agriculture news in marathi, develope your internal skill with mind power | Agrowon

चांगल्या सवयीचे गुलाम व्हा
सुधीर खोत
सोमवार, 20 नोव्हेंबर 2017

मित्रांनो, तुमच्या मनाची शक्ती वापरून तुम्ही काहीही करू शकता हे तर आपण पाहिले आहेच. पण इथं असा प्रश्न उभा राहतो, की या सुप्त मनातील ताकदीचा वापर कसा करायचा? जी ताकद आपल्याला दिसत नाही, त्या ताकदीपर्यंत पोचायचं कसं? याचं उत्तर तसं सोपं आहे. तुमचाच एक जिवाभावाचा मित्र आहे, जो तुम्हाला या ताकदीचा वापर कसा करायचा हे शिकवेल. हा मित्र सतत तुमच्या सोबत असतो. तो तुम्हाला यशापर्यंत अथवा अपयशापर्यंत घेऊन जातो. तो नेहमीच तुमच्याच मर्जीप्रमाणे वागत असतो. याची मैत्री तुम्ही सहजपणे सांभाळू शकता.

मित्रांनो, तुमच्या मनाची शक्ती वापरून तुम्ही काहीही करू शकता हे तर आपण पाहिले आहेच. पण इथं असा प्रश्न उभा राहतो, की या सुप्त मनातील ताकदीचा वापर कसा करायचा? जी ताकद आपल्याला दिसत नाही, त्या ताकदीपर्यंत पोचायचं कसं? याचं उत्तर तसं सोपं आहे. तुमचाच एक जिवाभावाचा मित्र आहे, जो तुम्हाला या ताकदीचा वापर कसा करायचा हे शिकवेल. हा मित्र सतत तुमच्या सोबत असतो. तो तुम्हाला यशापर्यंत अथवा अपयशापर्यंत घेऊन जातो. तो नेहमीच तुमच्याच मर्जीप्रमाणे वागत असतो. याची मैत्री तुम्ही सहजपणे सांभाळू शकता. महत्त्वाचं म्हणजे, तुम्हाला नेमकं काय पाहिजे हे तुम्ही तुमच्या दोस्ताला सांगितलं तर जिवाचं रान करून ती गोष्ट तुमच्यासाठी शंभर टक्के करून दाखवतो.

प्रत्येक मनुष्यप्राणी या दोस्ताचा गुलाम आहे. या दोस्ताची तुम्ही चांगली काळजी घेतली, तर या जगातील सर्व प्रकारचे यश तुमच्या पायी लोळण घालेल. पण त्याचा अनादर केला की तो तुम्हाला बरबाद करून टाकायला मागेपुढे बघत नाही. या दोस्ताचं नाव आहे ‘सवय’.

तुम्हाला तुमच्या सवयींतून नकारात्मक किंवा सकारात्मक ऊर्जा मिळत असते. हीच ऊर्जा तुम्हाला घडवते किंवा बिघडवते. याचं कारण, आपण पहिले सवय लावून घेतो व नंतर त्या सवयीचे गुलाम होतो. कोणतीही सवय मोडणं एवढं सोप्प नसतं, कारण कोणतीही सवय (वाईट किंवा चांगली) कडीला कडी जोडत जाऊन कधी एक मोठ्ठी, न तुटणारी साखळी तयार होते हे कळतच नाही. तेव्हा या `सवय` नावाच्या दोस्ताची जवळीक करताना जरा जपून. नवीन बदल हा फक्त जुन्या सवयींवर रचला जातो. पण वातावरण किंवा परिस्थिती, मनुष्यापेक्षा खूप श्रेष्ठ असते. म्हणूनच जुन्या वातावरणात गेले की तुमचा जुना दोस्त वाटच बघत असतो व तुम्ही जुन्या सवयीत नकळत घुसून जाता. 
कोणतीही गोष्ट तुम्ही पहिले पाहता, नंतर त्याप्रमाणे कृती करता. जेव्हा एखादी गोष्ट तुम्ही नेहमी, सतत्याने करता त्या वेळी तुम्हाला त्याची सवय लागते. उदा : दरमहा किंवा मिळालेल्या प्रत्येक कमाईचे १० टक्के रक्कम बाजूला काढून ती गुंतवणूक करणे, ही चांगली सवय. पण समजा, तुमच्या आजोबांनी तुम्हाला हे सांगितले असेल, की पैशामुळेच सर्व समस्या निर्माण होतात त्यामुळे पैसा खर्च केलेला बरा, तर तुम्ही अशा दोस्ताला जवळ करता, जो तुम्हाला पैसा खर्च करायला भाग पाडेल. हा सवय नावाचा दोस्त तुम्हाला जे सांगेल, त्याचप्रमाणे सर्वजण कार्य करत असतात. म्हणूनच चांगल्या सवयीशी दोस्ती करायची असेल तर खालील चार गोष्टी समजून घेणे महत्त्वाचे आहे.

  •  तुम्हाला कोणी बदलू शकत नाही 
  •  तसेच तुम्ही कोणालाही बदलू शकत नाही. 
  •  कोणतीही सवय पूर्णपणे नष्ट होत नाही. 
  •  चांगल्या सवयींशी दोस्ती टिकवायची असेल तर सातत्य आवश्यक असते. 
  •  एकदा वाईट सवयीशी दोस्ती तुटली, की त्या वातावरणापासून लांब राहा.

निसर्गामधून शिकण्यासारखं खूप आहे. कोणतीही मोठी नदी जवळून पाहा. पाऊस पडल्यावर प्रथम लहान झरे, नंतर छोटे-मोठे ओढे, नाले अस एकत्रीकरण सर्व बाजूंनी होत असते. असंख्य ठिकाणचे ओढे एकत्र येऊन एक छोटी नदी होते. २-३ नद्या एकत्र होऊन एक मोठी नदी होते. 

आता इथं समजून घ्या, की तुमचा चांगला दोस्त म्हणजे - प्रत्येक कामाईमधून १० टक्के बाहेर काढून गुंतवणे. अशा अनेक १० टक्क्यांमधून होणारी मोठी रक्कम म्हणजे नदी. या रकमेची गुंतवणूक केल्यामुळे होणारी नियमित कामाई म्हणजे वाहता पैसा. तेव्हा या चांगल्या दोस्ताकडून १० टक्के बचतीची सवय लावून घेतली, तर आयुष्यात किती बदल घडतील हे तर तुम्ही पहिलेच. विचार करा; जर आयुष्यातल्या प्रत्येक सवयीचे बरकाईने निरीक्षण करून त्यात सकारात्मक विचार घडवला, तर श्रीमंतीच्या दिशेने तुमची वाटचाल निश्‍चितपणे हेईल. चला तर मग, चांगल्या सवयीचे गुलाम होऊया. 

(लेखक ‘फायनान्शिअल फिटनेस` या फर्मचे संचालक आहेत.) 
 

इतर अॅग्रोमनी
कापसाच्या फ्युचर्स किमतीत वाढीचा कलया सप्ताहात कापूस, सोयाबीन व हळदीच्या किमतींत घट...
चीन येथील सफरचंद उत्पादकांचा निर्यातीवर...चीनमधील काही भागांमध्ये सफरचंदांचे उत्पादन होते....
संत्र्याकरिता शेतकरी उत्पादक कंपन्या,...अमरावती : सिट्रस इंडिया लिमिटेड नांदेड आणि...
‘ऑपरेशन ग्रीन’च्या मार्गदर्शक सूचना...पुणे : देशातील बटाटा, कांदा, टोमॅटोच्या पिकांच्या...
सोयाबीन, खरीप मका, कापसाच्या भावात घटया सप्ताहात रब्बी मका वगळता इतर सर्व पिकांच्या...
चीनमधून पांझ्हिहुआ आंब्याची रशियाला...चीनमधील वैशिष्ट्यपूर्ण पांझ्हिहुआ आंब्यांची...
शेतमालाच्या विपणनातील अडचणी अन्...शेतमालाच्या विपणनातील समस्यांवर तोडगा काढण्यासाठी...
देशात खतांची टंचाई नाहीदेशात यंदा खतांची टंचाई जाणवण्याची शक्यता नाही,...
नाफेड हरभऱ्याचा साठा विक्रीस काढणारकेंद्रीय अन्न मंत्रालयाने दि नॅशनल अॅग्रिकल्चरल...
दूध का दूध; पानी का पानीराज्यात दररोज सुमारे सव्वा दोन कोटी लिटर दुधाचे...
शेतकऱ्यांनी स्वतः व्यापार करण्याच्या...मी गूळ तयार करून पेठेत पाठवीत असे. प्रचलित...
दूध भुकटी निर्यात नऊ टक्के वाढण्याचा...महाराष्ट्र आणि गुजरातमध्ये दूध भुकटी निर्यातीसाठी...
एकात्मिक शेती पद्धतीतून उत्पन्‍न दुप्पटनवी दिल्ली : शेतकऱ्यांचे उत्पन्न २०२२ पर्यंत...
पाऊसमानाकडे बाजाराचे लक्षमहाराष्ट्रातील प्रमुख अन्नधान्ये आणि भाजीपाला...
सोयाबीन वगळता इतर शेतमालाच्या भावात वाढया सप्ताहात मका व हळद वगळता सर्वच पिकांत वाढ झाली...
शासनाच्या पाचशे योजना ‘डीबीटी’वर ः...नवी दिल्ली  ः शासानाने योजनांतील गैरव्यवहार...
कापसाच्या किमतीत वाढीचा कलया सप्ताहात कापूस व हरभरा वगळता सर्वच पिकांत वाढ...
विक्री व्यवस्थेतील त्रुटींमुळे...ब्रॉयलर पोल्ट्री मार्केटमध्ये लीन पीरियडची सुरवात...
मका, सोयाबीन, हळदीच्या भावात घसरणएनसीडीईएक्समध्ये या सप्ताहात साखर व सोयाबीन वगळता...
नोंदी ठेवून करा शेतीचे नियोजनशेतीच्या नोंदी या अनुभव समृद्ध करण्यासाठी कामी...