agriculture news in Marathi, demand risen for coriander in nashik, Maharashtra | Agrowon

नाशिकमध्ये कोथिंबिरीला मागणी वाढली
ज्ञानेश उगले
मंगळवार, 31 ऑक्टोबर 2017

नाशिक बाजार समितीत कोथिंबिरीची साधारणपणे दीड लाख जुड्यांची आवक होते. मागील पंधरवड्यात ही आवक अवघी २५ ते ३० हजार इतकी झालीय. या काळात मागणी वाढल्याने तेजीचे दर मिळाले. येत्या सप्ताहात ही आवक व मागणीचे हेच चित्र राहील, अशी स्थिती आहे.
- अरुण काळे, सचिव, नाशिक बाजार समिती

नाशिक : येथील बाजार समितीत गत सप्ताहात कोथिंबिरीची ३० हजार जुड्यांची आवक झाली. या वेळी प्रति १०० जुडीस १०,००० ते १४,००० व सरासरी १२,००० रुपये दर मिळाले. कोथिंबिरीची आवक मागणीच्या २५ टक्के इतकीच आहे. या स्थितीत नाशिक जिल्ह्याबाहेरील बाजारपेठेतून मागणी वाढली आहे.

मार्केट यार्डात शुक्रवारी (ता.२७) १० ते १२ हजार रुपये शेकडा दराने कोथिंबीर विक्री झाली. पंधरा दिवसांपूर्वी जिल्ह्यात पावसाने धुमाकूळ घातल्याने पालेभाज्यांसह कोथिंबीर पिकालाही त्याचा मोठा फटका बसला होता. पावसामुळे कोथिंबिरीची रोपे कुजून गेली होती. तसेच वाढही खुंटलेली होती. त्यामुळे मार्केट यार्डात होणारी आवक मोठ्या प्रमाणात घटलेली आहे.

स्थानिक बाजारपेठेसह परराज्यांतही सध्या कोथिंबिरीची मागणी अधिक आहे. मात्र कोथिंबीर मागणीच्या प्रमाणात आवक होत नसल्याने दर तेजीत आहेत. सध्या यार्डात दिवसाकाठी २५ ते ३० हजार जुड्यांची आवक होत आहे. गावठी आणि संकरित वाणाच्या काडीची कोथिंबीर टिकाऊ आणि चवीला पसंतीस उतरते.

पण, बाजारपेठेत पाठविताना कोथिंबिरीचे वाहतुकीदरम्यान नुकसान होते. त्यामुळे प्रत खराब होऊन त्याचा विक्रीवर परिणाम होतो. म्हणून स्थानिक बाजारपेठेत कोथिंबीर विक्रीला व्यापाऱ्यांकडून प्राधान्य दिले जाते. मात्र मागणी अधिक असल्याने स्थानिक बाजारपेठेत कोथिंबिरीचा तुटवडा आहे. त्यामुळे ग्राहकांना जादा दर देऊनही कोथिंबिरीच्या दोन-तीन काड्याच मिळत आहेत. सध्या जिल्ह्यातून सिन्नर, कळवण, दिंडोरी, निफाड आणि नाशिक तालुक्यातून नाशिकच्या बाजार समितीत कोथिंबिरीची आवक होत आहे. 

जुलै महिन्यात सरासरी १३,००० रुपये शेकडा दर कोथिंबिरीला मिळालेला होता. सरासरी ७०००ते ८००० रुपये दर महिनाभर तेव्हा होता. मात्र आवक कमीच होती. ऑगस्ट महिन्यात कोथिंबिरीची आवक थोडी वाढलेली होती. त्यामुळे नीचांकी दर तीन हजार रुपये शेकडा होता. सप्टेंबर महिन्यात कोथिंबिरीला गुजरात आणि मध्य प्रदेश या राज्यांतून मागणी वाढलेली होती. त्यामुळे या महिन्यात कोथिंबिरीची आवक चांगली असूनही दर तेजीत होते.

ऑक्टोबर महिन्याच्या सुरवातीला पावसाची उघडीप होती. नंतर परतीच्या पावसाने जिल्ह्याला झोडपून काढले. त्यात कोथिंबिरीचे मोठे नुकसान झाले. त्यामुळे सध्या मार्केट यार्डात कोथिंबिरीची २५ ते ३० हजार जुड्यांची आवक होत आहे. मागणी आठपट असल्याने कोथिंबिरीला १०,००० ते १४,००० रुपये सरासरी दर मिळत आहे.

इतर ताज्या घडामोडी
परभणीत भेंडी प्रतिक्विंटल ३००० ते ४०००...परभणी ः पाथरी रस्त्यावरील फळे भाजीपाला...
कोकणात चांगल्या पावसाची शक्यतामहाराष्ट्राच्या उत्तरेकडील भागावर १००४...
ढगाळी वातावरणात द्राक्ष बागेचे...बागेत कमी झालेले तापमान, निघालेल्या बगलफुटीमुळे...
खरीप नियोजन : सोयाबीन उत्पादन वाढीसाठी...सोयबीनच्या झाडाचा पालापाचोळा, अवशेष  जमिनीवर...
नाशिक जिल्ह्यात मेंढपाळांची चारा-...नाशिक : सध्याच्या दुष्काळी परिस्थितीत चारा-...
तिसगाव येथे ऊस वाढ्यांचे भाव...तिसगाव, जि. नगर : ऊस चाऱ्याचे भाव अचानक तिसगाव (...
पुणे झेडपी : भाकड कालावधीत...पुणे : जिल्हा परिषदेच्या अनुसूचित जाती, जमातीच्या...
मराठवाड्यात शेतकऱ्यांना मोठ्या पावसाची...औरंगाबाद : जूनच्या पहिल्या आठवड्यात काही ठिकाणी...
केळी दरप्रश्‍नी रावेर येथे शेतकऱ्यांचा...जळगाव ः केळीची खानदेशात जाहीर दरांनुसारच खरेदी...
मका, हळद, हरभरा किमतीत वाढमक्याच्या बाजारातील स्पॉट किमती सध्या हमी...
पावसाळ्यात टाळा विजेचे धोकेओलसर हातांनी वीज उपकरणे हाताळू नयेत. त्यात...
डाळिंब बागेतील मर रोगाचे नियंत्रणडाळिंब लागवड शक्यतो गादी वाफ्यावर करावी, त्यामुळे...
खानदेशात लाल कांद्याची आवक घटली; दर...जळगाव ः जिल्ह्यातील प्रमुख बाजार, उपबाजारांमध्ये...
नागपूर विभागातील सहा जिल्ह्यांत १२२९...नागपूर ः लागवड ते कापणीपर्यंत तंत्रशुद्ध शेती...
बुलडाणा येथे महिलांनी गिरविले बीज...बुलडाणा ः कृषी विभागाची कृषी तंत्रज्ञान...
येवला तालुक्यात कापूस लागवडीला सुरवातनाशिक : मृग नक्षत्रात पावसाने जिल्ह्यात विविध...
सांगली : शनिवारपासून पीकविमा खात्यात...सांगली ः पीकविमा योजनेअंतर्गत आंबिया बहर...
नगर : खरिपात साडेपाच लाख हेक्‍टरवर...नगर : गतवर्षी पावसाने दडी मारल्याने खरीप, रब्बी...
बीडसाठी भरणार मुळा धरणातून टॅंकरराहुरी, जि. नगर : ‘‘मराठवाड्यातील बीड जिल्ह्याची...
रत्नागिरी जिल्ह्यात पेरणीच्या कामाला वेगरत्नागिरी ः वायू चक्रीवादळाचा परिणाम सलग तिसऱ्या...