या तीन...
उच्चांकी मतदानामुळे कोल्हापूर मतदारसंघ...कोल्हापूर  : राज्याच्या तुलनेत कोल्हापूर...
अकोल्यात तूर प्रतिक्विंटल ४२०० ते ५४००...अकोला ः स्थानिक कृषी उत्पन्न बाजार समितीत...