प्रात्यक्षिकांनी सुधारित तंत्रज्ञानाचे महत्त्व अधोरेखित

प्रात्यक्षिकांनी सुधारित तंत्रज्ञानाचे महत्त्व अधोरेखित
प्रात्यक्षिकांनी सुधारित तंत्रज्ञानाचे महत्त्व अधोरेखित

जालना : सुधारित तंत्रज्ञानाचा व नवीन वाणाच्या वापराने सुधारित तंत्रज्ञानाचे महत्त्व, शेतीत शेतकऱ्यांनी करावयाचे बदल व त्यामुळे होणाऱ्या फायद्यांचे महत्त्व अधोरेखित केले. राष्ट्रीय तेलताड अभियानांतर्गत परतूर तालुक्‍यातील बाबुलतारा येथे शनिवारी (ता. २२) सोयाबीन शेतीदिन कार्यक्रमाचे आयोजन करण्यात आले होते. या वेळी खरपुडी येथील कृषी विज्ञान केंद्राच्या शास्त्रज्ञांनी शेतकऱ्यांशी संवाद साधला.

बाबुलतारा येथील सरपंच सरस्वताबाई घाटुळे यांच्यासह उपविभागीय कृषी अधिकारी एस. एस. कोयले, मंडळ कृषी अधिकारी एस. बी. डुकरे, कृषी विज्ञान केंद्राचे वरिष्ठ शास्त्रज्ञ व प्रमुख एस. व्ही. सोनुने, पीकसंरक्षण तज्ज्ञ अजय मिटकरी, गृहविज्ञान तज्ज्ञ श्रीमती एस. आर. गायकवाड आदींची या वेळी प्रमुख उपस्थिती होती.

कृषी विज्ञान केंद्राचे प्रमुख एस. व्ही. सोनुने यांनी कार्यक्रमाचे प्रास्ताविक केले. त्यांनी कृषी विज्ञान केंद्रामार्फत बाबुलतारा येथे २५ एकरावर सोयाबीनच्या एमएयूएस १६२ या सुधारित वाणाचे प्रात्यक्षिक घेण्यात आले आहेत. या प्रात्यक्षिकामध्ये सुधारित वाणाबरोबर मातीपरीक्षणाआधारित खत व्यवस्थापन, जैविक खताचा वापर, दोन ओळींमधील अंतर १८ इंच ठेवून झाडांची संख्या योग्य ठेवणे आदी मुद्यांवर भर देण्यात आल्याची माहिती दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com